ULANGAN 9:9 - Susula Malalaok Hehelu Palak Ma Hehelu Beuk

⁹ Boema, au kae leo letek lain u, fo au sipo batu hehelu-balataak, fo Manetualain tao hehelu-balataak no emi. Lele'dok haahulu ma le'odaek haahulu, au leo eme letek ndia lain, ma au ta u'a-inu fa.

ULANGAN 9:9 ပူးပေါင်းရင်းမြစ်များ

1RAJA-RAJA 19:8

Elia fo'a, boema na'a ninu. Boema ana hapu balakaik de ana hapu la'ok faik haa hulu dalen-na leo Lete Sinai fo mamanak Manetualain natu'du aoinan-na.

2RAJA-RAJA 6:22

Tehu Elisa nataa nae, “Bosok. Nana, leomae Ama Manek ho'um-ma, solda'du-la lai musu dale boeo, Ama Manek ta taonisa fas, na muda hata no ia-la bai. Fes la'a-linu, boema nemen-na, fo ala fali le'us leo sila manen-na leu.”

KELUARAN 24:12

Basa boema, Manetualain nafa'da Musa nae, “Mai leo Au mai, nai letek lain. Nai ndia, neukose Au fe o batu dua, Au sulak basa Au hoholo-lalaneng-ngala nai dalek. Basa hoholo-lalanek sila-la, da'di nanolik ba'eneu leoina ndia.”

KELUARAN 24:15

Musa kae Letek Sinai, boema ko'as bubuak esa poti-nan.

KELUARAN 24:18

Boema Musa kae nakandoo, losa ana masok leo ko'as ndia dalek neu. Musa leo neme ndia, lele'dok haahulu, le'odaek haahulu.

KELUARAN 31:18

Manetualain kokolak basa no Musa nai Letek Sinai lain boema, Ana fen batu bebelak dua, fo Manetualain sulak paletan-nala nai dalek.

KELUARAN 32:1

Lelek leoina Israel-la bubuluk lae doon-na seli Musa ta kona neme letek lain mai fa, tehu bei nai naa boe, boema leu lakamomotu-la Harun de lafa'dan lae, “Ita ta bubuluk hata da'di neu Musa fa, hataholi fo mana no ita kalua teme Masir mai; da'di tao fe ami lamatua fe'ek fo nauli-nalanga ami.”

KELUARAN 34:28

Musa leo no Manetualain nai ndia, lele'dok 40, le'odaek 40, ma nai lelek ndia, ta na'a-ninu fa. Hehelu-balataak ndia isin-na nde, Manetualain Paletak-ka 10n-na, fo nanasulak nai batu bebelak ndia lain.

MATEOS 4:2

Yesus ta na'a-ninu lele'do le'odaek, faik hahulu dale na. Boema name'da namala'a.

GALATIA 4:24

Dede'ak ia, taon da'di nakasasamak esa. Ina kaduak sila la, nde bee na, sama na leo hehelu-balataak dua: fo esa da'di neme Lete Sinai mai fo nde Hagar; ana nala nanabongik da'dileo ata.

ULANGAN 8:3

Ana po'ilotak emi mamala'a-mamandoe, boema Ana fe emi koki manna, fo emi mi'a. Emi, ma emi bei-ba'i kaim-mala, makahulun-na beita mi'a mita nana'ak ndia fa. Manetualain tao leondiak, fo nanoli emi, nae hataholi daebafak-ka, ta hapu naso'da nenik ka'da nana'a-nininuk mesak-kana fa, tehu naso'da neme Manetualain hala-kokolan mai.

ULANGAN 9:11

Hei, basa lele'dok haahulu ma le'odaek haahulu boema, Manetualain fe batu hehelu-balataak ka duak sila-la, leo au mai.

ULANGAN 9:15

Boema lepos asadea, de au ko'o eni batu hehelu-balataa ka duak sila-la nenik au limang duas, boema au kona eme letek fo, manapila lo'a-lo'ak ndia lain mai.

ULANGAN 9:18

Boema, au sene-do'ok la'iesa seluk, neu Manetualain neme letek-ka poin-na, nai lele'dok haahulu ma le'odaek haahulu dalen-na, ma au ta u'a-inu fa. Au tao leondiak, nanahu emi masala-masingo basa neu Manetualain, nenik emi tao hata fo mangalauk, nalosa Manetualain namanasa.

IBRANI 9:4

Ala pe'da mei tutunu-hohotu ka nai kama ndia dalek. Mei ndia, ala tao neme lilopila sa, fo ala tunu-hotu boominik nai mei ndia lain. Ala pe'da Peti Hehelu-Balataa ka nai ndia boe. Lakadiditak lilopilas feo Peti ndia ao na lala'ena. Ala pe'da ule lilopilas esa nai Peti ndia dalek. Ule lilopilas ndia, isi na manna, Harun ai tete'e na, fo nanupu so, ma batu bebelak dua, fo Musa sulak Manetualain paleta kasanahulu na, nai batu kaduak sila la lain.