ULANGAN 7:24 - Susula Malalaok Hehelu Palak Ma Hehelu Beuk

²⁴ Neukose, Ana fe sila manen-nala leo emi neu. Fo neukose, emi taomisas, ma mopo na'den-nala. Ta hapu hataholi esa boen, fo ana bisa nakatatakak nasasalematak no emi fa; nana neukose emi tao mamate-mamopo la'iesak-kasa.

ULANGAN 7:24 ပူးပေါင်းရင်းမြစ်များ

MAZMUR 9:5

Nana O paleta, da'di leo manakee-manafula, fo ndoos ma matetuk; O masala'e basa au dede'ang-nga so.

KELUARAN 17:14

Manetualain nafa'da Musa nae, “Sulak-ma sesengik ia, fo ela nananafandendelek nahele. Mafa'da Yosua, mae neukose Au tao amopo-amate hataholi Amalek-kala.”

AMSAL 10:7

Mafandele hataholi malole-a soona, ndia nalupa baba'e-papalak, tehu hataholi mangalauk-ka, nana nafandele henik no lai-laik.

YESAYA 54:17

Tehu basa tafa-sisilo fo, nanatutuk soaneu la'ban Au-a, neukose buna-boan ta. Ma basa kalaak manai uma manakee-manafula dalek-ka, neukose o fe sala butin-na. Neukose, Au fe sesengik neu Au atang-ngala, da'di leo bua palsen.” Manetualain nafa'da nae leondia.

YEREMIA 10:11

Hei anang-ngala lemin, emi muse mafa'da neus mae, lamatua daebafak-kala fo ta lakadada'dik lalai-a ma daebafak ndia fa, neukose nanatao namopo-namatek. Neukose sila mopok-kasa neme daebafak ia mai.)

ZEFANYA 1:4

Neukose Au huku Yerusalem ma Yehuda laun-nala lala'en-na. Bei ela hataholi fo ala sene-do'ok neu Baal-la, neukose Au tao amopo-amates leme mamanak sila-la mai. Neukose, lafandele heni imam-imam fo lalalau-laoono Baal-la.

ROMA 8:37

Ta! Nakalenak nai basa dede'ak sila la dalek, ita hapu sesengi matetu-mandaa ka neme Ndia fo manasue-lai ita!

1 KORINTUS 15:57

Tehu toke makasi neu Manetualain; Ana fe ita sesengik tunga ita Lamatuan Yesus Kristus!

ULANGAN 11:25

Neukose, emi Manetualaim-ma, taon-na basa hataholi manai nusak ndia lala'en-na, ala bii-lamata'u neu emi, sama leo Ana helu basak-ka, nalosa ta hapu hataholi esa boen, napalani kena-ka'i emi fa.

ULANGAN 25:19

Hu ndia de, metema emi Manetualaim-ma fe nusak ndia neu emi, fo emi leo no nee-nee-lino-linok, nanahu emi musum manai emi titia-tataim-mala, ala ta latee-latati loo emi so'on soona, emi muse taomisa la'iesak hataholi Amalek sila-la, boso ela esa boen, fo ela mopo na'den-nala, nai daebafak-ka ia poin-na. Boso mafandele henin!”

ULANGAN 29:20

Neukose, Manetualain ta fe do'o do ampon, neu hataholi leondiak-ka fa. Nasafalin-na, neukose Manetualainnasa-melun fo, manalua ponu-ponun-na, la'e hataholi ndia, ma basa susa-soe fo, nanasulak nai susulak ia dalek-ka, neukose ana tuni-ndeni-nala, losa Manetualain tao namate-namopon.

ULANGAN 9:14

Boso so'ba-so'ba mapanggengge Au. Te Au sanga tao amopo-amates, nalosa tafandele henis leona. Tehu neukose, Au tao o da'di amak neu leoina esa, ba'u lena ma balakain-nala lena neme sila mai.’

ULANGAN 9:3

Tehu besak ia, neukose emi mita matam, tao leo beek de, emi Manetualaim-ma, Ana la'ok nai emi uluk, sama leo ha'i manatao maputuk-ka. Neukose, Ana sengi hataholi sila-la, nai emi matam, nalosa no lai-laik, emi bisa usihenis ma emi tao mamate-mamopos, sama leo Manetualain helu basak-ka so.

YOSUA 1:5

Ta hapu hataholi esa boen, neukose bisa sengi o fa Yosua, nai o fai maso'dam-ma dalek. Nana neukose Au nai o boboam-ma tataas esa, sama leo makahulun-na, Au nai Musa boboan-na. Neukose, Au ta la'oela o fa.

YOSUA 10:23

Boema ala soi heni leak ndia, de ala loso mane Yerusalem, Hebron, Yarmut, Lakhis, ma Eglon leo deak mai,

YOSUA 10:40

Yosua nangatuun-na kota ndia lala'en-na. Ana sengi basa manek manai nggolo leten-nala, nai pupukuhuk manai boboak dulu, nai letek-kala huun manai boboak muli, ma nai masadokek manai boboak kona. Ana ta po'ilotak hataholi esa boen, naso'da fa; Ana taonisa la'iesa kasa. Ndia nandaa no Manetualain fo Israel Manetualain paletan-na.

YOSUA 10:42

Ka'da nai natee-natatik la'iesa mesak-kana, de Yosua sengi basa manek sila-la, ma nangatuun-na, sila nusa paletan-nala, nanahu Manetualain fo Israel Manetualain na, natee-nata'ti soaneu Israel.

YOSUA 10:8

Manetualain nafa'da Yosua nae, “Boso bii hataholi sila. Au fe basa sesengik-ka neu o so, hu ndia de, sila hataholin esa boen, ta hapu nakatatakak la'ban o fa.”

YOSUA 11:17

Nusak ndia loan-na, mulai neme Letelepak Na'u tak-ka, nai boboak kona, deka no Edom, losa leo kii neu, fo Baal-Gad nai Bafak Libanon-na nai Lete Hermon-na boboan kona. Yosua natee-nata'ti no nusak sila manen-nala, doon-na seli, tehu mate'en-na boema, ana ho'un-nalas de ana taonisa la'iesa kasa.

YOSUA 21:44

Boema nandaa no Manetualain helun neu sila bei-ba'i kain-nala, de nusak ndia nee-nee lino-linok, nanahu Manetualain nasulu-nahapan. Musu-musun-nala, ta hapu esa boen hapu la'ban-nana fa, nana Manetualain fe hataholi Israel-la sengi basa musun-nala.

YOSUA 23:3

Emi mita basa emi Manetualaim-ma, tao basa hata lala'en-na soaneu basa leoina manai ia-la, hu ka nde emi. Fo manamatatik soaneu emi nde been-na, Manetualain, fo emi Manetualaim-ma, mesak-kana.

YOSUA 23:9

Manetualain usi-heni leoina matua ma mabe'i-balakaik-kala soaneu emi so, de sila hataholin esa boeo, ta nakatatakak nabe'i la'ban emi fa.

YOSUA 6:2

Manetualain nafa'da Yosua nae, “Besak ia, Au fe o, kota Yerikho no manen-nala, ma solda'du palanin sila-la.