ULANGAN 7:25 - Susula Malalaok Hehelu Palak Ma Hehelu Beuk

²⁵ Hotuheni, dodoki-dudula sosongo-tatangok fo, ala sene-do'ok-kala. Emi dalem-ma boso tu'da neu liliofulak do lilopilas fo nananakadiditak, neu dodoki-dudulak sila-la, boema emi ho'i malas. Metema, emi la'olena paleta ndia soona, neukose mate emi, nana emi Manetualaim-ma ta hii hataholi fo, manasene-do'ok neu dodoki-dudulak sosongo-tatangok fa.

ULANGAN 7:25 ပူးပေါင်းရင်းမြစ်များ

2RAJA-RAJA 23:14

Ana tao natu'u lamatua daebafak-kala batu lutun-nala, ma lamatua daebafa inak Asyera, dodoki-dudulan, boema dae, fo nai bee, batu lutu ma dodoki-dudulak sila-la lapadeik-ka, Yosia nakadofu ketun nenik, hataholi-la duin-nala.

1 TAWARIKH 14:12

Lelek fo Filistin solda'du nala lalai boema, ala ta hapu loak ho'ileni sila dodoki-dudula sosongo-tatangon nala fa. Dauk paleta fo ela hotuheni dodoki-dudulak sila-la.

KELUARAN 20:17

Boso dale he'di hataholi fe'ek hata-heton; uman-na, saoinan-na, atan-nala, bana-manun, keledein-na, do su'di beek fo hataholi fe'ek nuun.”

KELUARAN 32:20

Basa boema, ana ho'in-na hataholi Israel-la tao-la sapi nanadoki-dulak ndia de ana hotun, boema ana ha'bo nan lutu-lutu sama leo daesopuk, boema ana nggalin leo oe lain neu. Basa boema, nadenu hataholi Israel-la linun.

KELUARAN 8:26

Musa nataa nae, “Malole lenak bosok, nanahu ami tutunu-hohotum sila-la, neukose ana da'di nakamumuluk-nakamamaek ba'eneu hataholi Masir-ra, de tao leo bee-o ala pia lisa ami.

YESAYA 30:22

Emi dodoki-dudula sosongo-tatangom fo, nananakadiditak nenik lilofulak ma lilopilas-sa, neukose emi tapahenis, sama leo manggenggeok-ka, boema emi mafa'da mae, “La'oela au leona!”

YESAYA 41:24

Memak, emi ma emi tatao-nono'im ta, ma basa hataholi manasene-do'ok neu emi-a, ka'da nanamaluak mesan.

IMAMAT 13:52

Imam-ma muse hotu heni buas ndia, nanahu pulu po'ok ndia nde been-na pulu po'ok, fo ana sii dapa-dapa, da'di muse hotu henin.

IMAMAT 19:4

Boso sene-do'ok neu sosongo-tatangok. Boso tao dodoki-dudulak neme liti mai, fo sene-do'ok neun. Au nde emi Manetualain.

ZEFANYA 1:3

basa hataholi daebafak-kala, ma bana-manu, ma manupui-la ma i'ak-kala boe. Neukose Au taoisa hataholi mangalauk-ka. Neukose Au tao amopo-amate basa hataholi daebafak-ka lala'en-na, neukose Au ta po'ilotak maso'dak esa boen, Au fo Manetualain dede'a-kokolang leondiak.

ULANGAN 12:3

Tao matu'u mei tunu-hotun-nala, ma tao makalulutuk lutu batu sosongon-tatangon-nala. Hotu heni Asyera dodoki-dudulan-nala, ma tao makalulutuk sila ai batu dodoki-dudula sosongo-tatangon-nala, fo ela ala boso boe, sene-do'ok neu lamatua daebafak sila-la, nai mamanak sila bai.

ULANGAN 13:16

Muse tao nakabubua laun manai kota ndia, hata-heton lala'en-na, fo madodous leu dae loak dale, soona muse hotuheni kota ndia, no basa hata-heton lala'en-na, fo da'di neu tutunu-hohotuk ba'eneu emi Manetualaim-ma. Basa ndia soona, la'oela basa hata-heto nanahotu henik sila-la, muse la'oelas leme ndia, fo ala da'di ai batu manatapasasalak, boema, ta bole mafofo'a falik kota ndia so'on.

ULANGAN 17:1

Boso tunu-hotu fe emi Manetualaim-ma sapi do bi'ilopo lu'u-la'ak, nanahu Ana nape'da dale nasak-kana fa.

ULANGAN 23:18

Doik fo, ana hapun neme sosoa-piaon mai boeo, ta bole menin leo emi Manetualaim-ma Uman-na neu fa, fo bae nasar, nana emi Manetualaim-ma, ta hii mete manasosoa-piaok manai uma sosongo-tatangok-kala, ma manasosoa-piaok-kala, doi sese'ban-na fa.

ULANGAN 27:15

Hataholi Lewi-la, ala kokolak lae, ‘Nanasoo-supak ba'eneu hataholi fo, ana tao dodoki-dudulak neme batu, ai, do liti-a mai, fo ana sene-do'ok neun, no nafufunik; Manetualain ta hii sosongo-tatangok fa!’ Basa laun Israel-la lala'en-na lataa lae: ‘Tete'ek-ka!’ (Amin)

ULANGAN 7:16

Basa leoina fo, emi Manetualaim-ma fes leo emi koasam dale neu-a, emi muse tao mamate-mamopos; boso matu'du susue-lalaik neu leoina sila. Boso sene-do'ok neu sila lamatua daebafak-kala, nanahu tatao-nono'ik ndia, neni fe emi soe.

ULANGAN 7:5

Hu ndia de, tao makalulutuk leoina sila-la, mei tunu-hotun-nala, tao makalulutuk lutubatu sosongo-tatangon-nala, tao makalulutuk dii sosongo-tatangon-nala, ma hotu heni dodoki-dudula sosongo-tatangok fo ala sene-do'ok-ka.

YOSUA 7:1

Manetualain nafa'da basa hataholi Israel-la nae basa hata lala'en manai kota Yerikho, muse tao nakalulutuk-kasa, fo ta bole ho'i-la esa boen. Tehu ala ta tunga paleta ndia fa. Touk esa na'de Akhan, la'olena paleta ndia, nalosa Manetualain namanasa nanseli no hataholi Israel-la. (Akhan aman na'de Karmi, ma ba'in na'de Zabdi neme teidalek Zerah nai leo Yehuda dalek.)

YOSUA 7:21

Nai ita kalo teni bua-lo'as-sala dalek, au ita ba'du manalu esa, mana'ahiik, fo Babilonia limaleen ndia, boema lilofulak fafa'kama kilo dua, ma lilopila bibiak esa, kilo seselik esa lenak. Au ahiik anseli no bua-lo'as sila-la, boema au ho'i-alas de au afunis nai dae dale, nai au mamana ofung-nga; au tao lilofulak-ka nai bui mate'en-na.”

NINITAK 17:5

Nai dedei na, nanasulak na'dek esa fo nanuu sosoa-ndandaa nanabibila-babaak. Na'dek ndia nde “Babel Fo Matuaina, basa manasosoa-piaok lala'ena ma hataholi mangalauk manai daebafa ka inan nde inak ndia.”