ULANGAN 9:7 - Susula Malalaok Hehelu Palak Ma Hehelu Beuk

⁷ Mafandendelek, tao leo beek de emi taom-ma, emi Manetualaim-ma namanasa neme moo solokaek-ka. Nailelek neme emi la'oela Masir, losa emi losa mamanak ia, emi lena-la'ban Manetualain.

ULANGAN 9:7 ပူးပေါင်းရင်းမြစ်များ

KELUARAN 14:10

Lelek, hataholi Israel-la lita manek Masir-ra no solda'dun-nala mai boema, ala bii lanseli, de ala nggasi neu Manetualain, fo loke tutulu-fafalik.

KELUARAN 14:11

Lafa'da Musa lae, “Ade nai Masir ta hapu lates fa, nalosa o moo ami, fo ela ami mate nai mamanak ia do? Mitak o tatao-nono'im ndia nininin-na dei!

KELUARAN 16:2

Nai moo solokaek ndia, basa-basas lakamuu-muu Musa ma Harun.

KELUARAN 17:2

Boema, ala beemumu loo Musa ma lae, “Fe ami oe nininuk.” Musa nataa nae, “Tao le'e de, emi makamu ma emi so'ba-su'di Manetualain?”

KELUARAN 23:21

Taoafik neun, fo tungan. Boso la'ban-nana, nanahu Au hataholi nadedenung ndia, de neukose ana ta fe do'o do ampon neu emi la'o lenam-ma fa.

YESAYA 48:8

Au bubuluk, o ta mamahele fa, neme makahulun-na mai, o nananita-nalelak da'di leo manamalelesik. Hu ndia de, o ta bubuluk-kana fa, o ta mamanene dede'ak de'ek esa boen.

YEREMIA 11:10

Sila tao sala-singok fo nanatao basak neme sila bei ba'i-kain-nala fo ala ta nau lamahele neu Au fa, de sila lamahele neu lamatua daebafak fe'ek, ma ala ta nau tunga Au paletang-nga fa. Leomae Israel ma Yehuda la'olena hehelu-balatak, o Au tao basan neu sila bei ba'i-kain-nala.

YEREMIA 32:30

Neme hataholi Israel ma hataholi Yehuda-la tutui makasososan-na mai-a, ala tao-la Au daleng-nga ta namahoko fa. Ala tao lafo'a Au nasang-nga nenik sila tatao-nono'i mangalaun-nala.

YEREMIA 44:9

Ade emi masanggango heni basa mangalauk lala'en-na fo nanataok neme emi bei ba'ikai manamatem-mala, neme manek-manek Yehuda-la ma sila saoinan-nala, ma emi, ma emi saoinam-mala nai dae Yehuda ma nai kota Yerusalem enon-nala do?

YESKIAL 20:13

Tehu, ala la'ban Au neme moo solokaek-ka boe. Ala la'olena Au paletang-ngala, ma ala ta sipok Au hoholo-lalaneng fo, metema hataholi-a tao tungan soona, naso'da nahele. Ala tao langgenggeo fai Sabat-ta, nanseli. Hu ndia de, bei leme moo solokaek-ka ndia, Au sadia basa, sanga kalua Au nasa-melung soaneus, fo Au tao amate-amopos.

YESKIAL 20:43

Nai naa, neukose emi mafandele-ma, basa emi tatao-nono'i nanamaluam fo, manatao nanggenggeo emi aoinam-ma so. Soona neukose, emi malua seluk emi aoinam-ma, nai lelek emi mafandele-ma basa emi tatao-nono'im sila-la.

YESKIAL 20:8

Tehu, ala la'ban Au, ma ala ta nau lamanene Au fa. Ala ta nau tu'u-tapaheni dodoki-dudulak fo, nanamaluak sila-la fa, ma ala ta nau hahae sene-do'ok neu, sosongo-tatangok Masir sila-la boen. Nai lelek ala bei leme naa, Au sadia basa, fo sanga amanasas so.

YESKIAL 36:31

Neukose emi mafandele-ma, emi ha'da-tatao mangalaum-ma, ma emi tatao-nono'im fo ta kandaak ndia fa, boema emi da'di malua seluk emi aoinam-ma, nanahu emi sala-singom-mala, ma emi tatao-nono'i ta kandaam ndia.

BILANGAN 11:4

Nai hataholi Israel sila-la leleo-lala'on-na dalek, hapu hataholi nusa dea-la tunga boe. Hataholi sila lahiik lanseli la'a paa, ma hataholi Israel-la boeo mulai haladoi. Lafa'da lae, “Ah, See kande, neukose ana fe ita ta'a paa?

BILANGAN 14:22

ae neme hataholi ia-la mai, ta hapu maso'dak esa boen, soaneu ana masok leo nusak fo, Au helu basan neu sila bei-ba'i kain-nala so. Nana ala ta nau tunga Au, ma ala so'ba Au do'e-do'e. Te se'kona, lita basa Au mandela-masa'ang, ma Au tao manada'di beuk-kala leme Masir ma neme moo solokaek-ka so.

BILANGAN 17:10

Basa boema, Manetualain nafa'da Musa nae, “Pe'da fali Harun ai tete'en-na, neu Peti Hehelu-balataak-ka matan-na. Muse pe'da ai tete'ek ndia, da'di leo nasanene'dak ba'eneu hataholi Israel fo, manalena-la'ban paleta sila-la, ma mae metema bemumu lakandoo soona neukose mates.”

BILANGAN 21:5

de bemumu loo Manetualain ma Musa. Lafa'da lae, “Tao le'e de, o moo ami kalua meme Masir mai? Ade soaneu taomisa ami, nai moo solokaek ia do? Nai ia, ta hapu nana'ak fa, ma oe boeo, ta. Ami malua mi'a nana'a mamis ia-la!”

BILANGAN 25:2

Inak sila-la, lelekos fo leu leo mamana sosongok tatangok-kala leu, fo ala fe ha'da-hoholomata neu sila lamatua daebafak-na. Hataholi Israel-la boeo, la'a nana'ak sosongok tatangok sila la, ma ala sene-do'ok neu hataholi Moab-pala lamatua daebafak-na.

1 KORINTUS 15:9

Au nde bee na Lamatua ka hataholi nadedenun fo nai daeanak nanseli. Au ta andaa nanaseseik Lamatua ka hataholi nadedenun fa, nana au fepa-li'u basa Manetualain hataholi kamahehele nala so.

EFESUS 2:11

Tolano-tolanook fo ta hataholi Yahudi la lemin! Mafandendelek emi ha'da-tataom, nai lelek makahulu na: hataholi Yahudi fo ala manaku aon lae, sila hataholi nanasunat ala, loke emi soona lae, “hataholi nanasunat tak”, lae sila nanasunat basak ndia (sosoa na nae, hataholi daebafa ka nde tao ta'du-tana ndia, neu sila ao paa na.)

ULANGAN 31:27

Au bubuluk, ala langa batu lanseli, ma ala nau lena-la'ban paleta. Au bei aso'da ia boeo, ala lena-la'ban Manetualain; mu'da hata no, mahani te, au mate bai!

ULANGAN 8:2

Mafandendelek leona! Te nai teuk haahulu dalen-na, emi Manetualaim-ma nauli-nalanga emi, nai emi leleo-lala'o dae doom-ma dalek, tunga moo solokaek-ka. Manetualain dudu'a basa leleo-lala'ok ndia, soaneu Ana so'ba emi, fo ela Ana nita beek nanape'dak nai emi dalem dale, ma ade neukose emi tunga paletan-nala do ta.

ULANGAN 9:24

Nai lelek neme au alelak emi-a, emi lena-la'ban Manetualain tataas esa.

ULANGAN 9:4

Emi boso dudu'a-dodoo nai emi dalem dale mae, metema emi Manetualaim-ma usihenis leme emi matam-ma mai, hu kande emi tatao-nono'i malolem-ma, ma lilineka neu Manetualain no emi masok fo mangatuu-ma, nusak ndia, ta se'kona hu kande leoina ndia, tatao-nono'i mangalaun-na, de emi Manetualaim-ma usihenis leme emi matam mai, ma Manetualain soi poi emi ho'i ma daen-nala hu kande nau tao natetu hala hehelun-na, no emi bei-ba'i kaim-mala fo nde, Abraham, Isak ma Yakob.