ULANGAN 8:12 - Susula Malalaok Hehelu Palak Ma Hehelu Beuk

¹² Metema, emi mi'a-minu losa emi makabete, ma emi taom-ma emi umam-mala malole, fo emi leo nai dalek,

ULANGAN 8:12 ပူးပေါင်းရင်းမြစ်များ

AMSAL 30:9

Nana, metema au amasu'i soona, fafa'kama au afa'da, ae au ta paluu O so'on. Ma metema, au nuu-taa hata-taak soona, fafa'kama au amanako, nalosa au tao anggenggeo O na'dem-ma.”

PENGKHOTBAH 2:4

Au tao basa ue-le'dis matuaina-la so. Au tao uma-la soaneu au. Au tao osi bunga ma au tao osi, fo au sele angol, ma basa ai maboa mata-matak lala'en-na.

YESKIAL 11:3

Hu ndia de, hai hataholi daebafak fo, manasapu-manalalok-konei, manduku-malosak Au hala hehelung-nga la'eneu sila huhukun-na. Nana lafa'da lae, ‘Ta dook-ka so'on te, neukose ita tafofo'a falik uma ia-la. Kota ia da'di ulek, ma ita da'di paa nai ulek dale. Neukose ita ta hapu ha'i-a haan-na fa, nanahu ulek ia nasulu-nahapa ita.’ ”

AMOS 5:11

Emi tuni-ndeni hataholi nuu-taa hata-taak-ka, ma emi loso-ma sila gandum-ma. Hu ndia de, neukose emi ta leo nai emi uma manaahiim fo emi taom-ma ka dalek fa. Neukose emi ta minu angol fo emi sele nai emi osim-mala dalek fa.

HAGAI 1:4

“Hei anang-ngala lemin, ade fain-na losa ba'eneu emi, soaneu leo nai uma matea ma mahelek, tese'kona, Au Umang-nga soona, bei nalupa ai-batu madodouk do?

LUKAS 17:28

Bei sama leo Lot tepo-lele na boe. Hataholi a na'a-ninu, nase'o-banasa, tao tina-osi ma nafofo'a uma.

ULANGAN 28:47

Emi Manetualaim-ma fe basa emi, baba'e-papalak nai basa dede'ak lala'en-na dalek so, tehu emi ta nau malalau-maoonon, no dalek-katematuak ma namahokok fa.

ULANGAN 31:20

Neukose, Au oos leo nusak fo, kamasu'ik ma maoe-maisik-ka, sama leo Au helu basan neu sila bein-na'i kain-nala so. Neukose, ala laso'da no namahokok nai ndia, ma ala hapu basa nana'a-nininuk fo ala paluu-ka. Tehu, neu fai makabuin, te neukose ala fali deak, fo ala sene-do'ok neu lamatua daebafak fe'ek-kala. Neukose, ala ta sipok Au fa, ma lafandeleheni Au hehelu-balataang,

ULANGAN 32:15

Manetualain anan-nala da'di kamasu'i-makabetek, tehu ala hii lena-la'ban paleta laao bebonu, ma lakabete nana'ak. Boema ala la'oela Manetualain fo Manamakadada'dik sila ma ala ta sipok Manasoi-manatefa palani tatibatu-na fa.

ULANGAN 6:10

“Emi Manetualaim-ma, naheluk no emi bei-ba'i kaim Abraham, Isak ma Yakob, nae neukose, Ana fe nusak ndia leo emi neu. Kota-kota-nala matuaina, ma tetu-temak mesa-mesan, tehu emi ta nde mapadedeik kota sila-la fa.

ULANGAN 8:13

ma metema, emi sapim, bi'ihiik ma bi'ilopom-mala boetai lamade'uk-ka, ma emi lilofulam, lilopilam boema emi hata-hetom fe'ek lala'en-na makadotok soona,