YAKOBIS 1:9 - Susula Malalaok Hehelu Palak Ma Hehelu Beuk

⁹ Hataholi kamahehele nuu ta-hata ta ka, ela leo bee na namahoko, metema Manetualain so'u namadedeman.

YAKOBIS 1:9 ပူးပေါင်းရင်းမြစ်များ

MAZMUR 62:9

Hai au leoinang-ngala lemin, mamahele neu Manetualain tunga faik, po'a la'iesak o dudu'a-aafim neun nana ita mamana nasulu-nahapan-na, nde Ndia.

AMSAL 17:5

See hakinonoli hataholi nuu-taa hata-taak-ka soona, nakamumulu-nakamamaek Manetualain, fo manamakadada'dik-kana. See namahoko-setelee soaneu hataholi ua-nale poke-pake-a soona, tao leo bee-o, ana hapu huhukuk.

AMSAL 19:1

Malole lenak hataholi nuu-taa hata-taak, fo dalen-na ndoos, neme hataholi nggoak, fo ana nau nasapepekok-nasandandali.

YESAYA 29:19

Hataholi nuu taa-hata taak-kala, ma matasi'da-matasaek-kala, neukose ala hapu falik tetu-temak fo, Israel Manetualain malalao-malalafun-na, fek-ka.

LUKAS 1:52

Nakonaheni mane-mane kala leme kandela mane nala lain mai ma hataholi matasi'da-matasai kala nanatao namadedemak.

LUKAS 10:20

Leomae leondiak boe, boso mamahoko hu ka nde dula dale mangalau kala tunga emi paleta ma. Malole lenak emi mamahoko, hu ka nde emi na'de ma nanasulak nai susula maso'dak manai nusa so'da ka.”

LUKAS 14:11

Nana basa hataholi fo namatutua-namadedema aoina na, neukose nananakaloloe-nakadadaek, tehu hataholi fo nakaloe-nakadae aoina na, neukose nananamatutua-namadedemak.”

LUKAS 9:48

Boema nafa'da ana manatunga nala nae, “Hataholi fo ana sipok ni'iana ia nanahu Au soona, sosoa na nae, ana sipok Au. Ma hataholi fo mana sipok Au a, ana sipok Ndia fo manamadenu Au a. Nana hataholi fo kome'doana nai emi tala'da, ndia nde matua lena!”

ROMA 8:17

Naa, metema ita ia Manetualain anan soona, ita nde hapu hata-heto nala, boema ita nde sipo baba'e-papalak fo Ana sadia basan soaneu ana nala. Neukose Kristus ba'e fe ita Ndia hata-heton boe; nana metema ita doidoso to Kristus soona, neukose ita tandela-tasa'a ton boe.

2 KORINTUS 6:10

Leomae ami dale ma nananakahehe'dik, tehu ami mamahoko tataas esa boe. Ami nananitak hataholi nuu ta-hata tak, tehu ami tao ma hataholi ba'u ka lamasu'i so. Ami nananitak ta manuu hata esa boen, tehu tunga ndo na ami manuu basa-basan lala'ena.

ULANGAN 15:11

Nai hataholi Israel-la dalek, neukose hapu nahele, hataholi de'ubee nuu taa-hata taak, ma manato'a-taak. Hu ndia de, au paleta emi, fo madale malole neu hataholi sila-la.”

ULANGAN 15:7

Mahani te, metema emi leo nai emi Manetualaim-ma fe nusak-ka, boema emi leoinam esa, nai emi kotam esa dalek, ana to'a-taa soona, emi boso mete ka'da emi aoinam-ma mesak-kana, fo emi ta nau tulu-fali fan.

ULANGAN 15:9

Manea matalolole, fo boso nalosak emi dodoo nai emi dalem dale, mae leo ia: teuk fo kokaheni huta-bu'uk-kala, ana deka so, de emi ta nau fen tona doik fa. Boso makaboboi dudu'a-aafi mangalauk ndia, nai emi dalem dale. Metema, emi ta nau fe hataholi ndia, ana tona doik fa, boema naloo bou-bou neu Manetualain, fo ana kalaak emi, soona neukose emi hapu salak.

FILIPI 3:14

Hu ndia de au alaik akandoo losa mate'e na, fo au sengi, soona au hapu so'dak manai nusa so'da ka; hu no enok ndia de, Manetualain nalo ita tunga Kristus Yesus.

FILIPI 3:3

Te see ko na, ita nde sipo sunat matetu ka, te sila soona, ta. Ita sene-do'ok neu Manetualain, hu ka nde Dula Dale na hehela-nonolen, ma ita toke makasi nanahu ita taso'da da'di esa to Kristus Yesus. Ita ta tamahena neu ito-atok tunga ha'da-tatao ao paa ka fa.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.

NINITAK 2:9

Au bubuluk basa emi toto'a-tataa mala. Au bubuluk emi nuu ta-hata ta kala, tehu tunga doo na emi kamasu'ik! Au bubuluk kalaak pepekoko kala soaneu emi neme hataholi fo ana manaku aoina hataholi Yahudi, te se'ko na ta. Sila nde bee na Nitu hataholi kamahehelen!

SEMUEL SUSULAK-KA ESAN-NA 2:8

Ana so'u hataholi nuu taa-hata taak-ka neme doi-doson mai, Ana soi-po'i hataholi nananakadadaek-ka neme doidosok-ka mai. Ana taos da'di manefetoana-la tia-lain, ma Ana fes nangatuuk maha'da-holomatak Manetualain nde nanuu daebafak-ka buin-na, de nafofo'a daebafak-ka nai lain.