ULANGAN 7:10 - Susula Malalaok Hehelu Palak Ma Hehelu Beuk

¹⁰ Tehu, Ana ta hia-penge huku hataholi, fo ana ta nahiik-kana fa.

ULANGAN 7:10 ပူးပေါင်းရင်းမြစ်များ

KELUARAN 20:5

Boso sene-do'ok neu dodoki-dudulak matak leondiak-ka, nanahu Au nde emi Manetualain, de Au ta nau makasasamak-kana no hata esa boen. Hataholi fo nakamuu-nakadau Au-a, Au hukun losa tititi-nonosi ka telu ma ka 4.

KELUARAN 34:7

Au sue-lai lahele tititi-nonosi lifu-lifuk kala, ma manafe do'o do ampon neu salak ma sala-singok; tehu hataholi masalak-ka, Au ta soi-po'in makandondook neme huhukun-na mai fa, ma Au huku upu-anan losa bobongi ka telu ma ka haa boe, nanahu sila ina-aman, bei-ba'in sala-singon-nala.”

AMSAL 11:31

Metema nai daebafak ia, hataholi malole-a boeo neukose ana sipo babalak soona, tao leo bee-o hataholi mangalauk-ka, ma hataholi masala-masingok-ka, neukose hapu huhukuk.

YESAYA 59:18

Ana balas musun-nala, nandaa no sila tatao-nono'in-nala. Nakalenak, leoina manai pulu dook-kala, ta lala huhukun-na deak fa.

YEREMIA 32:18

O matu'du O susue-lalaim neu hataholi lifu-lifuk-kala, tehu O huku hataholi nanahu ina amam-mala sala-singon-nala boe. O nde been-na Manetualain fo matetuk, ma mabe'i-balakai; O na'dem-ma Manetualain Fo Manakoasa.

NAHUM 1:2

Manetualain ta nau hataholi nakasusu'dik no fan, hataholi manala'ban-nana, tao leo bee-o ana hapu huhukuk No nasa-meluk nanseli, Ana balas nape'da dalen-na neus.

BILANGAN 10:35

Nai lelek ala sanga ndolo Peti Hehelu-balataak ndia soona, Musa kokolak nae, “Fo'a leona, ou Manetualain fo tao tapasasala o musum-ma, fo ela hataholi fo ta lahiik O fa, lalai.”

BILANGAN 14:18

‘Au, fo Manetualain, ta haelai amanasa fa. Au atu'du Au susue-lalaing, ma Au lilinekang no ana sasi kao-kao. Au fe do'o do ampon neu hataholi masala-masingok-ka, ma manala'ban Au-a. Leomae leondiak boe, neukose Au balas ina-amak salan-na neu upu-anan-nala, losa bobongi ka telu ma ka haa.’

ROMA 12:19

Tolano-tolanoo ngala lemin! Boso balas nape'da dalek no nape'da dalek, neme na fo Manetualain nde huku nana. Nana nai Susula Malalaok dale nanasulak nae, “Au nde manabala sa. Neukose Au nde huku nana.” Lamatua ka nae leondia.

ULANGAN 32:25

Natee-natatik fo, maneni mamates-sa, nai enok-kala lain; bibii-namatauk-ka, ana tuni-ndeni-na hataholi manai uma-la. Hataholi muli-soluk-kala, ma anafe'oanak-kala, neukose nanatao namate-namopok, ma ni'iana bongi beuk-kala, ma hataholi-lasik-kala boe.

ULANGAN 32:35

Neukose Manetualain balas ma Ana hukus, ta dook-ka so'on te, ala tu'u leu fo mate-mopos; sila fai nakalulutun-na, ana losa no lai-laik.

ULANGAN 32:41

Neukose, Au fofola Au tafainang-nga, fo isin-na nangale'do, fo Au akalala'ok huhukuk-ka. Au balas basa manalena-la'ban neu Au-a, ma Au huku basa hataholi fo, ana ta hii Au fa.

ULANGAN 5:9

Boso sene-do'ok neu dodoki-dudulak matak leondiak-ka, nanahu Au fo emi Manetualaim-ma, ta nau nakasasamak-kana o hata esa boen. Hataholi fo nape'da dale nasak neu Au, neukose Au hukun losa bobongi ka telu ma ka haa.

ULANGAN 7:11

Da'di, tunga basa hoholo-lalanek fo faik ia, au anduku-alosak-kana neu emi.”

ULANGAN 7:9

Mafandendelek mae ka'da emi Manetualaim-ma mesa-mesak-kana nde Manetualain-na, ma Ndia nde Manetualain fo manalilinekak. Manetualain tao natetu hehelu-balataan, ma natu'du nahele susue-lalain neu hataholi fo, manasue-lain neun-na, ma manatunga paletan-nala, losa bobongik lifun esa.