YAKOBIS 1:15 - Susula Malalaok Hehelu Palak Ma Hehelu Beuk

¹⁵ Basa soona, metema ana tunga ndia hihii-nanau mangalaun ndia soona, ana bongi sala-singo ka; ma metema sala-singo ka namatua soona, ninini na nde mamate sa.

YAKOBIS 1:15 ပူးပေါင်းရင်းမြစ်များ

KEJADIAN 2:17

ta'da fe'e ai fo, manafe malelak la'eneu beek-ka nde malole, ma beek-ka nde magalauk-ka. O ta bole mu'a boan-na fa; nana metema o mu'a boan-na soona, tao leo bee-o, neukose mate o, faik ndia boe.”

KEJADIAN 3:6

Inak ndia nita ai ndia manahiik, ma mete boan-na soona, mala'da hiik soaneu na'an. Ma ana dodoo, nae malole-na seli, metema ana da'di hataholi dodole maneu. Hu ndia de, ana seu-na ai ndia boan-na, boema na'a, ma ana fe saotoun fo sama-sama non nai ndia boe, de sao toun-na boeo na'a.

2 SEMUEL 11:4

Boema, Dauk nadenu hataholi neu nala inak ndia, de ana losa uma manek-ka boema, ana sungu non. (Besak-ka Batsyeba tao basa feta tao nalalao aoinak-ka, nana he'di bulan-na nate'e so.) Boema, ana fali ne'un leo ndia uman neu.

AYUB 15:35

Ndia nde sila fo manatutu'u eno mangalauk-ka, boema lakalala'ok-kana; ke'di-ndiuk-ka, nai dalen dale tataas esa.”

MAZMUR 9:17

Manetualain natu'du aoinan-na nanahu nakeketun-na ndoos ma matetuk. Hataholi mangalauk-ka, tatao-nono'in nakahihi'ik-na seluk-kana.

AMSAL 11:19

See manggate tao malole soona, neukose naua-nanale; see dalen-na natea soaneu tao mangalauk soona, neu leo mamates-sa neu.

YESAYA 33:11

Emi dale tutu'um-ma, manada'di tak, ma basa hata lala'en fo emi taon, sosoa-ndandaan ta. Emi nasa-melum, sama leo ha'i fo, ana tao namate-namopo seluk emi aoinam-ma.

YESAYA 59:4

Emi kalaak dede'ak, te ne'ek ta, ma maketu-mala'di no ta ndoos ma matetuk fa. Emi masapepeko-masandandali ma emi matea-mahele neu hata fo, manada'di tak-ka; emi manuu dale tutu'uk, soaneu tao soe hataholi fe'ek, ma tao tatao-nono'i mangalauk.

MATEOS 26:14

Boema Yesus ana mana tungan esa na'de Yudas Iskariot, neu leo malanga ima mala neu.

MATEOS 5:28

Tehu besak ia, Au afa'da neu emi: ba'eneu see fo ana mete inak esa, tutika dale na nakababale no inak ndia soona, hataholi ndia ana hohonge no inak ndia nai dalen dale so.

YAKOBIS 1:14

Tehu hataholi a, hapu soso'ba-susu'dik, metema ana tunga hihii-nanau mangalau na, fufu'di-oo'don.

YAKOBIS 1:18

No dale hihii mesa na de, Ana tao ita da'di Ndia anan, tunga hala-kokola ndo na. Ana tao leondiak, fo ela ita hapu mamana matua-madema lena heni basa hata maso'dak fo nakadada'di kasa.