YAKOBIS 2:19 - Susula Malalaok Hehelu Palak Ma Hehelu Beuk

¹⁹ Emi mamahele Manetualain ka'da esa hetu? Na, dula dale mangalau kala lamahele dede'ak ndia boe, de ala dele bengge'be lo bibii ka!

YAKOBIS 2:19 ပူးပေါင်းရင်းမြစ်များ

YESAYA 43:10

Hai Au anang-ngala lemi, Au sakasiing-ngala nde emi, Au hele emi, da'di Au atang-ngala, fo ela malelak Au, ma mamahele neu Au, ma bubuluk, mae Au nde Manetualain. Au Manetualain, fo ka'da kisak, ta hapu fe'ek, nai lelek Au beita, ma nai lelek Au nai ia.

YESAYA 44:6

Manetualain Fo Manakoasa, Manek, ma Israel manamasalu-mahapan-na, halan-na nde ia nae, “Au Manetualain, Fo Ka'da Kisak esa, fo makasososak ma mate'ek.

YESAYA 44:8

Au leoinang-ngo nei, boso bii, do nggenge; ade neme makahulun-na, losa besak ia Au ta afa'da ela, hata fo ana da'di fa do? Au sakasiing-ngala nde emi. Ta hapu manamasulu-mahapa fe'ek fo Au ta alelak-kasa fa.”

YESAYA 45:6

Au tao basa sila-la fo ela neme dulu losa muli, basa hataholi-la bubuluk, Au nde Manetualain, ta hapu lamatua daebafak fe'ek, ka'da Au mesang-nga.

YESAYA 46:9

Mafandendelek, manada'dik manai tepo lelek makahulun eli; manaku leon, mae Au Manetualain, de ta hapu fe'ek fa, Au Manetualain, de ta hapu hata esa boen, sama leo Au fa.

YUNUS 4:4

Boema Manetualain, nataa nae, “O ta hapu ne'ek soaneu mamanasa leo ndiak fa.”

YUNUS 4:9

Tehu Manetualain nafa'dan nae, “Ta nandaa, o dale he'di leondiak hu ka nde aiana ndia mamaten-na fa!” Boema, Yunus nataa nae, “Tao leo bee de, ta? Ndandaan-na, au amanasa anseli losa mate dei.”

ZAKHARIA 14:9

Boema neukose, Manetualain Ana paleta da'dileo manek neu basa daebafak-ka lala'en-na; basa hataholi-a, neukose sene-do'ok neun, da'di leo Manetualain, ma lalelak-kana nenik na'dek sama.

MATEOS 8:29

Duas kalua leme lea-luak manai lates sila la dalek mai, de ala nggasi lae, “Manetualain Anan O, de O sanga tao ami le'e ia? Ade O sanga tao doidoso ami, leomae fai na beita losa fa do?”

MARKUS 1:24

“Hei Yesus fo Hataholi Nazaret. O sanga tao ami le'e ia? O mai soaneu O tao makalulutuk ami do? Au bubuluk see O. O ia Hataholi nadedenu malalaok neme Manetualain mai!”

MARKUS 12:29

Boema Yesus nae, “Paleta makasososa ka nde: ‘Mamanene leon, hei hataholi Israe la lemin! Ita Lamatuan Manetualain nde bee na Lamatua kisak.

MARKUS 5:7

Ana nggasi napane'e nae, “Yesus, Fo Manetualain Mademaina Ana na! O sanga tao au le'e ia? No Manetualain na'de na, au dokodoe fo boso tao doidoso au!”

MARKUS 7:9

Boema Yesus nafa'da selu kasa nae, “Emi malela ma seli soaneu emi ta sipok Manetualain paleta na, fo sue ka nde emi ho'u mahele emi nanoli mala.

LUKAS 4:34

“Hei Yesus, hataholi Nazaret, O sanga tao ami le'e ia? Ade O mai soaneu tao makalulutuk ami do? Au bubuluk see O; O hataholi nadedenuk fo malalaok neme Manetualain mai!”

YOHANIS 17:3

Ndia nde maso'da matetu ka ma manaketu basa ta ka, fo ela hataholi la lalelak Ama ka nde Manetualain, fo mesa-mesa kana nde ndo sa, ma lalelak Yesus Kristus nde bee na, Ama ka nde nadenu nana.

HATAHOLI 16:17

Inak ndia ka'da tunga nahele ami mo Paulus. Ana eki ma nae, “Hataholi ia la Manetualain Fo Matua-Madema ndia atan sila! Ala mai fo lafa'da tolanoo kala, eno na tao leo beek fo tolanoo kala hapu so'dak!”

HATAHOLI 19:15

Tehu dula dale mangalauk sila lafa'das lae, “Au alelak Yesus ma Paulus boeo, tehu emi ia see?”

HATAHOLI 24:25

Tehu lelek fo Paulus kokolak nakandoo la'eneu tao tunga ka'da ndo na, ma nakatatak nasa-melu ka, ma la'eneu huhukuk nai Fai Mate'e ka boema, Feliks bii nanseli de nafa'da Paulus nae, “O bole fali besak ia leona, fo au hapu fai loak soona, de'i fo au alo seluk o.”

ROMA 3:30

Nana Manetualain ka'da esa mesa kana. Ndia nde fe hataholi Yahudi la malole falik lo Manetualain, hu ka nde lamahele. Ma Ndia boeo nde fe leoina fe'e kala malole falik lon, nana lamahele boe.

1 KORINTUS 8:4

La'eneu na'a nana'ak fo nanafe basak neu sosongo-tatango ka, ita bubuluk tae, tunga ndo na sosongo-tatangok ta. Boema ita boeo bubuluk basa, Manetualain ka'da esa; ta hapu fe'ek so'on.

1 KORINTUS 8:6

Tehu ba'eneu ita soona, Manetualain ka'da esa. Ndia nde Amak, fo mana makadada'dik basa hata lala'ena. Fo ita taso'da soaneu Ndia. Ma Lamatuak ka'da esa boe, fo nde Yesus Kristus. Tunga Ndia de, Manetualain nakadada'dik basa hata lala'ena, ma hu ka nde Ndia boe, de ita taso'da.

GALATIA 3:20

Na, muse hapu hataholi dua laheluk, fo besa ka paluu hataholi mana makalala'ok esa. Tehu Manetualain ta paluu hataholi mana makalala'ok fa, nanahu Ndia mesa kana nde naketu.

ULANGAN 6:4

Tolano-tolanoong-ngala lemin, mamanene leona! Ka'da Amak, ma Amak-ka mesak-kana nde ita Manetualain

1 TIMOTIUS 2:5

Nana, hapu ka'da Manetualain esa mesa kana, ma hapu ka'da hataholi esa mesa kana nde da'di hataholi tala'dak, soaneu Manetualain no hataholi daebafa ka, fo nde Kristus Yesus.

YAKOBIS 2:8

Emi tao-no'i tatao-nono'im malole, metema emi tao tunga hoholo-lalanek fo nanasulak nai Susula Malalaok dale nae leo ia, “Sue-lai o nonoo hataholi ma, sama na leo o sue-lai ao ina ma.”

YUDAS 1:4

Nana, ita ta tame'da fa te, hapu hataholi kikisa kala, ala masok talipeo leo ita hataholi kamahehele kala nakabuan dale mai so. Hataholi sila la, hataholi mangalau kala. Ala tui puta-pai halak la'eneu ita Manetualain susue-lalain, fo ala hapu loak, tao latetu sila ha'da-tatao ta kandaa nala fa. Ma ala ta sipok Yesus Kristus, fo Mana Koasa kisak, ma ita Lamatua na fa. Hataholi sila, huhuku na nana nafa'da elak nai Susula Malalaok dale, neme makahulun eli mai so.

YUDAS 1:6

Tao leo bee o, emi boeo bubuluk la'eneu ata nusa so'dak fo mana la'o lena sila koasa na too-lanen, nalosa ala la'oela sila mamana leleo na soona, Manetualain lange ata nusa so'dak sila la ninik namosina mana ketu basa taa ka, nai mamana makahatuk dale, nai daebafa ka buin-na. Ata nusa so'dak sila, nanatahan nahelek, losa sila huhuku na nananaketuk, metema fai mate'e ka losa.

NINITAK 20:10

Basa boema Nitu fo manake'dindiu nalas ndia, ala tapan leo tasi ha'ik ma belerang dale neu. Bana ndia no nabi pepekok sila la ala tapa lakahulu kasa leo mamanak ndia neu. Neukose ala tao lalas doidoso lele'do le'odaen losa dodoo na.