ULANGAN 6:6 - Susula Malalaok Hehelu Palak Ma Hehelu Beuk

⁶ Boso mafandele heni paleta fo, faik ia au fen neu emi ndia, makandondook.

ULANGAN 6:6 ပူးပေါင်းရင်းမြစ်များ

KEJADIAN 18:19

Au hele basa ndia so, fo ela ana paleta anan-nala, fo ala tunga Au, ma ala tao hata fo malole, ma tunga ndoos ma matetuk-ka. Metema ala tao tunga ndia soona, neukose Au tao atetu Au hehelu-balataang neu Abraham-ma.”

2 SEMUEL 22:23

Au taoafik neu basa hoholo-lalanen-nala, ma au akalala'ok paletan-nala.

MAZMUR 119:11

Au pe'da O nanolim-ma, nai au daleng dale, fo ela au boso asala-asingo neu O.

MAZMUR 119:13

Au po'a-benga apane'e basa hoholo-lalanek fo, O fe kala.

MAZMUR 119:30

Au hele basa soaneu tunga so, ma au afandendelek O paletam-ma, tataas esa.

MAZMUR 119:98

Au afandele O paletam-ma, tataas esa, fo ana tao-na au da'di manatee-tenok, lena heni au musung-ngala.

MAZMUR 37:31

Ana pe'da ndia Manetualain-na hoholo-lalanen nai dalen dale, de ana tao natetu la'iesak-kasa.

MAZMUR 40:8

Boema au afa'da ae, “Au nde ia, nai susula nanalunuk fo nanasulak la'eneu au.

AMSAL 3:5

Mamahele Manetualain, no o dale katema tuam-ma, ma boso masalai o deam-ma neu o dudu'a manadaim-ma mesak-kana.

AMSAL 7:3

Mafandendelek mahele basa au nanoling-ngala, ma pe'da basas lai o dalem dale.

YESAYA 51:7

Hai Au leoinang-ngala lemin, mamanene Au leona, emi bubuluk hata fo la'en; Au nanoling-nga, nanape'dak nai o dalem dale. Metema, hataholi daebak-ka, hakinonoli o soona, boso bii, metema ala lakadadaek o soona, dalem-ma boso ba'ihana.

YEREMIA 31:33

Hehelu-balatak beuk-ka nde ia fo neukose Au taon neu hataholi Israel-la: Neukose Au tao Au hoholo-lalaneng nai sila dale bobongoanan-nala dalek ma Au sulak-kana neu sila dalen-nala. Neukose Au da'di sila Manetualain-na, ma neukose sila da'di Au anang-ngala.

LUKAS 2:51

Basa boema Yesus fali sama-sama nos leo Nazaret leu, ma Ana tunga duas paleta na. Inan pe'da basa dede'ak sila la, nai dalen dale.

LUKAS 8:15

Bini-ngges fo manatu'da lai dae maisi-mamina ka, nakasasama na nde hataholi fo namanene halak ndia, boema nape'dan nai dalek fo malole ma ndo sa dalek. Ala lakatatakak losa labuna-laboa.”

2 KORINTUS 3:3

Sila nde lita lae emi malupa susulak fo Kristus nde sula kana, fo Ana haituan tunga ami. Susulak ndia ta nanasulak ninik tinta fa, te nanasulak ninik Manetualain Dula Dalen fo maso'da ka; boeo ta sula kana nai batu lei lain fa, te nanasulak nai hataholi daebafa ka dale na.

ULANGAN 11:18

Mafandendelek ma taoafik neu paleta sila-la. Emi muse pe'da au dede'a-kokolang ia-la, nai emi dalem dale; em muse taon da'di leo ta'du-tana neu emi limam-ma, ma emi muse taon neu emi dedeim-ma, fo mafandendelek mahelen.

ULANGAN 11:20

Sulak-kana neu emi umam-ma diin-nala, ma neu emi lelesuinam-mala.

ULANGAN 32:46

nafa'da nae, “Taoafik neu basa paleta fo, fai ia, au fen neu emi ndia. Manoli emi anam-mala, nanolik sila-la, fo ela ala tao-no'i basa Manetualain hoholo-lalanen, no dalek-katematuan-nala.

KOLOSE 3:16

Ela leo bee na, Kristus nanolin fo henuk no baba'e-papala ka, ana susi leo emi dalem dale neu. Ela leo bee na, esa nanoli esa, ma esa nanoli-nafa'da esa no dudu'a-aafi matetu-mandaak. Makamee nakamee Mazmur, ma kokoa-kikiok, boema makamee hataholi kamahehele kala nakamee nala; makamee soaneu Manetualain ma moke makasi neun nai emi dalem dale.

2 YOHANIS 1:2

Nanahu Manetualain leo nai ita dalen dale, ma no nahele ita losa dodoo na.