ULANGAN 9:1 - Susula Malalaok Hehelu Palak Ma Hehelu Beuk

¹ “Tolano-tolanoong-ngala lemin, mamanene te! Faik ia, emi lena Lee Yarden-na, fo meu mangatuu-ma leoina fo ba'u lena em ma balakain-na lena heni emi ndia, daen-na. Sila kotan-nala matuaina mesa-mesan, ma papala nanadaman-nala mademaina-la losa lalai.

ULANGAN 9:1 ပူးပေါင်းရင်းမြစ်များ

KEJADIAN 11:4

Beekola lae, “Mai fo ata tapadedeik kota, ma uma puni madema esa, poin-na losa lalai, fo ela ita nanakoa-nanakiok, ma ita ta tapasasala leo daebafak-ka lala'en-na teu fa.”

KELUARAN 32:1

Lelek leoina Israel-la bubuluk lae doon-na seli Musa ta kona neme letek lain mai fa, tehu bei nai naa boe, boema leu lakamomotu-la Harun de lafa'dan lae, “Ita ta bubuluk hata da'di neu Musa fa, hataholi fo mana no ita kalua teme Masir mai; da'di tao fe ami lamatua fe'ek fo nauli-nalanga ami.”

DANIAL 4:11

Ai ndia deman-na seli; ndanan-nala matuaina ma balakaik. Pe'dan-na losa lalai, nalosa basa hataholi manai daebafak-ka litan.

AMOS 2:9

Leomae leondiak boe, hai Au anang-ngala lemin, hu ka nde emi, de Au tao amopo-amate hataholi Amori fo mademaina sama leo ai kaiou, ma balakaik sama leo ai terpentin.

BILANGAN 13:22

Makasososan-na, leu leo nusak ndia boboan kona leu, de ala losa kota Hebron-na, fo hataholi Ahiman, Sesai, ma Talmai, fo Enak tititi-nonosin-nala, mamana leleon-na. Kota Hebron-na, napadedeik nakahuluk teuk hitu, neme kota Zoan-na nai Masir.

BILANGAN 33:51

paleta ia-la, fo Musa fen neu leoina Israel-la nae, “Metema, emi lena Lee Yarden-na, fo masok leo nusa Kanaan-na soona,

ULANGAN 1:28

Da'di, sosoak hata, ita teu leo naa teu? Ita tadenu hataholi manaleu leo naa leu-a, ala tao-la ita bii-tamata'u, nenik sila hala nafafa'dan-na, lae leoina ndia, balakain-na ma aon-nala makadelek lena heni ita, ma lae ala leo nai kota-kota fo papala nanadaman-nala dedeman-na losa lalai. Lita hataholi ao matua ma ei madema-la lai naa boe!’

ULANGAN 11:23

Soona, neukose Manetualain usiheni basa leoina sila-la, neme emi matam-ma mai, ma neukose emi leo leoina sila-la nusan-na; fo nde leoina fo ba'ulena emi, ma balakain-nala lena heni emi ndia.

ULANGAN 11:31

Ta dook-ka so'on te, emi lena Lee Yarden-na, fo emi mangatuu-ma dae fo, emi Manetualaim-ma fen leo emi neu ndia. Emi loso-ma dae ndia, fo emi leo nai ndia soona,

ULANGAN 27:2

Nai lelek emi lena Lee Yarden-na, fo emi masok leo emi Manetualaim-ma fe emi nusak-ka meu soona, emi muse mapadedeik-ma, batu matuaina de'ubee, fo lose ha'o neus.

ULANGAN 3:18

Nai lelek ndia, au fes paleta nde ia: emi Manetualaim-ma fe emi dae manai Lee Yarden-na boboan dulu da'di emi mamana leleom-ma. Tehu emi solda'dum-mala, ala muse ho'u tafa-sisilo, fo ala lena lakahuluk leme leo Israel fe'e-fe'ek-kala leo selik leu.

ULANGAN 4:1

Boema Musa nafa'da leoina ndia nae, “Tunga basa hoholo-lalanek fo, au anolin neu emi, fo ela emi bole maso'da losa emi leo nai dae fo emi bei-ba'i kaim-mala Manetualain-na fen neu emi-a.

ULANGAN 4:38

Leoina fo matua ba'u lena, ma be'i-balakain lena neme emi mai, Ana usi henis leme emi matam-ma mai, soaneu noo emi leo sila nusan fo Ana fen leo emi neu, fo nde nusak fo besak ia ana da'di emi nusam so.

ULANGAN 6:10

“Emi Manetualaim-ma, naheluk no emi bei-ba'i kaim Abraham, Isak ma Yakob, nae neukose, Ana fe nusak ndia leo emi neu. Kota-kota-nala matuaina, ma tetu-temak mesa-mesan, tehu emi ta nde mapadedeik kota sila-la fa.

ULANGAN 7:1

“Neukose emi Manetualaim-ma no emi leo nusak fo, neukose emi leon-nana, ma neukose, Ana usi heni leoina makadotok-kala, leme nusak ndia dalek mai. Neukose, Ana usi heni leoina hitu, leme emi matam-ma mai, fo leoina sila-la, aon-nala ba'u lena emi, ma balakain-nala, lena heni emi boe, fo hataholi sila-la nde hataholi Het, Girgasi, Amori, Kanaan, Feris, Hewi ma Yebus.

YOSUA 1:11

fo ela ala la'ok okofefeo la'iesak hataholi Israel-la uman-nala, fo fes paleta nde ia nae, “Sadia tua-lepa, nanahu bei faik telu seluk bai soona, emi muse lena leo Lee Yarden-na selik meu, fo mangatuu-ma nusak fo emi Manetualaim-ma, fen neu emi.”

YOSUA 1:15

Emi muse tulu-falis, losa langatuu-la dae manai Lee Yarden-na boboan muli ia, dae fo emi Manetualaim-ma, fen neu sila. Metema Manetualain fe basa leoina Israel-la lala'en-na laso'da no nee-nee lino-linok soona, besak-ka emi bole fali me'um-ma leo emi daem manai Lee Yarden-na boboan dulu ia, fo Musa Manetualain atan ndia ana fen neu emi.”

YOSUA 14:12

Hu ndia de, besak ia, fe nusa letelepak fo Manetualain helu basa, fen neu au so, nai lelek au ma hataholi fo sama-sama loo au fali ma'im-ma, fo ami meni hala nafa'dak. Nai lelek ndia, o mamanene matam, lae hataholi ao matuaina ma ei madema-la lai naa, fo lokes soona lae, leoina Enak. Ala leo lai kota-kota matuaina-la, lanuu papala nanadamak. Fafa'kama, Manetualain, neukose Ana tulu-fali au, nalosa au hapu usi henis, sama leo Manetualain nafa'dak-ka.”

YOSUA 3:14

Nai lelek ndia, bei fai ketu-koluk, de sama leo biasa, de Lee Yarden-na, oen-na bei makadotok nanseli. Lelek hataholi Israel-la la'oela sila ofun-na, fo leu lena Lee Yarden na boema, basa imam-mala la'ok lakahuluk, ma leni Peti Hehelu-balataak-ka. De nai lelek imam-mala, heta ein-nala lala lee oen dale boema,

YOSUA 3:16

no hatematak ndia boe, lee-a ta faa so'on. Oe manafaa neme lee langan-na mai, ana da'di te'te, tehu nai dook-ka, nai kota Adam fo kota esa nai kota Sartan-na boboan-na. Lee oen manafaa leo Tasi Mates-sa neu, ana ta faa so'on, nalosa hataholi Israel-la, la'ok nai dae ma'dak lain leo selik leu mamanak ndia, nasasalematak no kota Yerikho-a. Basa imam-mala fo manandolo Peti Hehelu-balataak ndia, lapadeik lahele nai lee tala'da heon, losa hataholi Israel-la lala'en-na, lala selik.

YOSUA 3:6

Boema Yosua paleta basa imam-mala, fo ela ala ndolo Peti Hehelu-balataak ndia, fo ala la'ok lakahuluk leme hataholi Israel-la mai. Ala tao tunga Yosua paletan-na.

YOSUA 4:19

Hataholi Israel-la losa Lee Yarden-na selik, de nai hataholi Yahudi-la bula ka esan-na, fain sanahulu boema, ala ofu leme Gilgal, fo nai Yerikho boboan dulu.

YOSUA 4:5

de nafa'das nae, “Meu leo Lee Yarden-na tala'da heon-na, leo emi Manetualaim-ma, Peti Hehelu-balataan matan-na. Hataholi esan-na, ho'i-na batu esa, neme mamanak ndia mai – dede'un-na, batu sanahuludua, fo nandaa no leoina Israel-la, leo ka sanahuluduan-nala, dede'un-na.