ULANGAN 8:16 - Susula Malalaok Hehelu Palak Ma Hehelu Beuk

¹⁶ Ana fe emi koki manna neme moo solokaek-ka, fo ana da'di emi nana'am, fo emi bei-ba'i kaim-mala, beita lalelak nana'ak ndia fa. Manetualain tao basa sila-la, fo Ana so'ba emi, ma Ana taon-na emi makaloe-makadae oam-mala, fo ela neu mate'en-na, Ana tao malole soaneu emi.

ULANGAN 8:16 ပူးပေါင်းရင်းမြစ်များ

KEJADIAN 22:1

Basa teuk de'ubee boema, Manetualain fola Abraham namahehelen-na. Manetualain naloo nae, “Abraham!” Boema Abraham nataa nae, “Ou Manetualain.”

2TAWARIKH 32:31

Ma nai lelek hataholi nadedenuk-kala leme Babel mai fo latanen la'eneu ana lea-hai no kaiboik, Manetualain po'ilotak Hizkia nataa tunga dale hihii-nanau mesan-na, fo ela Manetualain hapu fola dalen-na.

AYUB 42:12

Manetualain ba'e-pala Ayub, nenik baba'e-papalak fo manasasi kao-kaok-ka, nai bei ela fai maso'dan-na dalek, lena heni neme tepo-lelek ana beita la'o la'di susa-soe-a fa. Ayub bi'ihii bi'ilopon 14.000, onta 6.000, sapi 2.000, keledei 1.000.

MAZMUR 119:68

Nana O malole, ma O tao malole, manoli au, O nakeketum-mala.

KELUARAN 15:25

Musa hule-haladoi te'e-te'e neu Manetualain, boema Manetualain natu'dun ai nggenggelok esa. Musa tapa ai ndia leo oe dale neu, boema oe ndia nasafali da'di oe mamis, nalosa bisa linun. Nai mamanak ndia, Manetualain fes nakanenetek-kala, ma Ana so'ba-su'dis nai mamanak ndia boe.

KELUARAN 16:15

Lelek hataholi Israel-la litan, tehu ta lalelak beek ndia fa. Boema esa natane esa nae, “Beek ndia?” Boema Musa nafa'das nae, “Manetualain, Ana fe emi nana'ak-ka, nde ndia.

KELUARAN 16:31

Hataholi Israel-la loke nana'ak ndia soona lae, manna Lupan-na, sama leo aide'e lutuanak dula fula, ma la'dan-na, sama leo kokis nanasese'dok fanioe.

KELUARAN 16:4

Manetualain nafa'da Musa nae, “Besak ia, neukose Au akona fe emi basa-basam-mala, nana'a-nininuk sasikao-kao, sama leo u'dan-na. Tunga faik, emi muse hele nana'ak sila-la dadaik faik esa dalen-na. No enok ndia, Au nau so'ba su'dik Au anang-ngala, ade ala tunga Au paletang-ngala do ta.

KELUARAN 20:20

Musa nataa nae, “Boso bii-mamata'u. Manetualain mai fo ka'da so'ba-sudi emi, fo ela emi tunga mahelen, ma ta tao sala-singok fa.”

AMSAL 17:3

Lilopilas ma lilofulak-ka, nanafolak nai ha'ikaak dale, tehu Manetualain fola hataholi-a dalen-na.

DANIAL 11:35

Mauli-malangan manatee-tenok sila-la nggelok, neukose nanataonisak, tehu ndia ka'da nalupa soso'ba-susu'dik ba'eneu Manetualain anan-nala, fo ala da'di neuisik. Neukose dede'ak ndia ana da'di losa tepo-lelek mate'ek-ka, fo nde tepo-lelek Manetualain naketu basak-ka.

ROMA 8:28

Ita bubuluk basa, Manetualain ito-ato basa dede'ak lala'ena, de nalosa nini buna-boa malole soaneu hataholi manasue-lai nana, ma hataholi fo nandaa no dale tutu'u na.

2 KORINTUS 4:17

Ma to'a-tataa bibianak fo ami la'ola'din soaneu ba'ihanak mesa kana ia, neukose nabuna-naboa fe ami ua-nale matuaina nanseli ma manaketu basa tak. Ua-nalek ndia ba'u lena nanseli, metema takasasama kana no toto'a-tataak ndia.

ULANGAN 13:3

boso taoafik neun. Nana emi Manetualaim-ma pake hataholi ndia, fo Ana mete, ade te'e-te'e, emi sue-lai Manetualain no emi dalek katematuam-ma do ta.

ULANGAN 8:2

Mafandendelek leona! Te nai teuk haahulu dalen-na, emi Manetualaim-ma nauli-nalanga emi, nai emi leleo-lala'o dae doom-ma dalek, tunga moo solokaek-ka. Manetualain dudu'a basa leleo-lala'ok ndia, soaneu Ana so'ba emi, fo ela Ana nita beek nanape'dak nai emi dalem dale, ma ade neukose emi tunga paletan-nala do ta.

ULANGAN 8:3

Ana po'ilotak emi mamala'a-mamandoe, boema Ana fe emi koki manna, fo emi mi'a. Emi, ma emi bei-ba'i kaim-mala, makahulun-na beita mi'a mita nana'ak ndia fa. Manetualain tao leondiak, fo nanoli emi, nae hataholi daebafak-ka, ta hapu naso'da nenik ka'da nana'a-nininuk mesak-kana fa, tehu naso'da neme Manetualain hala-kokolan mai.

YAKOBIS 1:12

Maua-manalek ba'eneu hataholi fo nakatatakak na dale na, nai lelek fo ana la'oladi sosoba-susu'di ka. Nana metema, nala sosoba-susu'dik ndia deak soona, neukose ana sipo nggadi na, fo nde maso'dak fo Manetualain helu basan neu hataholi mana sue-lai nana.

1 PETRUS 1:7

Dede'ak ia tetee-tutu'dan nde, fo ela ana da'di buti esa nae, ade te'e-te'e, emi mamahele Lamatua ka do ta. Lilopila sa hapu nalutun boeo, bei nanaso'bak ninik ha'i. Na, emi namahehele ma nde bee na, beli na lenaheni lilo pilasa, da'di muse so'ban boe, fo ela natea-nahele. Fo no enok ndia, neukose emi nanakoa-nanakiok, ma nanafe ha'da-holomata, boema nana namatutua-namadedemak nai faik fo Yesus Kristus fafali ma'i na.