YAKOBIS 1:19 - Susula Malalaok Hehelu Palak Ma Hehelu Beuk

¹⁹ Tolano-tolanoo ngala lemin! Taoafik matalolole dede'a ka nde ia: Hataholi a, muse namanene no lai-laik, tehu kokolak koe-koe, ma boso hae lai mamanasa.

YAKOBIS 1:19 ပူးပေါင်းရင်းမြစ်များ

NEHEMIA 8:18

Ala tao feta faik hitu dalen-na. Tunga faik, Ezra lees Manetualain susula Hoholo-lalanen neme baba'ek leo baba'ek neu. Neu fai ka falun-na boema, feta nate'e, nandaa no Hoholo-lalanek nakaneneten-na.

NEHEMIA 9:17

Ala ta tunga fa, lafandele heni O dale malolem lala'en-na, ma lafandele heni basa O tatao-nono'i manada'di beum-mala. No koao-ndaeaok, ala hele mauli-malangan esa, fo nos leo Masir leu fo da'di ata seluk. Tehu O Manetualain fo nau fe do'o do ampon, hahae naluk, dale malole ma manasue laik. O susue-lalaim, tete'ek-ka ba'un-na seli; O ta la'o ela fas.

NEHEMIA 9:3

Fafa'kama nai li'u telu dalen-na, ala lees fes Manetualain fo sila Manetualain-na Susula Hoholo-lalanen, ma basa de nai li'u telu dalen-na, ala manaku sila sala-singon-nala. Basa ndia boema, ala sene-do'ok neu Manetualain, fo sila Manetualain-na.

AYUB 32:16

Ka'da lapadeik, te ala ta bisa kokolak so'on. Ade, au muse ahani, leomae ala bedenge do?

AMSAL 10:19

Boetai kokolak soona, boetai tao sala-singok; hataholi fo nakatatakak-na maan-na nde been-na, hataholi manatee-tenok.

AMSAL 13:3

Hataholi fo nanea hala-kokolan-na, neukose so'dan-na nee-nee lino-linok; hataholi manakokolak tofa-tafi-a, neukose susa-soe tunin-nan.

AMSAL 14:17

Hataholi fo ana hii namanasa, ana ho'i nakeketu nggoak; tehu hataholi manatee-tenok-ka, ana ta haelai namanasa fa.

AMSAL 14:29

Hataholi manatee-tenok-ka, ta namanasa lai-laik fa; tehu hataholi nggoak-ka, ta hapu nakatataka-na, aoinan-na fa.

AMSAL 15:18

Hataholi fo namanasa lai-lai-a, nakadada'dik nale'a-napilik, tehu hataholi fo, ta haelai namanasa fa, neni mole-dame.

AMSAL 15:2

Hataholi manatee-tenok-ka maan-na, kalua malelak; tehu hataholi dudu'a-aafi taak-ka, bafan-na kalua dede'a-kokola nggoak.

AMSAL 16:32

Hataholi fo, ana ta haelai namanasa fa, malole lena heni palani tatibatu esa; hataholi fo, ana paletan-na aoinan-na, malole lena heni hataholi manaloso-na kota.

AMSAL 17:14

Mulai nale'a-napilik-ka nde been-na, sama leo soi heni oe enon-na; hu ndia de, nale'a-napilik-ka beita mulai fa te, heok leona.

AMSAL 17:27

Hataholi dudu'a-aafi matane-a, ta bafa maloa fa. Hataholi manatee-tenok-ka, nee-nee lino-linok tataas esa.

AMSAL 18:13

Mataa makahuluk, neme mamanene nde been-na tatao-nono'i nggoak, ma nakamumulu-nakamamaek.

AMSAL 18:21

Maak-ka nanuu koasa soaneu soi-tefa-na so'dak-ka, do tao nalutun; hataholi-a muse lu'a-lepa-na, hala-kokolan neninin-na.

AMSAL 19:11

Hataholi manatee-tenok-ka, bisa nakatatakak-na, nasa-melun, ma nanakoa-nanakiok, nanahu ana fe ampon neu hataholi manatao salak soaneun.

AMSAL 19:19

Nemen-na, fo hataholi namanasa lai-lai-a, name'da aon neninin-na Metema o tulu-falin soona, ka'da o tao makananasak-kana.

AMSAL 21:23

Soaneu boso hapu toto'a-tataak-ka, ela leo been-na, manea matalolole hala-kokolak-ka.

AMSAL 25:28

Hataholi fo, ta nakatatakak nala aoinan-na fa sama leo kota fo, ndefa heni kota musun-na so.

AMSAL 29:20

Hataholi nggoa-panganaa namahehenan-na, ba'uk-ka lena neme hataholi fo ana kokolak, te ana ta dudu'a-dodoo nakahuluk fa.

BILANGAN 22:27

Keledei ndia nita Manetualain ata nusa so'dan-na boema, ana bala neu. Bileam namanasa, de ana fepa keledei ndia, nenik ai tete'en-na.

MATEOS 5:22

Tehu besak ia, Au afa'da neu emi te, ba'eneu see fo namanasa hataholi fe'ek soona, neukose ana hapu huhukuk nai Mana Maketu Mala'di Agama Matua matan. Ma ba'eneu see naseo hataholi nae, ‘Nggoak’ soona, hataholi ndia nandaa tapan leo tasi ha'ik dale neu.

MARKUS 12:37

Da'di metema Dauk noke Mane Mana Fe So'dak ndia nae, ‘Lamatuak’, soona da'di tao leo beek de, Dauk tititi-nonosin Mane Mana Fe So'dak ndia?” Hataholi makadotok manai Manetualain Uman sila la, ala hii lamanene Yesus nanoli.

MARKUS 2:2

Boema hataholi makadotok ala mai. Lakamomotu lai ndia de nalosa ta hapu mamanak seluk so'on. Nai lelesu a mata na boeo nakase'e no hataholi a. Boema Yesus tui-benga halak maneme Manetualai na, neu hataholi makadotok sila la.

LUKAS 15:1

Faik esa boema manasusu bea makadotok ma hataholi fo lau nala lafa'da lae hataholi ta malole la, ala mai lamanene Yesus nanoli-nafa'dan.

LUKAS 19:48

tehu ala ta hapu enok soaneu tao fan, nanahu basa hataholi la ka'da lamanene lahelen, ma lahiik hala-kokolan.

HATAHOLI 1:15

Faik esa, fo nai lelek lakabubua – fafa'kama hapu hataholi natun esa duahulu lai ndia – Boema Petrus fo'a napadeik de ana kokolak nae,

HATAHOLI 10:33

Hu ndia de no lai-laik, au adenu hataholi neu nalo Tuan. Tuan dale na malole hiik, de Tuan mai so. Besak ia, ami basa-basa mala makabubua nai ia, nai Manetualain matan, fo mamanene basa hata fo Manetualain nadenu Tuan nafa'dan neu ami.”

HATAHOLI 13:48

Nai lelek leoina fe'ek fo hataholi ta Yahudi la lamanene dede'ak ndia, boema lamahoko lanseli, de ala koa-kio Manetualain dede'a-kokolan. Ma hataholi fo Manetualain hele basa kala lamahele ala hapu so'da matetu ka, ma mana ketu basa ta ka.

HATAHOLI 17:11

Hataholi manai Berea la hii lamanene Paulus no Silas tutui-bebengan, lenaheni hataholi Tesalonika la. Lamanene Lamatuak Yesus dede'a-kokolan no namahokok, ma tunga faik ala lees Susula Malalao ka fo ala bubuluk, ade Paulus nanolin sila la tete'e ka do ta.

HATAHOLI 2:42

Ala tunga Lamatua ka hataholi nadedenu nala nanoli nala tunga faik, no manggatek. Lakabubua tataas esa, ma la'a-linu leu esa, ma ala hule-haladoi sama-sama.

EFESUS 4:26

Metema emi mamanasa soona, boso po'ilotak nasak ndia, nini fe emi sala-singok. Boso mamanasa losa le'do tenak,

EFESUS 4:31

Tao mamopo basa dale he'dik lala'ena, nape'da dale ka ma nasa-melu ka. Hahae nasapala ka, ma dodoki-aali ka. Boso boe mape'da dudu'a-aafi nakamuu-nakadau ka do dudu'a-aafi fe'ek matak leondia ka bai.

KOLOSE 3:15

Ela leo bee na, mole-dame fo Kristus fen nai emi dalem dale a, nde naketu basa emi nakeketum lala'ena. Nana Manetualain nalo emi, soaneu emi da'di lima-eik neme aok esa mai, fo ela emi maso'da nai mole-dame fo maneme Kristu sa mai a. Ela leo bee na, emi moke makasi neu Lamatua ka.

KOLOSE 3:8

Tehu besak ia, ela leo bee na emi tu'u-tapa heni basa mangalauk sila la, neme emi dalem dale mai: fo nde, boso boe mamanasa bai, do makasese'bok do mape'da dalek neu hataholi. Boso kalua dede'a-kokola dodoki-aalik do dede'a manggenggeok neme emi bafam dale mai makandondook.

1 TESALONIKA 2:13

Hapu seluk dede'ak fe'ek esa, nde tao na ami moke makasi tataas esa neu Manetualai na. Dede'ak ndia nde ia nae, nai lelek fo ami manduku-malosak halak ndia, ta da'dileo halak neme hataholi daebafa ka mai fa te, da'dileo halak fo te'e-te'e ana mai neme Manetualain mai. Ndia nde mana tao-no'i nai emi fo mana mamahele Kristu sa, ao inan dale.

YAKOBIS 1:16

Tolanoo susue-lalai ngala lemin, boso fe hataholi ke'dindiu emi!

YAKOBIS 1:2

Tolano-tolanoo ngala lemin! Metema emi la'oladi sosoba-susu'di mata-mata kala soona, mafa'da mae, emi hapu nanalak ndia.

YAKOBIS 1:26

Metema hataholi esa, ana dodoo nana, ndia hataholi mana tunga agama hoholo-lalanen, tehu ta nanea na maa na fa soona, ana ke'dindiu seluk ao ina na nde ndia; soona palsuma la'i esa kana, namahele neu Lamatua ka.

YAKOBIS 2:1

Tolano-tolanoo ngala lemin! Da'dileo hataholi fo namahele Lamatuak Yesus Kristus, Lamatuak fo Mandela masa'ak ndia, emi boso bibinga-baba'e hataholi a, tunga ao paa ka.

YAKOBIS 2:5

Mafandendelek tolano-tolanoo susue-lalai ngala lemein! Manetualain hele basa hataholi nuu taa-hata tak manai daebafak ia la, ala da'di hataholi kamasu'ik nai namahehele ka dalek. Neukose hataholi sila la, nde da'di Manetualain hataholi kamahehelen, sama leo Manetualain helu basan neu hataholi mana sue-lai nana.

YAKOBIS 3:10

Baba'e-papalak ma soo-supak kalua leme bafak esa mai. Tunga ndo na, ta bole tao leondiak fa!

YAKOBIS 4:11

Tolano-tolanoo ngala lemin! Esa boso nakamuu-nakadau esa, ma esa boso fe salak neu esa boen. Hataholi fo nakamuu-nakadau, do ana fe salak neu tolanoon fo duas sama-sama hataholi kamahehelek soona hataholi ndia nakamuu-nakadau ma ana fe salak neu Manetualain hoholo-lalanen nde ndia. Ma metema emi fe salak neu Manetualain hoholo-lalanen soona, ndia sosoa na nae, emi ta tunga hoholo-lalanek sila nde ndia fa te, emi da'di mana maketu-mala'di neu hoholo-lalanek sila la.

YAKOBIS 5:12

Paluu makasososa ka nde: boso soo-supa minik lalai a, do daebafa ka, do su'di bee ka. Ka'da mafa'da mae, “Hei” metema emi dale dodoo ma nae, hei, ma mafa'da mae, “Ta” metema emi dale dodoo ma nae, ta; fo ela Manetualain boso naketu huhukuk neu emi.

YAKOBIS 5:19

Tolano-tolanoo ngala lemin! Metema nai emi dalek, hapu hataholi esa, ana ta tunga Manetualain dede'a-kokolan so'on, boema hataholi esa no fali kana leo Manetualai mai soona,

1 YOHANIS 2:21

Hu ndia de, au sulak fe emi susulak ia, ta hu ka nde emi beita malelak nanoli ndo sa fa, te hu ka nde emi malela kana so, boema emi bubuluk boeo, ta hapu masapepeko-masandandalik nai nanoli ndoos sila la dalek fa.