ULANGAN 7:18 - Susula Malalaok Hehelu Palak Ma Hehelu Beuk

¹⁸ Tehu emi boso bii-mamata'u leoina sila-la; mafandendelek, hata fo emi Manetualaim-ma nafa'da mane Masir-ra no laun-nala lala'en-na.

ULANGAN 7:18 ပူးပေါင်းရင်းမြစ်များ

MAZMUR 105:5

Hai atan Abraham, tititi-nonosin-nala, ma Yakob, fo hataholi hehelen-na, tititi-nonosin-nala, mafandendelek Ana tao basa manada'di beuk-kala, boso mafandele heni nakeketun-nala.

MAZMUR 77:11

Boema au afa'da ae, “Ia nde nakahehe'dik au daleng-nga, nde nae Fo Mademaina, ta koasa so'on.”

MAZMUR 77:12

Au nau afandele O tatao-nono'im Manetualain, tai-dodoo O manada'di beum-mala nai tepo lelek makahulun-na.

MAZMUR 78:11

Ala lafandele heni, Manetualain tatao-nono'in, ma dede'a matabeuk, fo nafa'da neus.

BILANGAN 21:34

Boema Manetualain nafa'da Musa nae, “Boso bii-mamata'u neun. Neukose Au fe o sengin no laun-na ma nusan-na. Taon sama leo o tao Mane Sihon fo ana paleta nai Hesybon-na.”

ULANGAN 1:29

Tehu, au afa'da ae, Boso bii hataholi sila-la.

ULANGAN 1:30

Emi Manetualaim-ma, neukose nauli-nalanga emi, fo natee-nata'ti soaneu emi, sama leo emi mita matam neme Masir so,

ULANGAN 20:1

“Metema emi meu matee-matati fo, la'ban emi musum-mala, fo emi mita musu-a kaleta musun-nala, ndalan-nala boema solda'dun-nala de'ulena emi soona, boso bii. Te emi Manetualaim-ma, fo manasoi-po'i emi meme Masir mai-a, neukose Ana tulu-fali emi boe.

ULANGAN 3:6

Ita tao takalulutuk la'iesak kota sila-la, ma ita tao tisa la'iesak touk-kala, inak-kala loo anan-nala, sama leo ita taon neu Mane Sihon fo neme Hesybon mai, kotan-nala.

ULANGAN 31:5

Neukose, Manetualain fe emi sengis, boema emi muse taos, sama leo au afa'dan neu emi-a.

ULANGAN 31:6

Ela leo been-na, emi matetea-nahehele emi dalem-ma, ma mapalani! Boso biis, nana emi Manetualaim-ma nde, neukose tulu-fali emi. Neukose, Ana ta tao ba'ihana emi dalem-ma, ma Ana ta la'oela emi fa.”

YOSUA 8:1

Manetualain nafa'da Yosua nae, “Makabubua basa o solda'dum-mala, fo la'ok mos leo Ai meu. Dalem-mala boso ba'ihana ma boso bii! Neukose Au fe emi sengi mane Ai-a. Neukose, o loso-ma laun-na, kotan-na, ma nusan-na.

HAKIM-HAKIM 6:13

Boema Gideon nataa nae, “Ampon tuan! Metema tete'ek-ka, Manetualain no ami soona, tao le'e de, basa dede'ak ia-la tuni la'e ami? Basa manada'di beuk fo makahulun-na Manetualain tao hai-ka, nai bee, ma hata fo ami bei-ba'i kaim-mala tuin la'eneu, tao leo beek, de Manetualain kalua heni sila leme Masir mai? Besak ia, Manetualain la'oela ami so, de Ana po'ilotak hataholi Midian-nala, koasa ami.”