ULANGAN 6:5 - Susula Malalaok Hehelu Palak Ma Hehelu Beuk

⁵ Sue-lai emi Manetualaim-ma no emi dalek-katematuam-ma: Matu'du emi susue-lalaim ndia, nai emi heo-hilum-ma dalek, ma nai emi tatao-nono'i ma dalek.

ULANGAN 6:5 ပူးပေါင်းရင်းမြစ်များ

1RAJA-RAJA 3:3

Salomo sue-lai Manetualain ma ana tunga aman natutu'du nala, tehu ana bei do'do bana ma ana tunu-hotu boomenik nai pupukuk-kalalain manai mamana mata-matak-kala.

2RAJA-RAJA 23:25

Beita hapu manek sama leo Manek Yosia fa, fo no dale katematuan-na, ana fe so'dan-na neu Manetualain, de natu'dun nai heheo-hihilun, ma tatao-nono'in-na dalek, nandaa no basa hoholo-lalanek manai Musa Susulan-na dalek. Basa Mane Yosia tepo-lelen boema, ta hapu seluk manek, fo sama-na leondiak fa.

2TAWARIKH 15:12

Ala tao hehelu-balataak neu Manetualain lae no dale katematuak ma sila aopaa samanen, neukose laso'da tunga Amak, fo sila bei-ba'i kain-nala Manetualain-na.

MAZMUR 119:2

Maua-manalek ba'eneu hataholi fo, ana tunga paletan-nala, ma no dale katematuak, ana sanga enok, fo nalelak Manetualain.

MAZMUR 31:24

Hai basa Manetualain, anan-nala lemin, sue-lai Manetualain, nana Manetualain nasulu-nahapa hataholi manalilinekak-ka. Tehu Ana ta dudu'a-dodoo ba'u-ba'uk, soaneu Ana huku hataholi manakoao-ndaeaok-ka.

MATEOS 10:37

Hataholi mana sue-lai aman do inan lena heni Au, soona hataholi ndia ta nandaa da'di Au ana mana tungang fa. Leondiak boe, ba'eneu hataholi fo ana sue ana toun do ana inan lena heni Au a.

MATEOS 22:37

Boema Yesus nataa nae, “Sue-lai o Manetualaim no o dale katema tua ma, no basa o ao paa samanem, ma no basa o dudu'a-aafim.

MARKUS 12:30

Sue-lai emi Lamatuam Manetualaim ninik emi dale katematua ma, ninik basa emi ao paa samanem, ninik basa emi dudu'a-aafim, ma ninik basa emi be'i-balakaim lala'ena.’

MARKUS 12:33

Hu ndia de, hataholi daebafa ka muse sue-lai Manetualain ninik dale katematua na, ma ninik basa dudu'a-aafin ma ninik basa be'ibalakain lala'ena. Ma ana muse sue-lai nonoo hataholi na sama leo ana sue-lai aoina na boe. Ndia nde malole lenak neme fe tutunu-hohotu bana manu ma tutunu-hohotu fe'ek neu Manetualai na.”

LUKAS 10:27

Hataholi ndia nataa nae, “ ‘Sue-lai o Lamatuam Manetualain, ninik o dale katematua ma, ninik basa o samane ma la'iesa kana, ninik basa o be'i-balakaim, ma ninik basa o dudu'a-aafim lala'ena,’ ma ‘Sue-lai o nonoo hataholi ma, sama na leo o sue-lai o aoina ma.’ ”

ULANGAN 10:12

“Besak ia tolano-tolanoong-ngala lemin, taoafik neu hata fo, emi Manetualaim-ma noken neme emi mai fo nde: Fe ha'da-holomata neu emi Manetualaim-ma, ma tao-no'i basa paletan-nala lala'en-na. Sue-lain ma makaluku-makatele neun, neni basa emi ao paa samanem lala'en-na.

ULANGAN 11:1

“Sue-lai emi Manetualain-ma, ma tunga paletan lala'en-na, tataas esa.

ULANGAN 11:13

Da'di, tunga la'iesak paleta fo faik ia, au anduku-alaosak-kana neu emi; sue-lai emi Manetualaim-ma, ma makaluku-makatele neun, nenik basa emi ao paa samanem lala'en-na.

ULANGAN 13:3

boso taoafik neun. Nana emi Manetualaim-ma pake hataholi ndia, fo Ana mete, ade te'e-te'e, emi sue-lai Manetualain no emi dalek katematuam-ma do ta.

ULANGAN 13:4

Hataholi matak leondiak-ka, muse hukunisan, nanahu ana nau taon-na emi, matofa-matalak meme enok fo, emi Manetualaim-ma paletan neu emi. Hataholi ndia nde been-na, hataholi mangalauk, nanahu ana nadenu emi, lena-la'ban emi Manetualaim-ma fo, manasoi-po'i emi meme Masir mai, mamanak fo emi da'di ata. Da'di, muse tao nisa hataholi ndia, fo ela mopo tatao-nono'i mangalauk ndia. Tehu, ela leo been-na, emi tunga emi Manetualaim-ma, ma fe ha'da-hoholomata neun; tungan ma tao-no'i basa paletan-nala lala'en-na. Lilineka mahele, ma mamahele neun.

ULANGAN 19:9

emi muse hele seluk kota nasulu aok telu (Neukose Ana fe nusak ndia leo emi neu, metema emi tunga basa hata lala'en fo au paletan neu emi nai faik ia, ma metema emi sue-lai emi Manetualaim-ma, fo maso'da tunga nanolin-nala.)

ULANGAN 30:10

Tehu, emi muse tunga emi Manetualaim-ma, ma tunga basa hoholo-lalanen fo, nanasulak nai susulak ia dalek, fo Manetualain susula Hoholo-lalanen-na. Emi muse fali leo Manetualain mai, no emi dalek-katematuam-ma.

ULANGAN 30:16

Faik ia, au paleta emi, fo sue-lai emi Manetualaim-ma, ma tungan, boema tao-no i basa hoholo-lalanen ma paletan lala'en-na, fo ela emi maso'da no tetu-temak, ma emi da'di leoina matuaina. Neukose, emi Manetualaim-ma fe emi baba'e-papalak nai nusak fo, ta dook-ka so'on te, emi mangatuu-man ndia.

ULANGAN 30:20

Sue-lai emi Manetualaim-ma, ma tungan leona, ma lilineka neun. Soona, emi ma emi tititi-nonosim, neukose laso'da ma teu naluk nai nusak fo, Manetualain helu basan neu emi bei-ba'i kaim Abraham, Isak ma Yakob.”

ULANGAN 30:6

Neukose Ana tao nabebeu emi dalem-ma, nalosa emi sue-lai emi Manetualaim-ma no emi dalek-katematuam-ma, ma emi leo mahele meme nusak ndia.

ULANGAN 4:29

Boema, neukose emi sanga emi Manetualaim-ma, fo metema emi sangan no emi dale katematuam-ma soona, neukose emi hapun.

YOSUA 22:5

Ma manea leona, fo ela emi tunga Musa fe emi hoholo-lalanek-kala, fo nde: Sue-lai emi Manetualaim-ma, tunga hihii-nanaun, tunga paletan-nala, lilineka neun, ma hule-haladoi neun no emi dale katema tuam-ma, ma no basa emi aopaa-samanem lala'en-na.”

1 YOHANIS 5:3

Nana metema o sue-lai Manetualain soona, o muse tunga paleta nala. Nana paleta nala ta mabela fa.