ULANGAN 6:3 - Susula Malalaok Hehelu Palak Ma Hehelu Beuk

³ Hu ndia de, mamanene leon, tolano-tolanoong-ngala lemin, fo tao-no'i basa sila-la no lilinekak, fo ela emi hapu tetu-temak, ma emi da'di leoina matuaina, nai nusak fo kamasu'ik ma maoe-maisi ndia, sama leo ita bei-ba'i kain-nala Manetualain helu basan so.

ULANGAN 6:3 ပူးပေါင်းရင်းမြစ်များ

KEJADIAN 12:2

Neukose, Au fe o tititi-nonosik makadotok, fo neukose, ala da'di leoina matuaina. Neukose, Au ba'e-pala o, ma Au fe o na'dem-ma nanakoa-nanakiok, nalosa neukose, o da'di baba'e-papalak.

KEJADIAN 13:16

Neukose, Au fe o tititi-nonosik makadotok nanseli, nalosa ta hapu hataholi esa boen, hapu leke-nala fas. Sama leo hataholi-a, ta hapu leke-nala daesopuk manai dae-a fa, leondiak boe, o tititi-nonosim, neukose ta hapu leke-nala fas.

KEJADIAN 15:5

Manetualain no Abram leo deak leu, boema nafa'dan nae, “Mete leo lalai neu, fo so'ba leke nduuk-kala; neukose o hapu tititi-nonosik de'u nduuk sila-la.”

KEJADIAN 22:17

Neukose, Au ba'e-pala o nenik baba'e-papalak manasasi kao-kaok-ka, ma Au fe o tititi-nonosim de'u nduuk manai lalai-a, ma solokaek manai tasi su'un-na. Neukose, o upu-anam sengi musun-nala.

KEJADIAN 26:4

Neukose Au fe upu anak dede'un-na leo nduuk manai lalai-a, ma neukose Au fes nusak ia lala'en-na. Basa leoina manai daebafak-ka, ala dokodoe neu Au fo ela Au fes baba'e-papalak sama leo Au ba'e-pala basa o tititi-nonosim so.

KEJADIAN 28:14

Neukose o tititi-nonosim, de'u afu manai daebafak-ka. Neukose, ala tao lamaloa sila nusan-na, leo boboak lala'en-na neu, ma neukose Au ba'e-pala basa leoina manai daebafak-ka.

MAZMUR 119:4

O fe ami, O hoholo-lalanem, ou Manetualain, fo ela ami makalala'ok-kana, no lilinekak.

KELUARAN 1:7

Tehu sila tititi-nonosin fo nde hataholi Israel-la, bongi upu-anak makadotok, de lamade'u no lai-laik nanseli, nalosa ala tao lahenu nusa Masir-ra.

KELUARAN 3:17

Ma Au aketu basa, soaneu Au os kalua leme Masir, fo mamanak sila nanatuni-ndenik, boema Au os leo nusak esa kamasu'ik ma nalole, fo nde leoina Kanaan, leoina Het, Amori, Feris, Hewi ma Yebus nusan-na.

KELUARAN 3:6

Au ia, o bei-ba'i kaim Abraham, Isak ma Yakob Manetualain-na.” Boema Musa ko'o ketu matan-na, nana ana bii mete Manetualain.

KELUARAN 3:8

Hu ndia de, Au kona u, fo soi-po'is leme hataholi Masir-ra liman mai, fo Au os kalua leme nusak ndia mai, leo nusa maloaina esa neu. Daen-na kamasu'ik ma nalole, de besak ia, leoina Kanaan, leoina Het, Amori, Feris, Hewi ma Yebus ala leo lai nusak ndia.

PENGKHOTBAH 8:12

Leomae hataholi masala-masingok esa, ana tao tatao-nono'i mangalauk natun esa, tehu naso'da nahele, nakalenak teun-na manalu. Hataholi-la lafa'da lae, see tunga Manetualain soona, tao leo bee-o, so'dan-na mu'da-mu'dak mesan.

YESAYA 3:10

Manetualain nafa'da nae, “Mafa'da hataholi manatunga Au-a, mae neukose sila laua-lanale ma laso'da. Neukose sila hapu la'a-pake lita, sila sosota-mamangun buna-boan.

YEREMIA 7:23

Ka'da Au paletas, fo ala tunga Au, fo ela Au da'di sila Manetualain, ma sila da'di Au anang. Au adenus, fo laso'da tunga Au paletang-ngala, fo ela laua-lanale.

HATAHOLI 7:17

Lelek Manetualain fai na deka, fo Ana tao natetu hehelu-balataan no Abraham te, ita leoinan manai Masi ra, lamade'u-lamba'u so.

ULANGAN 11:9

Ma neukose, emi maso'da mala dook-ka, nai nusa kamasu'ik ma maoe-maisik fo, Manetualain helu basa, Ana fen leo emi bei-ba'i kaima-mala no tititi-nonosin-nala neu.

ULANGAN 26:15

Neme O mamana malalao-malalafum manai nusa so'dak-ka, o makanae ma O ba'e-pala O anam Israel; boeo O fe baba'e-papalak neu O fe ami nusak fo kamasu'ik ma maoe-maisik ndia, nandaa no O hehelu-balataam neu, ami bei-ba'i kaim-mala.’ ”

ULANGAN 26:9

Basa boema, O moo ami leo ia mai, de O fe ami dae kamasu'ik ma maoe-maisik ia.

ULANGAN 27:3

Sulak la'iesak hoholo-lalanek ia-la, de'ek esa-esa neu batu sila. Metema, emi masok nusa kamasu'ik ma maoe-maisik fo, emi Manetualaim-ma helu basan neu emi bei-ba'i kaim-mala,

ULANGAN 31:20

Neukose, Au oos leo nusak fo, kamasu'ik ma maoe-maisik-ka, sama leo Au helu basan neu sila bein-na'i kain-nala so. Neukose, ala laso'da no namahokok nai ndia, ma ala hapu basa nana'a-nininuk fo ala paluu-ka. Tehu, neu fai makabuin, te neukose ala fali deak, fo ala sene-do'ok neu lamatua daebafak fe'ek-kala. Neukose, ala ta sipok Au fa, ma lafandeleheni Au hehelu-balataang,

ULANGAN 4:40

Tunga la'iesak hoholo-lalanek fo au fen neu emi nai faik ia, soona emi ma emi tititi-nonosim neukose maso'da no tetu-temak, ma emi maso'da makandoo nai emi Manetualaim-ma fe emi nusak-ka losa dodoon-na.”

ULANGAN 4:6

Tao-no'i basa sila-la no lilinekak. Metema emi taon leondiak soona, leoina fe'ek-kala lita emi manatee-tenom-ma. Metema lamanene la'eneu hoholo-lalanek sila-la soona, neukose lafa'da lae, ‘Leoina matuaina ndia manatee-tenon-na, ma dodole da'u-na ba'un-na seli!’

ULANGAN 8:8

Nusak ndia, ana fe buna-boa mata-matak-kala, fo nde gandum, angol, kaa boak, dalima boak, ai setun ma fanioe.