ULANGAN 7:13 - Susula Malalaok Hehelu Palak Ma Hehelu Beuk

¹³ Neukose, Ana sue-lai ma Ana fe emi baba'e-papalak, nalosa emi anam makadotok, fo emi dede'um-mala, boe popo-tama lakandoo. Neukose, Ana fe baba'e-papalak neu emi tinam-mala, nalosa labuna-laboa gandum, angol ma mina setun. Neukose, Ana fe emi baba'e-papalak, nalosa emi sapim-mala, bi'ihiim-mala, ma bi'ilopom-mala lamade'u. Neukose, emi sipo baba'e-papalak sila-la, nai nusak fo Manetualain fen neu emi, nandaa no hala hehelun neu emi bei-ba'i kaim-mala.

ULANGAN 7:13 ပူးပေါင်းရင်းမြစ်များ

NEHEMIA 9:32

Ou Manetualain, ami Manetualaim fo balakaik! Manetualain fo matua ma anseli! O ho'u mahele hehelu-balataak lala'en-na no lilinekak; O tao matetu ma O makalala'ok O hehelu-balataam. Neme tepo-lelek, basa mane Asyur-rala tuni-ndeni ami losa besak ia, ami la'ola'di doidosok makadotok. Ami mane-manem-mala, imam-mala, nabi-la ma basa lasi-lasik-kala, boeo bei-ba'i kai-la, ma laun-na, basa-basas doi-doso so Boso mafandele heni doidosok sila-lala'en-na! Boso tao mamopon neme O dale nasanene'dam-ma mai!

AYUB 1:10

O masulu-mahapa uma isin-nala, ma su'i-beten lala'en-na tataas esa. O ba'e-pala ue-le'din, ma O fen bana-manu makadotok, dai soaneu ala tao lahenu nusak-ka lala'en-na.

AYUB 42:12

Manetualain ba'e-pala Ayub, nenik baba'e-papalak fo manasasi kao-kaok-ka, nai bei ela fai maso'dan-na dalek, lena heni neme tepo-lelek ana beita la'o la'di susa-soe-a fa. Ayub bi'ihii bi'ilopon 14.000, onta 6.000, sapi 2.000, keledei 1.000.

MAZMUR 1:3

Hataholi ndia, ana hapu buna-boak nai basa ue-le'din lala'en-na dalek; hataholi ndia, sama leo ai-a ana moli nai lee su'un-na, fo naboa la'e fain-na, ma doon-na, ta male nita fa.

MAZMUR 107:38

Manetualain ba'e-bati fes, anak makadotok, ma bana-manun-nala, boetai lamade'u.

MAZMUR 11:7

Nana Manetualain malole, ma ndoos ma matetuk, Ana sue-lai hataholi manatao tatao-nono'i malole-a; hataholi dale ndoos-sa, neukose nita ma nalelak Manetualain.

MAZMUR 127:3

Ni'iana-la nde bee-na, Manetualain baba'e-babatin sila, tete'ek-ka, ni'iana sila-la, ni'iana baba'e-babatik.

MAZMUR 146:8

ma Ana tao-na hataholi pokek-kala lita, Ana hela nafofo'a hataholi manatu'uk-ka, ma Ana sue-lai hataholi manatao tunga ndoon-na.

KELUARAN 23:25

Metema, emi sene-do'ok neu Au, Manetualain fo emi Manetualaim-ma soona, neukose Au ba'e-pala emi nenik nana'ak ma nininuk, ma neukose Au tao adook basa he'di-laus lala'en-na neme emi mai.

AMSAL 10:22

Ka'da hu kande Manetualain baba'e-papalan, de hataholi-a da'di kamasu'ik; ue-le'di no puse-laipanak-ka, ta hapu popo-tama hata-heto fa.

AMSAL 15:9

Manetualain ta hii hataholi malelesik-ka so'dan-na eno-dalan fa, tehu Ana sue-lai hataholi manasanga enok, fo tao-no'i hihii-nanaun-na.

IMAMAT 26:9

Neukose, Au ba'e-pala emi, ma Au fe emi upu-anak makadotok. Hata fo Au helu basan neu emi, tao leo bee o, Au tao atetun.

MATEOS 6:33

Hu ndia de, sanga makahuluk Manetualain hihii-nanaun, fo daenga Manetualain paleta emi so'da ma soona, neukose Manetualain fe basa hata lala'ena neu emi.

YOHANIS 14:21

Hataholi fo ana sipok Au paleta ngala fo ana tao tungan soona, ndia nde sue-lai Au a. Boema Au Ama nga sue-lai hataholi manasue-lai Au a. Neukose Au boeo sue-lai hataholi ndia, fo Au atu'du Au aoina nga neu hataholi ndia.”

YOHANIS 15:10

Makanaema emi makalala'ok Au paleta nga, ma emi ho'u mahele Au susue-lalaing sama na leo Au ho'u ahele Ama ka susue-lalain, hu ka nde Au akalala'ok paleta nala.

YOHANIS 16:27

hu ka nde Ama ka nde sue-lai emi a. Ana sue-lai emi, nana emi sue-lai Au, boema emi mamahele, Au mai eme Manetualain mai.

ULANGAN 1:8

Au, fo Manetualain helu basa, Au fe dae ndia neu emi bei-ba'i kaim Abraham, Isak ma Yakob no basa sila tititi-nonosin-nala. Da'di, meu fo mangatuu-ma, dae ndia leona.’ ”

ULANGAN 13:17

Emi ta bole ho'i-ma bua-lo'as nanasoo-supak sila-la, fo emi taos da'di emi nuum fa, te muse tao makalulutuk la'iesak-kasa. Soona neukose Manetualain nasan-na tenak, de Ana natu'du susue-lalain neu emi. Neukose dalen-na malole no emi, fo Ana tao emi da'di leoina matuaina, sama leo Ana helu basan neu, emi bei-ba'i kaim-mala so,

ULANGAN 28:1

“Metema, emi tunga emi Manetualaim-ma, ma faik ia, au fe emi paleta lala'en-na, emi tao-no'in no emi dalek-katematuam-ma, soona neukose, Ana taon-na emi da'di leoina esa, nananita-nalelak nai daebafak-ka.

ULANGAN 28:11

Neukose Ana ba'e-bati fe emi, anak makadotok. Neukose emi bana-manum makadotok, ma emi dae-oem buna-boan sasi kao-kao nai nusak fo, emi Manetualaim-ma helu basan neu emi bei-ba'i kaim-mala, soaneu Ana fen neu emi.

ULANGAN 30:5

Boema, emi hapu falik dae fo makahulun-na, emi bei-ba'i kaim-mala leo-nana. Fo Ana fe emi maso'da no tetu-temak seluk, ma emi mamade'u lena heni emi bei-ba'i kaim-mala.

ULANGAN 7:7

Manetualain sue-lai ma Ana hele emi, ta hu kande emi ba'u lena neme leoina fe'ek-kala mai fa; te'e-te'e, emi nde been-na, leoina fo anak nanseli nai daebafak ia.