YAKOBIS 2:15 - Susula Malalaok Hehelu Palak Ma Hehelu Beuk

¹⁵ Leo uni ka touk esa do inak esa, paluu bua papakek do nana'a-nininuk.

YAKOBIS 2:15 ပူးပေါင်းရင်းမြစ်များ

YESAYA 58:10

Fe hataholi kamala'ak-kala la'a, ma tulu-fali hataholi nanatuni-ndenik-kala. Metema emi tao leondiak, soona makahatuk manai emi boboa-kaisum-ma, neukose ana da'di mangale'dok, sama leo nai fai lele'don-na.

YESAYA 58:7

Baba'e emi nana'a-neninum neu hataholi kamala'ak-kala, sipok hataholi uma tak-kala nai emi umam. Fe hataholi makaholak-kala, bua papakek, ma boso tipa emi tolanom fo, ana paluu tutulu-fafalik.

YESKIAL 18:7

Ana beita tipu-dai nita, do namanako fa. Ana fe falik hataholi mahutak-kala, bua pepe'dan soaneu hutan-nala. Ana fe hataholi kamala'ak-kala la'a, ma ana fe hataholi ba'du tak-kala, bua papakek.

MARKUS 14:7

Hataholi nuu ta-hata ta kala, mandoo fai a lai emi tala'da. Metema emi nau soona, tunga faik emi hapu tulu-falis. Tehu Au ta sama-sama o emi tataas esa fa.

LUKAS 3:11

Yohanis nataa nae, “Hataholi fo nanuu ba'du biak dua soona, muse ana fe esa leo ba'du ta ka neu; ma hataholi manana'a-nininu ka, muse ana baba'e fe hataholi nana'a-nininu ta ka.”

HATAHOLI 9:29

Ana kokolak ma natukaaafik no hataholi Yahudi mana kokolak linik dede'a Yunani la boe, tehu ala sanga enok fo ala taolisan.

IBRANI 11:37

Ala tapas linik batu losa mates, hapu nggelok nanatatik ninik hoholok, ma nggelok nanado'dok ninik tafaina. Ala laleu-lalaa lo bua papake nala nanataok neme bi'ilopo louk do bi'ihii lou ka mai. Sila nuu ta-hata ta kala, nanafepa-li'uk ma nanatao doidosok.

YAKOBIS 2:5

Mafandendelek tolano-tolanoo susue-lalai ngala lemein! Manetualain hele basa hataholi nuu taa-hata tak manai daebafak ia la, ala da'di hataholi kamasu'ik nai namahehele ka dalek. Neukose hataholi sila la, nde da'di Manetualain hataholi kamahehelen, sama leo Manetualain helu basan neu hataholi mana sue-lai nana.

1 YOHANIS 3:17

Metema hataholi manahapu-manadaik esa nita tolano na toto'a-tataan, tehu ana ta taoafik neu tolanon ndia fa soona, tao leo bee de hataholi ndia nafa'da nae, ndia sue-lai Manetualain?