ULANGAN 9:3 - Susula Malalaok Hehelu Palak Ma Hehelu Beuk

³ Tehu besak ia, neukose emi mita matam, tao leo beek de, emi Manetualaim-ma, Ana la'ok nai emi uluk, sama leo ha'i manatao maputuk-ka. Neukose, Ana sengi hataholi sila-la, nai emi matam, nalosa no lai-laik, emi bisa usihenis ma emi tao mamate-mamopos, sama leo Manetualain helu basak-ka so.

ULANGAN 9:3 ပူးပေါင်းရင်းမြစ်များ

KELUARAN 23:23

Neukose Au ata nusa so'dang-nga, ana la'ok nai emi uluk, fo noo emi leo leoina Amori, Het, Feris, Kanaan, Hewi ma Yebus nusan-na neu, fo neukose Au tao amopo-amate leoina sila-la.

YESAYA 27:4

Au ta amanasa so'on. Metema, hapu na'u do makatema dila-nggauk soona, neukose Au taoisan, ma Au hotuheni la'iesak-kasa.

YESAYA 30:27

Manetualain koasan-na, ma matua-mademan, neukose nananitak neme dook-ka mai. Ha'i-a, ma ha'imasuk-ka, natu'du nasa-melun. Ana kokolak nos, de hala-kokolan nana'a sama leo ha'i-a.

YESAYA 30:30

Neukose Manetualain fe hataholi namanene hala matua-mademan, ma basa hataholi-la, neukose lame'da lita koasa matuainan-na. Neukose nasa-melun neni ha'i mana'a naputuk-ka, u'da matuaina, u'da batu, ma ani-sangu.

YESAYA 30:33

Ana sadia basa mamanak soaneu hotu mane Asyur-ra, neme makahulun eli mai so. Mamanak ndia, madema ma maloa, ma henuk no ai ha'i. Neukose Manetualain tao napila ha'i-a, nenik Ana fuu ani hahaen-na neu, sama leo lee belerang-nga.

YESAYA 33:14

Hataholi masala-masingok manai Sion-na, ala dele bengge'be no bibii-namatauk-ka. Lafa'da lae, “Manetualain nakeketun-na, sama leo ha'i pilak-ka, losa dodoon-na. Ade fafa'kama, hapu hataholi nakatatakak nai ha'i fo, manatao namate-namopok ndia dalek do ta?”

MIKHA 2:13

Neukose Au soi enok-ka, fo Au o emi kalua meme mamana tu'u-tapak mai. Neukose emi hona malulutuk lelesuina-la fo emi la'o no pe'daom. Au, Manetualain mesak-kana nde emi Manem, ma neukose Au hela-nole emi fo emi kalua.”

MATEOS 15:10

Basa boema Yesus nalo na hataholi la de nafa'das nae, “Mamanene leona fo malelak!

MARKUS 7:14

Boema Yesus nalo hataholi makadotok sila la la'i esa seluk de nafa'da nae, “Mamanene leona, fo daenga emi malelak!

ROMA 8:31

Ade besak ia ita tae le'e bai? Metema Manetualain nok ita soona, see kande napalani laban ita?

EFESUS 5:17

Boso mamanggoa, fo palisak matalolole hata fo Lamatua ka nahii kana.

ULANGAN 1:30

Emi Manetualaim-ma, neukose nauli-nalanga emi, fo natee-nata'ti soaneu emi, sama leo emi mita matam neme Masir so,

ULANGAN 20:1

“Metema emi meu matee-matati fo, la'ban emi musum-mala, fo emi mita musu-a kaleta musun-nala, ndalan-nala boema solda'dun-nala de'ulena emi soona, boso bii. Te emi Manetualaim-ma, fo manasoi-po'i emi meme Masir mai-a, neukose Ana tulu-fali emi boe.

ULANGAN 20:4

Emi Manetualaim-ma, Ana tunga fo Ana tulu-fali emi, fo Ana fe emi sengi.’

ULANGAN 4:24

nana emi Manetualain-ma sama leo ha'i manana'a naputuk-ka. Ana ta nau emi makasasamak-kana no hata esa boen.

ULANGAN 7:16

Basa leoina fo, emi Manetualaim-ma fes leo emi koasam dale neu-a, emi muse tao mamate-mamopos; boso matu'du susue-lalaik neu leoina sila. Boso sene-do'ok neu sila lamatua daebafak-kala, nanahu tatao-nono'ik ndia, neni fe emi soe.

ULANGAN 7:22

Neukose Ana usiheni leoina sila-la faa-faa, neme emi matam-ma mai. Emi ta bole tao mamate-mamopos no lai-laik fa, fo ela bana makaa-makisuk-kala boso lamade'u, ma leni fe emi bibii-namata'uk.

ULANGAN 9:6

Emi ia, te'e-te'e leoina langabatuk, da'di, fo ela emi bubuluk leona, te ta hu kande emi tatao-nono'i malolem-ma, de emi Manetualaim-ma fe nusak fo maoe-maisik ndia leo emi neu, fo emi mangatuu-man.

2 TESALONIKA 1:8

nai ha'i mana pila lo'a-lo'a ka dalek. Ana mai soaneu Ana huku hataholi fo ala ta taoafik neu Manetualain nanoli-nafa'dan, boema hataholi fo so'da nala ta nandaa no ita Lamatuan Yesus nanoli na fa.

IBRANI 12:29

Nana ita Manetualain ndia, sama leo ha'i fo manahotu naputu ka.

YOSUA 11:12

Yosua nangatuun-na la'iesak kota sila-la, ma ana ho'un-na manen-na, de ana taonisan, nandaa no Musa fo Manetualain atan ndia, paletan-na.

YOSUA 11:8

De Manetualain tao-na hataholi Israel-la sengis. Hataholi Israel-la sapu-lalas, de ala usis losa Misrefot-Maim ma Sihon nai boboak kii, ma losa Bafak Mizpa nai boboak dulu. Natee-nata'tik-ka nakadedelek losa ta ela musu-a, hataholin esa boen – mate la'iesa kasa.

YOSUA 14:12

Hu ndia de, besak ia, fe nusa letelepak fo Manetualain helu basa, fen neu au so, nai lelek au ma hataholi fo sama-sama loo au fali ma'im-ma, fo ami meni hala nafa'dak. Nai lelek ndia, o mamanene matam, lae hataholi ao matuaina ma ei madema-la lai naa, fo lokes soona lae, leoina Enak. Ala leo lai kota-kota matuaina-la, lanuu papala nanadamak. Fafa'kama, Manetualain, neukose Ana tulu-fali au, nalosa au hapu usi henis, sama leo Manetualain nafa'dak-ka.”

YOSUA 3:14

Nai lelek ndia, bei fai ketu-koluk, de sama leo biasa, de Lee Yarden-na, oen-na bei makadotok nanseli. Lelek hataholi Israel-la la'oela sila ofun-na, fo leu lena Lee Yarden na boema, basa imam-mala la'ok lakahuluk, ma leni Peti Hehelu-balataak-ka. De nai lelek imam-mala, heta ein-nala lala lee oen dale boema,

HAKIM-HAKIM 4:14

Boema, Debora nafa'da Barak nae, “Ayo, tutulumatak leona! Te Manetualain nde nauli-nalanga o. Faik ia, Ana fe o sengi Sisera.” Boema Barak sama-sama no hataholi lifu ka sanahulu duan-nala, kona leme Letek Tabor-ra lain mai;