ULANGAN 9:4 - Susula Malalaok Hehelu Palak Ma Hehelu Beuk

^4-5 Emi boso dudu'a-dodoo nai emi dalem dale mae, metema emi Manetualaim-ma usihenis leme emi matam-ma mai, hu kande emi tatao-nono'i malolem-ma, ma lilineka neu Manetualain no emi masok fo mangatuu-ma, nusak ndia, ta se'kona hu kande leoina ndia, tatao-nono'i mangalaun-na, de emi Manetualaim-ma usihenis leme emi matam mai, ma Manetualain soi poi emi ho'i ma daen-nala hu kande nau tao natetu hala hehelun-na, no emi bei-ba'i kaim-mala fo nde, Abraham, Isak ma Yakob.

ULANGAN 9:4 ပူးပေါင်းရင်းမြစ်များ

KEJADIAN 15:16

Basa tititi-nonosik 4 soona, besak-ka o upu-anam fali ma'is leo ia mai, nanahu Au ta usi heni hataholi Amori-la fa, nana tatao-nono'i mangalaun-nala beita dai, soaneu ala hapu huhukuk fa.”

YESKIAL 36:22

Hu ndia de, manduku-malosak hata fo Au, Manetualain Fo Mademaina, nafa'da neu leoina Israel nae, ‘Hata fo, neukose Au taon nai fai makabuin, ta hu kande emi fa, hai hataholi Israel-la lemin, te hu kande emi meu su'di leo mamanak bee meu soona, emi tao manggenggeo Au na'de malalao-malalafung-nga.

YESKIAL 36:32

Hai leoina Israel-la lemin, mafandendelek leona, te Au tao basa sila-la, ta hu kande emi fa. Emi muse mame'da bibii-mamaek, ma nananakadadaek, hu kande emi ha'da-tataom-ma. Au, Manetualain Fo Mademaina, nde manakokolak-ka.’ ”

IMAMAT 18:3

Emi boso na'da dulak, sama leo hata fo hataholi manai dae Masir-ra tao-no'in. Masir fo makahulun-na emi leo hai meme naa so, do hataholi manai Kanaan-nala, fo besak ia Au sanga o emi leo naa meu.

ROMA 11:20

Memak dede'ak ndia la'en Tehu sila nanatapahenik nanahu ta lamhele fa. Boema Manetualain sipok emi nanahu, emi mamahele. Da'di emi boso no dede'ak ndia de emi koao ndaeao; nasafali na emi muse bii mamata'u.

ROMA 11:6

Ana hele hataholi sila nana susue-lalain te ta hu ka nde tatao-nono'i nala fa. Nana metema hu ka nde hataholi daebafa ka tatao-nono'in de Manetualain heles soona, Manetualain susue-lalain ndia, ta matetuk so'on.

1 KORINTUS 4:4

Au ame'da nana, au ta asala nai dede'a beek ndia boen, tehu ndia ta da'di buti esa nae, memak au ta asala fa. Lamatua ka nde naketu nae, au masalak do ta fa.

1 KORINTUS 4:7

See ka nde nakadada'dik emi lenaheni hataholi fe'e kala? Ade basa hata lala'ena, emi ta sipon neme Manetualain mai fa do? Da'di tao le'e de emi nau koao-ndaeao, nono'kabai de hata fo emi manuuk sila la ta hata nanafek sila la fa?

ULANGAN 12:31

Emi boso nana dulak neme leoina sila-la, sene-do'on neu sila lamatua daebafak fe'en-nala, fo emi paken soaneu sene-do'ok neu emi Manetualaim-ma, nana sila sene-do'ok nenik tatao-nono'i manggengeok fo, Manetualain nape'da dale nasak tatao-nono'ik ndia fa. Lena-lenak, ala tunu sila ana bongin-nala, nai sila mei tunu-hotun lain, da'di neu tutunu-hohotuk soaneu sila lamatua daebafak-nala.

ULANGAN 31:27

Au bubuluk, ala langa batu lanseli, ma ala nau lena-la'ban paleta. Au bei aso'da ia boeo, ala lena-la'ban Manetualain; mu'da hata no, mahani te, au mate bai!

ULANGAN 8:17

Da'di, emi ta bole dudu'a-dodoo, mae no emi tutunga-sasangam-ma emi be'i-balakaim, de emi da'di hataholi kamasu'i-makabetek.

ULANGAN 9:24

Nai lelek neme au alelak emi-a, emi lena-la'ban Manetualain tataas esa.

ULANGAN 9:7

Mafandendelek, tao leo beek de emi taom-ma, emi Manetualaim-ma namanasa neme moo solokaek-ka. Nailelek neme emi la'oela Masir, losa emi losa mamanak ia, emi lena-la'ban Manetualain.

2 TIMOTIUS 1:9

Manetualain soi-tefa nala ita, ma nalo ita, fo ela ita da'di Ndia hataholi kamahehelen. Ana tao leondiak nana, ta hu ka nde, hata fo ita tao-no'in fa, te hu ka nde, tunga dale tutu'u mesa na, ma susue-lalain, de ita tunga Yesus Kristus, te daebafak ia beita nananakada'dik fa.