ULANGAN 7:8 - Susula Malalaok Hehelu Palak Ma Hehelu Beuk

⁸ Tehu, Manetualain hele emi, nanahu Ana sue-lai emi, ma nahiik tao natetu, Ana tao hehelu-balataak no emi bei-ba'i kaim-mala. Hu no ndia de, Ana soi-tefa-nala emi, nenik koasa matuainan-na, ma Ana soi-po'i emi neme emi da'di ata neu mane Masir-ra.

ULANGAN 7:8 ပူးပေါင်းရင်းမြစ်များ

KEJADIAN 19:16

Lot dalen-na naba'e. Tehu Manetualain kasian seluk-kana; hu ndia de, fui ka dua-nala, lalala'o Lot no saon-na, boema anan duas, fo ala kalua leme kota ndia mai.

KEJADIAN 19:29

Leondiak, lelek Manetualain tao namopo-namate kota sila-la nai bafak fo nai bee, Lot leo, Manetualain nafandele neu Abraham, ma Ana tulu-fali Lot, fo nalai.

2 SEMUEL 22:20

Ana soi-po'i au neme soe-a mai ma Ana soi-tefa-na au, nanahu Ana sue-lai au.

1RAJA-RAJA 10:9

Kokoa-kikiok ba'eneu Amak, fo Tuan Manetualain na! No Ana so'u Tuan da'di mane Israel-la, de Manetualain natu'du nae, namahoko nanseli neu Tuan. Sue-lalain neu leoina Israel-la ta ketu-basa fan; hu ndia de, Ana so'u Tuan da'di sila manen-na, fo ela Tuan hapu nakalala'ok hoholo-lalanek ma ndoos ma matetuk-ka.”

1 TAWARIKH 16:16

Ana tao hehelu-balataan ndia no Abraham, de basa boema no Isak,

2TAWARIKH 9:8

Kokoa-kikiok ba'eneu Amak, fo Tuan Manetualain-na! No Ana so'u Tuan da'di manek soaneu paleta nenik na'den-na, Ana natu'du nae namahoko nanseli neu Tuan. Nanahu Ana sue-lai hataholi Israel-la, de Ana nau fo ela ala ta sapu-lalo fa, te lahele losa dodoon-na, boema Ana so'u Tuan da'di sila manen-na, fo ela Tuan hapu napadedeik natetu hoholo-lalanek ma eno ndos ma matetuk-ka.”

MAZMUR 105:42

Nana Manetualain nafandele hehelu-balataan neu atan Abraham.

MAZMUR 44:3

O mesam-ma usi heni leoina-la fo ela O anam-mala leo lahele nai sila nusan-na. O fe leoina fe'ek-kala hapu soe, tehu O po'ilotak O anam-mala lamade'u.

MAZMUR 44:4

Ala ta loso-la dae ndia nenik tafaina fa; ala ta sengi lenik sila be'i-balakai mesan-na fa, tehu nenik koasa ma O mamaim-ma sa'an-na, nana O dalem-ma natetu-nandaa neu O anam-mala.

KELUARAN 13:14

Metema nai fai makabuin, emi anam-mala latane basa sila-la sosoa-ndandaan hata soona, emi muse mataa mae leo ia, ‘No koasa matuaina, Manetualain noo ita kalua teme nusa Masir-ra mai, mamanak fo ita da'di ata.

KELUARAN 13:3

Musa nafa'da leoina Israel-la nae, “Nai faik ia, Manetualain, Ana soi-po'i emi nenik koasa matuainan-na, nalosa emi hapu kalua meme Masir, mamanak fo emi da'di ata. Hu ndia de, tao faik ia da'di faik nasanene'dak. Boso mi'a loti fo kamen pake laluteik.

KELUARAN 20:2

nafa'da nae, “Au nde emi Manetualain, fo mananoo emi kalua meme Masir mai, mamanak fo manatao emi da'di ata.

KELUARAN 32:13

Mafandendelek O atam Abraham, Isak ma Yakob. Mafandendelek mae O maheluk pake sosoo-susupak soaneu O fe sila tititi-nonosin de'u nduuk manai lalai, boeo mafandendelek mae O fe la'iesak dae fo O heluk ndia, fo neukose ana da'di sila tititi-nonosin pusakan losa dodoon-na.”

KELUARAN 6:6

Neukose Au tao emi da'di Au anang, ma Au da'di emi Manetualaim-ma. Soona neukose emi bubuluk, mae Au ia Manetualain, fo emi Manetualaim manasoi-po'i emi neme ata nai Masir.

YESAYA 43:4

O mabelik nai Au matang, Au fe o ha'da-holomata, ma Au sue-lai o; boema, Au fe hataholi daebafak-ka, da'di leo o ngganggatim-ma, leoinak-kala, da'di leo ngganggatik neu o samanem-ma.

YESAYA 63:9

Ndia mesak-kana, nde lu'a-lepa sila toto'a-tataan-na. Manetualain ta haitua hataholi nadedenuk, do lima boboa konan-na fa; Ndia mesak-kana, nde soi-po'is-sala, nanahu susue-lalain, ma dalek-kasian-na. Ana nakabobois tataas esa, neme makahulun eli mai.

YEREMIA 31:3

Au atu'du Au aoinang-nga neus neme dook-ka mai. Hai hataholi Israel-la lemin, lelek makahulun-na Au sue-lai emi tatas esa, ma soaneu losa makandondoo henin Au atu'du ae, Au sue-lai emi tatas esa.

YESKIAL 36:22

Hu ndia de, manduku-malosak hata fo Au, Manetualain Fo Mademaina, nafa'da neu leoina Israel nae, ‘Hata fo, neukose Au taon nai fai makabuin, ta hu kande emi fa, hai hataholi Israel-la lemin, te hu kande emi meu su'di leo mamanak bee meu soona, emi tao manggenggeo Au na'de malalao-malalafung-nga.

MIKHA 6:4

Au o emi kalua meme Masir mai so, ma Au soi heni emi neme ata dalek mai; Au adenu basa Musa, Harun, ma Miryam soaneu hela-nole emi so.

MIKHA 7:20

Soaneu O anam-mala, fo Abraham ma Yakob tititi-nonosin, neukose O matu'du O lilinekam ma O susue-lalaim fo ta nanuu too-lane ndia, sama leo hata fo makahulun eli O helu basan neu ami bei-ba'i kaim-mala so.

ZEFANYA 3:17

Emi Manetualaim-ma fo mabe'i-balakaik-ka, nananasulu-nahapak emi. Emi sengi nanahu koasan-na. Manetualain namahoko ma setelee, nanahu emi, Nai susue-lalain-na dalek, Ana fe emi so'da beuk. Hu ka nde emi, de nakamee no namahokok

MALEAKHI 1:2

Manetualain nafa'da anan-nala nae, “Au sue-lai emi.” Tehu, lataa lae, “Tao leo bee de, Manetualain sue-lai ami?” Boema Manetualain nataa nae, “Ade, Yakob ka'an ta Esau fa do? Tehu, Au sue-lai Yakob,

MATEOS 11:26

Fo ndia nde nandaa no, Ama ka dale na.”

LUKAS 1:55

Manetualain ta nafandeleheni hehelu-balataan fa, Dale na malole neu Abraham ma tititi-nonosi nala, losa dodoo na.”

ROMA 11:28

Hu ka nde hataholi Yahudi a, ta nau sipok Manetualain Hala Malole na fa de, ala dadi Manetualain musu noo nala; fo dede'ak ndia nini nanalak esa fe emi hataholi ta Yahudi la. Te hu ka nde Manetualain nde hele a de, Ana sue-lai nahele hataholi Yahudi sila la, hu sila bei-ba'ikai nala.

ULANGAN 1:8

Au, fo Manetualain helu basa, Au fe dae ndia neu emi bei-ba'i kaim Abraham, Isak ma Yakob no basa sila tititi-nonosin-nala. Da'di, meu fo mangatuu-ma, dae ndia leona.’ ”

ULANGAN 10:15

Tehu Manetualain susue-lalain ba'un-na seli, neu emi bei-ba'i kaim-mala, nalosa neme basa leoina lala'en-na, Ana helek-ka nde emi, de losa besak ia boeo, emi da'di Ndia ana hehelen.

ULANGAN 23:6

Nai emi fai maso'dam-ma dalek, boso tulu-fali leoina sila-la, ma boso fes laso'da no tetu-temak.

ULANGAN 33:3

Tete'ek-ka, Manetualain sue-lai leoinan. Nasulu-nahapa basa Ndia hataholin-nala. Mai fo, ata sene-do'ok neu ein-na, matan-na, ma ata tunga paletan-nala.

ULANGAN 4:20

Tehu emi nde been-na, leoina fo nanasoi-tefak neme Masir mai, mamanak fo emi doi-doso manseli. Noo emi kalua meme nusak ndia mai, fo ela emi da'di Ndia leoinan, sama leo besak ia.

ULANGAN 4:34

Hapu hai lamatua daebafak, napalani ho'in-na leoina esa neme leoina-la tala'da mai, boema ana taos da'di ndia ana hehelin, sama leo emi Manetualaim-ma, Ana taon soaneu emi neme Masir so do beik? Emi mita matam, tao leo beek de, Manetualain no be'i-balakai matuainan-na, Ana fe soe-a, ma natee-natatik-ka mai, Ana tao manada'di beuk-kala, ma Ana tao dede'a matuaina-la.

ULANGAN 4:37

Nanahu, Ana sue-lai emi bei-ba'i kaim-mala, de Ana hele basa emi, nenik koasa matuainan-na, ma noo emi kalua meme Masir mai so.

ULANGAN 5:6

‘Au nde emi Manetualaim-ma, fo mananoo emi kalua meme Masir, fo mamanak emi da'di ata.

1 YOHANIS 4:19

Ita tasue-talai ao nana, Manetualain sue-lai nakahuluk ita so.

SEMUEL SUSULAK-KA ESAN-NA 12:22

Manetualain soo-supa basa, nae neukose Ana ta la'oela emi fa, nanahu naketu basa soaneu Ana tao emi da'di Ndia anan so