ULANGAN 7:16 - Susula Malalaok Hehelu Palak Ma Hehelu Beuk

¹⁶ Basa leoina fo, emi Manetualaim-ma fes leo emi koasam dale neu-a, emi muse tao mamate-mamopos; boso matu'du susue-lalaik neu leoina sila. Boso sene-do'ok neu sila lamatua daebafak-kala, nanahu tatao-nono'ik ndia, neni fe emi soe.

ULANGAN 7:16 ပူးပေါင်းရင်းမြစ်များ

MAZMUR 106:34

Ala ta tao lamopo-lamate leoina fe'ek-kala fa, sama leo Manetualain paletan-na.

MAZMUR 106:36

Boema, ala sene-do'ok neu sosongo-tatanok-kala, de dede'ak ndia nde da'di hihi'ik ba'eneus.

KELUARAN 23:33

Boso po'ilotak hataholi sila-la leo nai emi nusam dale, fo ela emi boso sene-do'ok neu sila-lamatua daebafan-nala, fo emi masala-masingo neu Au. Metema, emi sene-do'ok neu sila lamatua daebafan-nala soona, emi tu'da leo mamates-sa hihi'in dale meu.”

YEREMIA 21:7

O mo basa o mana'anggadi-la ma basa hataholi-hataholi fo lala deak neme natee-natatik-ka, la'a-ndoes-sa, ma he'di-laus matuaina, basa basas neukose au po'ilotak-kasa nanaho'u-nak neme manek Nebukadnezar-ra ma neme musu mok fo ala nau tao lisa emi-a. Neukose Nebukadnezar tao nisa emi basa no ta pake do'o do ampong fa, ma ta pake susue-lalaik fa. Au, Manetualain, nde manakokolak.”

BILANGAN 33:55

Tehu metema, emi ta usi heni nusak ndia laun-nala fa soona, hataholi manaleo lahele manai sila-la, neukose ala tao susa emi, sama leo solokaek-ka nai emi matam-ma, do nggauk-ka nai emi eim-ma. Mahani te, sila nde latee-latati loo emi-a.

1 KORINTUS 15:33

Boso fe hataholi ke'dindiu na emi. Leleo-napalasa ta malole a, tao nalutu ha'da-palii malole a.

ULANGAN 13:8

emi boso mamanenen do boso po'ilotak ala fufu'di-oodok emi. Boeo, emi boso sue-lai do masulu-mahapa hataholi ndia.

ULANGAN 13:9

Muse tapa hataholi ndia nenik batu, losa maten. O nde muse tapa makasososa, hataholi ndia nenik batu, fo besak-ka laun-na lala'en-na. Muse taonisa hataholi masalak ndia, nana ana nau tao natu'da emi, neme emi Manetualaim-ma fo, manasoi-po'i ita teme mamanak fo, ana tao ita da'di ata neme Masir-ra.

ULANGAN 19:13

Boso kasian hataholi ndia. Soi-po'i Israel neme kanisak ndia mai, fo ela emi hapu maso'da no tetu-temak.”

ULANGAN 19:21

Boso mape'da dalek susuek, nai dede'ak matak leondiak-ka. Huhukun-na nalupa: Samanek nggati samanek, matak nggati matak, nisik nggati nisik, limak nggati limak, ma eik nggati eik.”

ULANGAN 25:12

boso sue-lai inak ndia, fo te'teheni liman-na.

ULANGAN 7:2

Metema, emi Manetualaim-ma fe leoina sila-la, leo emi koasam dale neu, fo emi sengis soona, taomisa la'iesak-kasa. Emi boso sue-lais, do tao hehelu-balataak moo hataholi sila-la.

ULANGAN 7:25

Hotuheni, dodoki-dudula sosongo-tatangok fo, ala sene-do'ok-kala. Emi dalem-ma boso tu'da neu liliofulak do lilopilas fo nananakadiditak, neu dodoki-dudulak sila-la, boema emi ho'i malas. Metema, emi la'olena paleta ndia soona, neukose mate emi, nana emi Manetualaim-ma ta hii hataholi fo, manasene-do'ok neu dodoki-dudulak sosongo-tatangok fa.

YOSUA 11:20

Manetualain tao-na dalen-nala latea soaneu latee-lata'ti loo hataholi Israel-la, fo ela tao lamopo-lamates, ma taolisa la'iesak-kasa, ta no do'o do ampon fa, fo nandaa no Manetualain paletan neu Musa.

HAKIM-HAKIM 2:3

Da'di, besak ia mamanene! Te metema, emi matee-mata'ti moos soona, neukose, Au ta usi heni nusak ia hataholin-nala fa. Neukose, ala da'di emi musum-mala, ma neukose lakahihi'ik-la emi, nalosa emi tunga sene-do'ok neu sila-lamatua daebafan-nala.”

HAKIM-HAKIM 3:6

Hataholi Israel-la, saoana sese'do-babalik loo leoina sila-la, ma ala tunga sene-do'ok hataholi sila lamatua daebafan-nala.

HAKIM-HAKIM 8:27

Neme lilopilas sila-la mai, de Gideon tao-na dodoki-dudula sosongok esa, de napadedeik-kana nai nggolon-na, fo nai Ofra. Basa hataholi Israel-la leu leo naa leu, fo ala sene-do'ok neu dodoki-dudulak sosongok ndia, nalosa ala ta taoafik neu Manetualain so'on. De dede'ak ndia, ana da'di, sama leo hihi'ik esa, ba'eneu Gideon ma teidalen-nala.