ULANGAN 7:21 - Susula Malalaok Hehelu Palak Ma Hehelu Beuk

²¹ Da'di, boso bii-mamata'u neu leoina sila-la. Te emi Manetualaim-ma nasulu-nahapa emi. Ndia nde been-na, Manetualain fo matua-madema, ma nanasu'di-do taak.

ULANGAN 7:21 ပူးပေါင်းရင်းမြစ်များ

2TAWARIKH 32:8

Ndia namahena hataholi daebafak-ka be'ibalakain, tehu ita tamahena neu ita Manetualain fo Ana tulu-fali ma natee-natati nggati ita.” Laun-na lamanene sila manen-na hala-kokolan ndia boema, lapalani.

NEHEMIA 1:5

“Ou Manetualain Manetualain fo manakoasa nai nusa so'dak-ka. O, Manetualain fo Matuaina, de ami mai leo O matam no bibii-namata'uk. O lilineka mahele, ma O ho'u mahele O hehelu-balataam neu hataholi fo manasue-lai neu O, ma manatunga O paletam-ma.

NEHEMIA 4:14

Lelek au ita ae laun-na bii lamata'u boema au afa'da laun-nala, basa lasi nggolo kala boema basa mauli-malangan-nala ae, “Boso bii mamata'u neu musu a! Mafandele neu Manetualain fo mabe'i-balakai matuaina, fo matati soaneu tolano mala, ana mala, saoinam-mala ma uma loo mala!”

NEHEMIA 9:32

Ou Manetualain, ami Manetualaim fo balakaik! Manetualain fo matua ma anseli! O ho'u mahele hehelu-balataak lala'en-na no lilinekak; O tao matetu ma O makalala'ok O hehelu-balataam. Neme tepo-lelek, basa mane Asyur-rala tuni-ndeni ami losa besak ia, ami la'ola'di doidosok makadotok. Ami mane-manem-mala, imam-mala, nabi-la ma basa lasi-lasik-kala, boeo bei-ba'i kai-la, ma laun-na, basa-basas doi-doso so Boso mafandele heni doidosok sila-lala'en-na! Boso tao mamopon neme O dale nasanene'dam-ma mai!

MAZMUR 27:1

Dauk kokoa-kikion-na. Manetualain nde been-na, au mangale'dong ma au so'da-moleng, au ta bii-amata'u neu hata esa boen. Manetualain nde been-na, au kota musu masulu-mahapang, neukose au ta anggengo fa.

MAZMUR 46:11

Nafa'da nae, “Natee-nata'tik-ka, nate'e leona; bubuluk leona, te au ia Manetualain, Au matua-madema nai leoina-la tala'da matua-madema nai daebafak-ka lala'ena.”

MAZMUR 46:5

Hapu lee manafaak fo tao lamahoko-setelee Manetualain kotan-na, Manetualain Fo Mademaina mamana leleon-na.

MAZMUR 46:6

Manetualain leo nai naa, hu ndia de, neukose kota ndia ta nakalulutuk fa; neukose Ana tulu-falin, nai lelek le'do-a tii.

MAZMUR 46:7

Manetualain nanggulu, boema daebafak-ka nakalulutuk; leoina-la lakalupu, nusak-kala lakalulutuk.

MAZMUR 47:2

Totoko limam-mala no namahoko-seteleek leona, hai leoina-la lemin! Koa-kio Manetualain nenik eeki-natadalek!

MAZMUR 68:35

Manaku Manetualain koasan-na lole-napun, hapun nai Israel lain, koasan-na, nai ko'as-sala dalek.

MAZMUR 89:8

O nanafe ha'da-holomata nai basa hataholi malalao-malalafuk-kala dalek nanabii-naata'uk, neme basa hata manai O boboa-kaisum-ma.

MAZMUR 95:3

Nana Manetualain nde bee-na, Manetualain fo matua-madema, Manek makadelek fo nai lamatua daebafak lala'ena lain.

KELUARAN 29:45

Neukose Au leo nai leoina Israel-la tala'da heon, fo da'di sila Manetualain.

DANIAL 9:4

Au manaku basa au laoinang-nga sala-singon-nala neu Manetualain fo au Manetualaing-nga. Au afa'da ae, “Manetualain O matua-madema, de ami fe ha'da-holomata neu O. O tao matetu O hehelu-balataam do'e-do'e, ma O matu'du O susue-lalai manaketu basa tam-ma neu sila fo manasue-lai O, ma manatao-no'i hata fo O paletan.

BILANGAN 14:14

de neukose, ala tuin neu nusak ia hataholin-nala lamanene basa, lae O, fo Manetualain, sama-sama moo ami. Boeo, lamanene basa, lae O matu'du O aoinam-ma neu ami, nai lelek O la'ok nai ami uluk, nai dii ko'as dale, nai fai lele'don-na, ma nai dii ha'ik dale, nai fai leodaen-na.

BILANGAN 14:42

Boso meu! Te neukose emi musum-mala sengi emi, nanahu Manetualain ta no emi fa.

BILANGAN 14:9

Boso la'ban Manetualain, ma boso bii-mamata'u neu hataholi manaleo manai nusak ndia, nana neukose ita sengis, no mu'dak. Nana manamasulu-mahapas-sala, ana la'oelas so, de Manetualain nook ita. Da'di boso bii-mamata'u.”

BILANGAN 16:3

Basa-basas leu leo Musa no Harun leu, de lafa'da lae, “Ndia dai so Musa! Hataholi Israel-la lala'en-na, nanafe hehelik neu Manetualain, ma Manetualain nai ita basa-basa-tala tala'da heon. Tehu tao le'e de, o mafa'da mae, o dema lena Manetualain anan-nala?”

BILANGAN 21:34

Boema Manetualain nafa'da Musa nae, “Boso bii-mamata'u neun. Neukose Au fe o sengin no laun-na ma nusan-na. Taon sama leo o tao Mane Sihon fo ana paleta nai Hesybon-na.”

BILANGAN 23:21

Ta tita tatao-nono'i mangalauk nai Yakob fa; Ta tita toto'a-tataak nai Israel fa. Manetualain, fo sila Manetualain-na sama-sama nos.

BILANGAN 9:20

Tehu nasi'a ko'as ndia nai Lalaa Temak ndia lain ka'da faik de'ubee mesan. Leomae leobeek boe, Manetualain paletan-na nde naketu, ala leo lahele nai mamanak esa, do ala la'o.

1 KORINTUS 14:25

Basa dede'ak fo nananafunik nai dalen dale ka, neukose nafa'dan, nalosa nakaloe-nakadae ao na, boema ana sene-do'ok neu Manetualain. Neukose ana manaku nae, tete'e ka Manetualain nai emi tala'da heom.

ULANGAN 10:17

Emi Manetualaim-ma, nai basa lamatua daebafak lala'en-na lain, ma koasan-na, lena heni basa koasa lala'en-na. Ndia nde Manetualain fo, matua-madema ma manakoasa, de muse tungan. Ana ta metematak fa, ma Ana ta nau hataholi solo dalen-na nenik hata esa boen.

ULANGAN 20:1

“Metema emi meu matee-matati fo, la'ban emi musum-mala, fo emi mita musu-a kaleta musun-nala, ndalan-nala boema solda'dun-nala de'ulena emi soona, boso bii. Te emi Manetualaim-ma, fo manasoi-po'i emi meme Masir mai-a, neukose Ana tulu-fali emi boe.

ULANGAN 25:8

Soona, kota ndia lasin-nala, muse laloo hataholi ndia, fo ala kokolak loon. Metema, ana ta nau sipok fa soona,

ULANGAN 31:17

Metema, ana da'di leondiak soona, neukose Au nasa-melung, lua ponu-ponu neu emi. Neukose, Au la'oelas, ma Au tao amopo-amates. Neukose, susa-soe matuaina makadotok, ala tuni-ndeni lalas, boema neukose, ala lame'da lae basa sila-la ala da'di, hu kande Au, sila Manetualain fo ta nok sila so'on.

YOSUA 3:10

Mahani te, metema emi tutulumatak soona, tao leo bee-o, Manetualain usi heni hataholi Kanaan, Het, Hewi, Feris, Girgasi, Amori ma Yebus-sala. Ma nai lelek Manetualain fo nakadada'dik lalai ma daebafak-ka, Peti Hehelu-balatan lena Yarden-na, nakahuluk neme emi mai soona, neukose emi mita Manetualain fo maso'dak-ka, nai emi tala'da heom.

YOSUA 8:1

Manetualain nafa'da Yosua nae, “Makabubua basa o solda'dum-mala, fo la'ok mos leo Ai meu. Dalem-mala boso ba'ihana ma boso bii! Neukose Au fe emi sengi mane Ai-a. Neukose, o loso-ma laun-na, kotan-na, ma nusan-na.

SEMUEL SUSULAK-KA ESAN-NA 4:8

Soe tete'ek-ka! See kande, bisa soi-tefa-na ita teme lamatua daebafak fo mabe'i-balakaik ndia mai? Ade, lamatua daebafak sila-la ta nde makahulun-na, taolisa hataholi Masir-ra neme moo solokaek-ka hetu?