ULANGAN 7:14 - Susula Malalaok Hehelu Palak Ma Hehelu Beuk

¹⁴ Neme basa leoina manai daebafak-ka, ta hapu esa boen, fo ana hapu baba'e-papala manasasi kao-kaok-ka, sama leo emi fa. Neme emi basa-basam-mala, ma neme emi bana-manum lala'en-na mai, ta hapu kalate'dis esa boen.

ULANGAN 7:14 ပူးပေါင်းရင်းမြစ်များ

MAZMUR 107:38

Manetualain ba'e-bati fes, anak makadotok, ma bana-manun-nala, boetai lamade'u.

MAZMUR 115:15

Ela leo bee-na, Manetualain fo, manamakadada'dik lalai no daebafak-ka, Ana fe emi baba'e-papalak!

MAZMUR 127:3

Ni'iana-la nde bee-na, Manetualain baba'e-babatin sila, tete'ek-ka, ni'iana sila-la, ni'iana baba'e-babatik.

IMAMAT 26:9

Neukose, Au ba'e-pala emi, ma Au fe emi upu-anak makadotok. Hata fo Au helu basan neu emi, tao leo bee o, Au tao atetun.

BILANGAN 22:12

Boema Manetualain nafa'da Bileam nae, “O boso muu sama-sama moo hataholi sila-la, ma boso supa-soo leoina ndia, nana Au ba'e-pala basa hataholi sila so.”

ULANGAN 28:11

Neukose Ana ba'e-bati fe emi, anak makadotok. Neukose emi bana-manum makadotok, ma emi dae-oem buna-boan sasi kao-kao nai nusak fo, emi Manetualaim-ma helu basan neu emi bei-ba'i kaim-mala, soaneu Ana fen neu emi.

ULANGAN 28:4

Baba'e-papalak ba'eneu emi, nalosa emi anam makadotok, emi dae-oem buna-boan sasi kao-kao, ma emi sapim-mala boema emi bi'ihii-bi'ilopom-mala lamade'u.

ULANGAN 30:9

Neukose emi Manetualaim-ma, fe emi tutunga-sasangam lala'en-na, neni buna-boak fe emi; neukose emi anam makadotok, ma emi bana-manum makadotok; ma emi tinam-mala, buna-boan sasi kao-kao. Manetualain namahoko, de Ana fe emi maso'da no tetu-temak, sama leo Ana namahoko, de Ana fe tetu-temak neu emi bei-ba'i kaim-mala boe.

ULANGAN 33:29

Maua-manalek ba'eneu o, hai Israel! Ta hapu leoina fo, Manetualain soi-tefa fas. Manetualain sama leo o tafainam-ma, ma o babaa fanam-ma; fo nasala'e o, ma Ana fe o sesengik. O musum-mala neukose ala mai fo ala dokodoe o dalek-kasiam-ma, ma neukose o heheta-aa'is.”