ULANGAN 8:5 - Susula Malalaok Hehelu Palak Ma Hehelu Beuk

⁵ Mafandendelek mae emi Manetualaim-ma, nanoli emi, sama leo amak esa, nanoli anan-nala.

ULANGAN 8:5 ပူးပေါင်းရင်းမြစ်များ

2 SEMUEL 7:14

Neukose, Au da'di ndia aman, ma ndia da'di Au anamaneng. Metema ana tao salak soona, neukose Au hukun, sama leo amak esa, ana huku anan-na.

MAZMUR 89:32

metema ala ta taoafik neu, Au nakeketung-nga, ma ala ta ho'u lahele, Au nakaneneteng-nga fa soona,

MAZMUR 94:12

Ou Manetualain, maua-manalek ba'eneu hataholi fo O manolin, hataholi fo, O manolin O hoholo-lalanem-mala.

AMSAL 13:24

Ta fepa-li'u ni'iana fa soona, sosoa-ndandaan nae, ta sue-lai fan; metema sue-lain soona, muse mapalani fepa-li'un.

AMSAL 3:11

Anang-ngonei, metema Manetualain nanoli o soona, sipok nanolik ndia, da'di leo nasanene'dak esa, ma o dalem-ma boso ba'ihana, la'eneu nanolin ndia.

AMSAL 3:12

Manetualain nanoli hataholi fo, Ana sue-lain, sama-na leo amak esa, nanoli anan fo ana sue-lain.

PENGKHOTBAH 7:14

Da'di, mamahoko leona, metema o hapu nanalak. Tehu metema soe-a tuni-na o soona, boso mafandele henin mae Manetualain nde fe dede'a ka duak sila-la. Ita ta bubuluk hata fo ana da'di fa.

YESAYA 1:3

Sapi nalelak lamatuan-na, keledei nalelak mamana nana'an fo lamatuan-na sadiak-ka. Tehu Au anang Israel, ta; ta lalelak-kana fa.”

YESKIAL 12:3

Hu ndia de, hai hataholi daebafak fo, manasapu-manalalok-konei, poti-ma o bua-lo'am neu popotik esa dalek, bei dai le'do-a beita tenak ia fa, sama leo hataholi nanatu'u-tapak-kala biasa taon. La'oela o umam-ma no le'do-le'dok, nai fai lele'don-na, sama leo hataholi fo loon leo mamana tu'u-tapak neu. Nai hataholi malenalanga-masa'basook sila-la matan, tao bolok neu o umam-ma papalan-na, soona ho'i-ma o popotim-ma, fo kalua tunga bolok ndia. Masaa-ma, popotik ndia, fo makahatu kiu-kiu soona, la'o leona; potiketu o mata-panam, fo ela o boso mete mita enok fo o tunga ndia. Nemen-na fo, basa leoina Israel-la lala'en-na, lita basa hata fo o taon ndia, fo ela ana da'di nasanene'dak ba'eneu sila. Fafa'kama ala bubuluk, lae sila nde malenalanga-masabasook-ka.”

YESKIAL 18:28

Ana mulai nasasale dale, boema ana tukatei-saledale neme sala-singok fo, ana tao-no'ik-kala mai, soona tao leo bee-o naso'da, de ta mate fan.

1 KORINTUS 11:32

Tehu metema Manetualain huku ita soona, ita bei nanananolik fo ela huhuku ka boso la'e ita sama-sama no daebafak ia.

ULANGAN 1:31

ma neme moo solokaek-ka. Emi mita, tao leo beek de, emi Manetualaim-ma no emi no so'dak, ma Ana ko'o emi sama leo amak esa ko'o anan-na, su'di enok ndia nanalun-na, losa mamanak ia.

ULANGAN 4:23

Mafandendelek matalolole! Fo boso mafandele heni emi Manetualaim-ma tao hehelu-balataak no emi-a. Tunga paletan-na; fo boso doki-dulak dodoki-dudulak nai lupak matak leo beek ndia boe, fo sene-do'ok neun,

ULANGAN 4:36

Ana fe emi mamanene halan-na neme lalai mai, soaneu nanoli emi; Natu'du basa ha'i matuainan-na neu emi nai daebafak ia so, de ana kokolak no emi neme ha'i ndia dalek mai.

ULANGAN 4:9

Taoafik ma mafandendelek matalolole, fo ela nai emi fai maso'dam-ma dalek, emi ta mafandele heni hata fo emi mita matam so. Tui emi upu-anam-mala,

ULANGAN 8:6

Da'di, tao-no'i basa hata lala'en fo, emi Manetualaim-ma paletan neu emi. Maso'da tunga hoholo-lalanen, ma fe ha'da-holomata neun.

NINITAK 3:19

Hataholi fo Au sue-lai kala, sila nde Au ka'is ma Au filu kasa. Hu ndia de ela leo bee na, emi manggate ma tukatei-saledale neme emi sala-singo mala mai.