ULANGAN 7:19 - Susula Malalaok Hehelu Palak Ma Hehelu Beuk

¹⁹ Mafandendelek, emi mita matam soe matuaina-la, manada'di beuk-kala, ma be'i-balakai matuaina fo emi Manetualaim-ma paken, soaneu Ana soi-po'i emi-a. Leondiak boe, neukose emi Manetualaim-ma, taon soaneu leoina fo, emi bii-mamata'uk-kala.

ULANGAN 7:19 ပူးပေါင်းရင်းမြစ်များ

MAZMUR 136:12

no lima mabe'i-balakain ma makadelen-na; susue-lalain manaketu-basa tak, losa dodoon-na.

MAZMUR 44:4

Ala ta loso-la dae ndia nenik tafaina fa; ala ta sengi lenik sila be'i-balakai mesan-na fa, tehu nenik koasa ma O mamaim-ma sa'an-na, nana O dalem-ma natetu-nandaa neu O anam-mala.

MAZMUR 77:12

Au nau afandele O tatao-nono'im Manetualain, tai-dodoo O manada'di beum-mala nai tepo lelek makahulun-na.

KELUARAN 6:6

Neukose Au tao emi da'di Au anang, ma Au da'di emi Manetualaim-ma. Soona neukose emi bubuluk, mae Au ia Manetualain, fo emi Manetualaim manasoi-po'i emi neme ata nai Masir.

ULANGAN 29:3

Emi boeo, mita basa, Manetualain tao susa-soe matuaina-la, manada'di beuk-kala, ma tatao-nono'i mata beuk-kala so.

ULANGAN 3:21

Boema, au afa'da Yesua ae, O mita basa hata lala'en fo o Manetualaim-ma taon soaneu Sihon ma Og, fo manek-ka duak sila-la so. Leondiak boe, neukose Ana taon soaneu basa manek fo o loso-ma daen-nala.

ULANGAN 4:34

Hapu hai lamatua daebafak, napalani ho'in-na leoina esa neme leoina-la tala'da mai, boema ana taos da'di ndia ana hehelin, sama leo emi Manetualaim-ma, Ana taon soaneu emi neme Masir so do beik? Emi mita matam, tao leo beek de, Manetualain no be'i-balakai matuainan-na, Ana fe soe-a, ma natee-natatik-ka mai, Ana tao manada'di beuk-kala, ma Ana tao dede'a matuaina-la.

YOSUA 10:25

Basa ndia boema Yosua nafa'da malanga solda'du matuainan-nala nae, “Dalem-mala boso ba'ihana ma bii. Ela leo been-na, emi mamahele ma mapalani, nana neukose, Manetualain tao emi musum-mala, enon-na leoiak.”

YOSUA 24:17

Manetualain fo ita Manetualain-na, nde soi-po'i ita bei-ba'i kain-nala, ma ita neme ata nai Masir. Ita tita basa, Manetualain tao manada'di beuk-kala so. Manetualain nasulu-nahapa ita tataas esa, nai ita leleo-lala'on-na dalek, tunga nusa dea-la.

YOSUA 3:10

Mahani te, metema emi tutulumatak soona, tao leo bee-o, Manetualain usi heni hataholi Kanaan, Het, Hewi, Feris, Girgasi, Amori ma Yebus-sala. Ma nai lelek Manetualain fo nakadada'dik lalai ma daebafak-ka, Peti Hehelu-balatan lena Yarden-na, nakahuluk neme emi mai soona, neukose emi mita Manetualain fo maso'dak-ka, nai emi tala'da heom.