YAKOBIS 1:25 - Susula Malalaok Hehelu Palak Ma Hehelu Beuk

²⁵ Manetualain hoholo-lalanen matetu-mandaak, ma nanuu be'i balakaik fo ana soi-po'i hataholi daebafa ka. Hu ndia de, hataholi fo ana palisak matalolole ma ana taoafik matalole boema ana tao tunga hoholo-lalanek sila la, ma ta ka'da namanene fo nafandele heni fas soona, Manetualain fe hataholi ndia baba'e-papalak nai basa tatao-nono'i na dalek.

YAKOBIS 1:25 ပူးပေါင်းရင်းမြစ်များ

MAZMUR 106:3

Maua-manalek ba'eneu hataholi fo, ana tunga paletan-nala, ma hapu ndoos tataas esa nai tatao-nono'in-na dalek.

MAZMUR 119:32

No namahokok, neukose au tunga O paletam-ma, nana O tao-ma au, boetai alelak.

MAZMUR 119:45

Soona neukose, au aso'da no ao loak, nanahu au sanga enok, fo tunga O nanolim-ma.

AMSAL 14:15

Hataholi nggoak-ka, namahele neu basa dede'a-kokolak lala'en-na, tehu hataholi manatee-tenok-ka, ho'i nakeketuk besa-besa.

YESAYA 8:20

Soona mataa mae leo ia, “Mamanene Manetualain nanolin-na! Hataholi fo ana kokolak ta nandaa no nanolik ndia fa soona, ta nanuu namahehenak fa.”

LUKAS 11:28

Tehu Yesus nataa nae, “Maua-manalek lena seluk, hataholi mana namanene Manetualain dede'a-kokolan ma nakalala'o kana!”

YOHANIS 13:17

Makanaema emi bubuluk basa dede'ak ia la lala'ena, boema emi tao tungan soona, maua-manalek neu emi.

YOHANIS 8:36

Hu ndia de, metema ana ka soi po'i emi soona, ana soi po'i emi te'e-te'e.

HATAHOLI 13:43

Hataholi sila la kalua leme uma mamasok dale mai boema, hataholi Yahudi la lo leoina fe'ek fo mana masok agama Yahudi a ala tunga Paulus no Barnabas. Boema Lamatua ka hataholi nadedenun kaduak sila la lanoli-lafa'das, fo daenga lamahena lakandoo neu ka'da Manetualain susue-lalain.

HATAHOLI 2:42

Ala tunga Lamatua ka hataholi nadedenu nala nanoli nala tunga faik, no manggatek. Lakabubua tataas esa, ma la'a-linu leu esa, ma ala hule-haladoi sama-sama.

HATAHOLI 26:22

Tehu losa hatematak ia, Manetualain nasulu-nahapa au de nalosa au hapu apadeik nai ia, fo au fe sakasii neu basa hataholi la, nau ana do matua boe. Hata fo au kokolak ia, ta fe'ek neme hata fo Nabi la ma Musa lafa'da ela ka fa;

ROMA 11:22

Da'di, no enok ia de, ita tita Manetualain dale malole na, ba'u na seli, ma nasa-melun boeo, ba'u na seli. Ana tao mangalalau sila fo manatao sala-singo kala, tehu dale na malole neu emi, sa'di emi maso'da mahele neme susue-lalain ndia mai. Metema ta soona, neukose emi boeo nanatu'u tapahenik.

ROMA 2:13

Nana hataholi a malole falik lo Manetualain, ta hu kande hataholi ndia bubuluk basa agama Yahudi a hoholo-lalanen so, te hu kande ana tao-no'i hata fo nanasulak nai hoholo-lalanek ndia dale ka.

ROMA 7:12

Agama hoholo-lalanen no basa paleta manai hoholo-lalanek ndia dale ka, neme Manetualain mai de matetuk ma malole.

ROMA 8:15

Nana Manetualain fe emi Dula Dale ka, ana ta tao emi da'di ata fo emi maso'da nai ka'da bibii-namata'u ka dalek fa. Dede'a nasafali na, Manetualain Dula Dale na, ana tao emi da'di Manetualain anan. Boema no Manetualain Dula Dale na koasan ndia de, ita talo Manetualain soona tae, “Ama, ou au Ama nga!”

ROMA 8:2

Nana Manetualain Dula Dale na hoholo-lalanen fo manafe ita da'di esa to Kristus Yesu sa, ndia nde soi-tefa na au eme hoholo-lalanek fo manini sala-singok ma mamates ndia mai so.

1 KORINTUS 15:58

Hu ndia tolano-tolanoo susue-lalai ngala lemin! Ela leo bee na, emi balakaik ma matea-mahele. Maue-male'di makandoo soaneu Lamatua ka no te'e-te'ek, nana emi bubuluk mae, hata fo emi tao-no'in soaneu Lamatua ka, ta palsuma fa.

2 KORINTUS 13:5

So'ba emi so'ba su'dik emi aoina ma, ade emi te'e-te'e maso'da tunga namahehelek neu Kristu sa do ta! Tao leo bee o emi nameme'da mae, Kristus Yesus nai emi dalek! Dede'a na fe'ek, metema memak emi ta mamahele te'e-te'e fa.

GALATIA 2:4

leomae hapu hataholi lakasetin fo ana tunga nakanenetek sila la. Hataholi sila la nde bee na, nde hataholi fo ala solodo'dok leo ita partei na dalek leu fo ala masok no nafufunik, da'dileo tolanoo ka. Ala masok no denge-dengek nana, ala sanga palisak matalolole ita so'dan fo nanase'i po'ik hu ka nde, ita da'di esa to Kristus Yesus. Ala nau lo falik ita leo ha'da-tatao makahulu ka neu, fo da'di ata,

GALATIA 5:1

Besak ia, ita ao na loak, nana Kristus se'i po'i ita so! Hu ndia de ho'u mahele emi ao loa ma, fo boso nau da'di ata seluk bai.

GALATIA 6:2

Ela leo bee na, emi matulu-mafali ao nai hataholi toto'a-tataa na dalek, fo ela no enok ndia de, emi tao tunga Kristus paleta na.

KOLOSE 1:23

Tehu tao leo bee o emi muse lilineka mahele ma mapadeik mahele nai emi namahehele ma dalek. Boso nalosak emi po'i heni namahehenak fo nanafe basak neu emi, nai lelek emi sipok Hala Malole maneme Manetualai na mai a. Hala Mole ndia nanatui benga basak neu hataholi manai daebafa ka lala'ena. Ma hu no enok ndia de au Paulus, dadi malalau naoono boe.

1 TIMOTIUS 2:15

Leomae leondiak boe, neukose ina ka hapu so'dak, nana ana bongi anak; sa'di no dale nakaloe aok, namahele nahele Kristus, ma ana sue-lai nahele hataholi fe'ek, ma naso'da malalaok neu Manetualain.

1 TIMOTIUS 4:16

Manea o ao ina ma, ma manea o nanoli ma boe. Ela leo been-na, o lilineka mahele nai basa dede'ak sila la dalek, nana no enok ndia, neukose o moo hataholi fo lamanene o nanoli mala, hapu so'dak.

IBRANI 12:15

Manea leona, fo boso nalosak hapu hataholi esa boen, ana kalua neme Manetualain dale malole na mai, fo ela boso hapu nggelok da'di sama leo bubu'u-palusa malasok nai emi tala'da heom, nalosa nini toto'a-tatak ma ana tao nalutu hataholi ba'u ninik ndia laso na.

YAKOBIS 2:12

Kokolak ma tao-no'i sama leo hataholi fo, neukose nananaketu-nala'dik tunga Manetualain hoholo-lalanen fo mana soi-po'i hataholi daebafa ka.

1 PETRUS 2:16

Ela leo bee na emi maso'da sama leo hataholi ao loa ka, tehu boso pake emi ao loam ndia, fo emi mafuni emi tatao-nono'i mangalau mala, te emi muse maso'da sama leo Manetualai nata nala.

1 YOHANIS 2:24

Hu ndia de, lelek emi mulai mamahele boema emi mamanene makasososa hala ka, ela leo been-na emi manea matalololen nai emi dalem dale. Nana metema emi taoafik matalolole halak ndia soona, neukose emi maso'da tatas esa moo Ana ka ma Ama ka.

NINITAK 14:13

Boema au amanene hala ka neme nusa so'da ka mai nae, “Sulak-ma ia leona: Mulai besak ia, maua-manalek neu hataholi fo ana mate te bei nalalau-naoono Lamatua ka!” Manetualain Dula Dale na nataa nae, “Tete'e ka! Neukose ala hahae ue-le'di puselaipana ka, nana sila lau-onon buna boan no naheles tatas esa.”

NINITAK 22:14

Maua-manalek neu hataholi fo ana safe ba'du manalu na losa malalaok, nalosa sila lanuu hak la'a ai boak neme ai maso'da ka boa na, ma ala masok leo kota ndia dalek tunga lelesuina na.

SEMUEL SUSULAK-KA ESAN-NA 12:14

Maua-manalek neu emi, metema emi fe ha'da-holomata neu Manetualain ma makaluku-makatele neun, nakalenak lilineka mahele neu Manetualain fo emi Manetualaim-ma.