YAKOBIS 1:14 - Susula Malalaok Hehelu Palak Ma Hehelu Beuk

¹⁴ Tehu hataholi a, hapu soso'ba-susu'dik, metema ana tunga hihii-nanau mangalau na, fufu'di-oo'don.

YAKOBIS 1:14 ပူးပေါင်းရင်းမြစ်များ

KEJADIAN 3:6

Inak ndia nita ai ndia manahiik, ma mete boan-na soona, mala'da hiik soaneu na'an. Ma ana dodoo, nae malole-na seli, metema ana da'di hataholi dodole maneu. Hu ndia de, ana seu-na ai ndia boan-na, boema na'a, ma ana fe saotoun fo sama-sama non nai ndia boe, de sao toun-na boeo na'a.

KEJADIAN 6:5

Manetualain nita hataholi daebafak-kala tatao-nono'i mangalaun-nala, ba'un-na seli nai daebafak-ka; dudu'a-aafin-nala mangalauk tataas esa.

KEJADIAN 8:21

Tutunu-hohotuk ndia, boomenin-na tao namahoko Manetualain dalen-na, boema Ana dodoo nai dalen dalen-nae, “Neukose Au ta soo-supa seluk daebafak ia so'on, hu kande hataholi daebafak-ka tatao-nono'in; Au bubuluk, hataholi daebafak-ka dudu'a-aafin ndia, mangalauk neme bei muli-solun-na mai. Neukose, Au ta tao amopo-amate basa mahahae maso'dak, fo bei kaso'dak-kala so'on, sama leo besak-ka Au taok ia.

2 SEMUEL 11:4

Boema, Dauk nadenu hataholi neu nala inak ndia, de ana losa uma manek-ka boema, ana sungu non. (Besak-ka Batsyeba tao basa feta tao nalalao aoinak-ka, nana he'di bulan-na nate'e so.) Boema, ana fali ne'un leo ndia uman neu.

AYUB 31:27

Beita la'i esa fo, au daleng-nga nahiik-kana, do au so'uk au limang-nga, fo au fe ha'da-holomata neun fa.

AYUB 31:9

Metema, au daleng-nga nahiik hai, au uma titia-tataing saoinan-na, fo no nafufunik, au titinon neme lelesu-a dean-na mai,

AMSAL 4:23

Manea matalolole o dalem-ma, nana o dalem-ma naketu o so'dam-ma eno-dalan.

YESAYA 44:20

Tatao-nono'ik ndia, sama-na leo na'a afu. Hataholi ndia, dudu'a-aafi nggoan-na, ana taon-nan natofa-natalak, nalosa ana ta hapu tutulu-fafalik so'on. Ana ta hapu manaku, nae dodoki-dudulak fo manai liman dale ndia, ka'da tipu-daik mesan.

HOSEA 13:9

Hai leoina Israel-la lemin! Neukose Au tao akalulutuk emi, fo see kande tulu-fali emi-a?

MATEOS 15:18

Tehu mana kalua neme bafa ka mai a, ana kalua neme dale ka mai; fo ndia nde tao na hataholi a nanggenggeo.

MATEOS 15:20

Dede'ak sila la nde tao na hataholi a tao sala ka, te ta nde ta'a te ta tafui oe fa.

MATEOS 4:1

Basa ndia boema, Manetualain Dula Dale na no Yesus leo mo maloa neu fo nitu so'ban.

MATEOS 5:28

Tehu besak ia, Au afa'da neu emi: ba'eneu see fo ana mete inak esa, tutika dale na nakababale no inak ndia soona, hataholi ndia ana hohonge no inak ndia nai dalen dale so.

ROMA 7:11

Agama hoholo-lalanen fe loak neu sala-singo ka, fo ana ke'dindiu ma ana taonisa au.

ROMA 7:13

Naa, ade dede'ak ia sosoa na nae, hata malole a nini mamates fe au do? Tao leo beeo ta! Nana sala-singo ka nde nini mamates ndia dei. Sala-singo ka ana pake hata malole a fo nakamate au, fo ela hataholi a bubuluk no mangale'dok ha'da-palii masala-masingo ka. Hataholi a bubuluk sala-singok ndia mangalau na seli, neme Manetualain hoholo-lalanen mai.

EFESUS 4:22

Hu ndia de, tu'u-tapa heni emi ha'da-tatao palaa mala no maso'da palaam fo emi hihii-nanau manamopo mala, nde tao nakalulutu kana.

IBRANI 3:13

Da'di fo ela sala-singo ka boso ke'dindiu na hataholi esa boen nai emi dalek, nalosa ana la'ban Manetualain, ela leo bee na emi esa nanoli-nafa'da esa tunga faik, beidai ita bei taso'da nai lelek, fo nananafa'dak nae, “Faik Ia”, nai Susula Malalaok dale.

YAKOBIS 1:13

Metema hataholi esa hapu sosoba-susu'di leondia ka soona, boso mafa'da nae, “Sosoba-susu'dik ndia, neme Manetualain mai,” nana mangalau ka ta hapu so'ba-su'di nala Manetualain ma Manetualain boeo, Ana ta pake mangalau ka, soaneu so'ba-su'di hataholi esa boen.

YAKOBIS 1:15

Basa soona, metema ana tunga ndia hihii-nanau mangalaun ndia soona, ana bongi sala-singo ka; ma metema sala-singo ka namatua soona, ninini na nde mamate sa.