YAKOBIS 1:26 - Susula Malalaok Hehelu Palak Ma Hehelu Beuk

²⁶ Metema hataholi esa, ana dodoo nana, ndia hataholi mana tunga agama hoholo-lalanen, tehu ta nanea na maa na fa soona, ana ke'dindiu seluk ao ina na nde ndia; soona palsuma la'i esa kana, namahele neu Lamatua ka.

YAKOBIS 1:26 ပူးပေါင်းရင်းမြစ်များ

AYUB 15:13

o mamanasa Manetualain, de o mase'i mon.

AYUB 30:11

Hu kande, Manetualain taon-na au male-tale, ma manatulu-manafaling ta, ala ta lakatatakak lala aoinan-nala, soaneu lamanasa au fa.

MAZMUR 141:3

Ou Manetualain, manea au bafang-nga, ma taoafik neu difadoong-nga.

MAZMUR 32:9

Boso sama leo ndala kanenis-sa, fo muse helan nenik lapa ma tali, soona besak-ka ana tunga.”

MAZMUR 34:13

Emi nau, emi teum-ma namanalu fo mame'da mita, hata fo malole-a do?

AMSAL 10:19

Boetai kokolak soona, boetai tao sala-singok; hataholi fo nakatatakak-na maan-na nde been-na, hataholi manatee-tenok.

AMSAL 10:31

Hataholi dale ndoos-sa, kokolak dede'a-kokolak manatee-tenok; hataholi mangalauk-ka bafan-na, neukose nanako'o ketuk.

AMSAL 14:12

Hapu enok fo meten soona, ta ndoos fa, tehu mate'en-na, enok ndia leo mamates-sa neu.

AMSAL 15:2

Hataholi manatee-tenok-ka maan-na, kalua malelak; tehu hataholi dudu'a-aafi taak-ka, bafan-na kalua dede'a-kokola nggoak.

AMSAL 16:10

Manek-ka sipo koasa neme Manetualain mai, da'di, salan ta, nai nakeketun-na dalek.

AMSAL 16:25

Hapu enok fo meten soona ndoos, tehu mate'en-na, enok ndia leo mamates-sa neu.

AMSAL 19:1

Malole lenak hataholi nuu-taa hata-taak, fo dalen-na ndoos, neme hataholi nggoak, fo ana nau nasapepekok-nasandandali.

AMSAL 21:26

Fai katemak esa dalen-na, ka'da ana dodoo-dudu'a, la'eneu hata fo nahiik-kana. Nasafalin-na, hataholi fo, so'dan-na doos, ana hapu fe no ana sasi kao-kao.

YESAYA 1:13

Palsuma la'iesak-kana, emi meni emi tunu-hotum sila-la. Au malua tunu-hotuk sila-la boon-na. Au ta ahiik, ma Au ta akatatakak mete emi tao feta Bula Beuk-ka, fai Sabat-tala ma fai malole-la, boema nakabubua agama-la. Emi tao manggenggeo basa sila-la, nenik emi sala-singom-mala, de nalupa lelepa mabela esa ba'eneu Au; Au sota-mangu no lu'a-lepak-ka so.

YESAYA 44:20

Tatao-nono'ik ndia, sama-na leo na'a afu. Hataholi ndia, dudu'a-aafi nggoan-na, ana taon-nan natofa-natalak, nalosa ana ta hapu tutulu-fafalik so'on. Ana ta hapu manaku, nae dodoki-dudulak fo manai liman dale ndia, ka'da tipu-daik mesan.

MALEAKHI 3:14

Emi mafa'da mae, ‘Sosoa-ndandaan ta la'iesak-kana, sene-do'ok neu Manetualain. Sosoak hata, ita takalala'ok ita bela-ba'un soaneu Manetualain Fo Manakoasa, do tatu'dun tae, ita tasasale dale, neu ita salan-nala so?

MATEOS 15:9

Palsuma la'iesa kana, ala sene-do'ok neu Au, nanahu nakanenete hataholi daebafa ka, nde sila lanoli nana, nonoo ka bai de, Au nakaneneteng sila.’ ”

MARKUS 7:7

Palsuma la'i esa kana, sila lakaluku-lakatele leu Au, nanahu, sila lanoli hataholi daebafa ka nakanenete nala nono'ka bai de, Au nakaneneteng sila la!’

LUKAS 8:18

Hu ndia de taoafik matalolole hata fo emi mamanene nana. Nana hataholi fo manamanuu ka, neukose ala fen ba'u ka lena seluk. Tehu hataholi fo ta manuu ka, neukose nanaho'ik neme hataholi ndia mai, leomae bei ela ka'da faa anak nai ndia boeo.”

1 KORINTUS 15:15

Lenak neme ndia mai a, nananitak nae ami masapepeko la'eneu Manetualain, nana ami tui-benga mae, Manetualain tao naso'da falik Kristus neme mamte sa mai so, te se'kona Manetualain ta tao naso'da fali kana fa, metema memak tete'e ka, hataholi manamate kala ta nanatao naso'da falik fa!

1 KORINTUS 15:2

Metema emi ho'u mahehele hata fo au tui-bengak ndia soona, Hala Malole ndia soi-tefa na emi, ta'da fe'e metema emi mamahele ta no malelak fa.

1 KORINTUS 3:18

Boso hataholi esa boen ke'dindiu seluk aoina na. Metema hapu hataholi nai emi dalek, name'da aoina na manatee tenok tunga uuku-dodou daebafak ia soona, hataholi ndia muse ana da'di hataholi nggoak, fo ela te'e-te'e ana dadi hataholi manatee tenok.

GALATIA 2:6

Tehu leomae leondiak boe, hataholi fo lafa'da lae, nananita-nalelak sila la ta loke lakaseti dede'a beuk neme au a mai fa ba'eneu au soona, nananita-nelelak do ta boeo ta hata-hata fa, nana Manetualain ta metematak fa.

GALATIA 2:9

Yakobis, Petrus, ma Yohanis, fo meten soona, ala da'di mauli-malanga hataholi kamahehele kala boeo, ala manaku lae, Manetualain fe au bela ba'u hehelik ia boe. Boema laho'u limak lo Barnabas ma au, fo da'dileo ta'du-tana tia-laik esa. Boema sila lo ami mala halak esa mae, ami tao-no'i nai hataholi ta Yahudi la dalek, ma sila tao-no'i nai hataholi Yahudi la dalek.

GALATIA 3:4

Basa hata fo emi la'oladik sila la, manda'di tak do? Masa bole, manda'di tak!

GALATIA 6:3

Metema hataholi esa naedaenga ndia hataholi nananita-nalelak, te see ko na ta, soona hataholi ndia nasapepeko seluk ao ina na.

EFESUS 4:29

Metema emi kokolak soona, boso kokolak dede'a manggenggeok. Pake ka'da dede'a-kokolak fo nini nanoli-nafa'dak fe hataholi fe'ek. Dede'a-kokolak leondia ka, neukose nini malole fe hataholi mana mamanene nana.

EFESUS 5:4

Emi boeo, ta mandaa kokolak dede'a-kokola manggenggeok, sosoa-piaok, ma hata fo ta kandaak fa. Dede'a nasafali na, ela leo bee na, emi moke makasi neu Manetualain.

ULANGAN 11:16

Boso nau hataholi fufu'di-oodok emi, fo emi dook-ka meme Manetualain mai, fo emi sene-do'ok ma mamahele neu lamatua daebafak fe'ek-kala.

KOLOSE 4:6

Ela leo bee na, dede'a-kokolak fo emi kokola kana, muse nini nanahokok fe hataholi, ma hataholi hii namanenen tataas esa. Ela leo bee na emi bubuluk, tao tao leo beek fo, emi muse mataa hataholi a natatane nala.

YAKOBIS 1:19

Tolano-tolanoo ngala lemin! Taoafik matalolole dede'a ka nde ia: Hataholi a, muse namanene no lai-laik, tehu kokolak koe-koe, ma boso hae lai mamanasa.

YAKOBIS 1:22

Ela leo bee na, emi tao-no'i hata fo Manetualain nafa'dak ndia. Boso ka'da mamanenen, nana metema ka'da leondiak mesan soona, emi ke'di ndiu seluk emi ao ina ma nde ndia.

YAKOBIS 2:20

Emi nggoa ma seli! Ade paluu natu'du fe emi buti, la'eneu namahehele ka ta no tatao-nono'i ka fa soona, sosoa-ndandaan ta do?

1 PETRUS 3:10

Nai Susula Malalaok dale nanasulak nae leo ia, “See nau hapu so'dak ma ana nau la'oladi fai-fai malole, soona muse nanea bafa na, fo daenga ana boso kokolak dede'a-kokola mangalauk, ma boso kokolak dede'a masapepeko-masandandalik.