ULANGAN 8:10 - Susula Malalaok Hehelu Palak Ma Hehelu Beuk

¹⁰ Neukose, emi mi'a-minu losa emi makabete, soona moke makasi neu emi Manetualaim-ma, soaneu dae maoe-maisik fo, Ana fen neu emi ndia.”

ULANGAN 8:10 ပူးပေါင်းရင်းမြစ်များ

1 TAWARIKH 29:14

Te'e-te'e au ma au laung-nala ta hapu fe O hata esa boen, nanahu basa hata lala'en-na nde been-na O baba'e-babatim ma hata fo ami fek ia nde been-na O nuum boe.

MAZMUR 103:2

Koa-kio Manetualain, hai au samaneng-nga, boso mafandele heni dale malolen lala'ena!

AMSAL 3:9

Fe ha'da-holomata neu Manetualain nenik tunu-hotu fen hata fo malole, neme basa o hata-hetom, ma o dae-oem oe-isin lala'en-na,

YESAYA 5:1

Mamanene au nakameeng, la'eneu au tia-laing-nga osi angon-na Au tia-laing-nga, nanuu osi angol nai pupukuk malolek-ka huun-na.

YOEL 2:26

Neukose emi nana'a-nininum dai fo emi makabete. Neukose emi koa-kio Manetualain fo emi Manetualaim-ma, nana Ana tao manada'di beuk ba'uk-ka ba'eneu emi. Neukose, ta lakadadaek Au anang-ngala so'on!

MATEOS 14:19

Basa boema nadenu hataholi makadotok sila la, langatuuk leu na'u lain. Boema Ana ho'i na loti bia kalima kala, ma i'a boa kaduak sila la, de nanganalo leo lalai neu, fo noke makasi neu Manetualain. Basa ndia boema, Ana tete'i loti sila la, de Ana fes leo ana mana tunga nala, fo ala baba'e fes leu hataholi makadotok sila la.

YOHANIS 6:23

Basa boema, ofak de'ubee leme kota Tiberias sa mai de, ala see deka lo mamanak fo Yesus fe hataholi makadoto kala la'a loti a.

ROMA 14:6

Hataholi fo namahele ka'da faik esa nde malole ndia, ana tao leondiak fo ana fe ha'da-holomata neu Lamatua ka. Boema hataholi fo na'a basa hata lala'ena ndia, ana tao leondiak fo ana fe ha'da-holomata neu Lamatua ka, nanahu noke makasi neu Manetualain hu ka nde nana'a-nininuk sila la. Leondiak boe, hataholi fo na'a ka'da nana'a mata kisa ka, hataholi ndia boeo ana fe ha'da-holomata neu Lamatua ka, ma noke makasi neu Manetualain.

1 KORINTUS 10:31

Emi tao su'di beek ndia boe, emi mi'a do emi minu ma tao basa sila la soaneu koa-kio Manetualain.

ULANGAN 31:20

Neukose, Au oos leo nusak fo, kamasu'ik ma maoe-maisik-ka, sama leo Au helu basan neu sila bein-na'i kain-nala so. Neukose, ala laso'da no namahokok nai ndia, ma ala hapu basa nana'a-nininuk fo ala paluu-ka. Tehu, neu fai makabuin, te neukose ala fali deak, fo ala sene-do'ok neu lamatua daebafak fe'ek-kala. Neukose, ala ta sipok Au fa, ma lafandeleheni Au hehelu-balataang,

ULANGAN 8:9

Neukose, emi ta mamala'a-mamandoe, do to'a-taa nai ndia fa. Besi-la, lai batu piak manai sila-la dalek, ma emi bole kali liti-a nai pupukuk-kala dalek.

1 TESALONIKA 5:18

Nai basa dede'ak lala'ena dalek, ela leo been-na emi moke maksai neu Manetualain, nana tatao-nono'i leondia ka nde, Manetualain nau emi tao-no'i nana; nana maso'da da'di esa moo Lamatuak Yesus so.