ULANGAN 6:2 - Susula Malalaok Hehelu Palak Ma Hehelu Beuk

² Ela leo been-na, emi ma emi tititi-nonosim-mala, nai emi fai maso'dam-ma dalek, fe ha'da-holomata neu emi Manetualaim-ma, ma tunga basa au fe emi hoholo-lalanan-nala, fo ela emi hapu fai nalu-le'do loak nai nusak ndia.

ULANGAN 6:2 ပူးပေါင်းရင်းမြစ်များ

KEJADIAN 18:19

Au hele basa ndia so, fo ela ana paleta anan-nala, fo ala tunga Au, ma ala tao hata fo malole, ma tunga ndoos ma matetuk-ka. Metema ala tao tunga ndia soona, neukose Au tao atetu Au hehelu-balataang neu Abraham-ma.”

KEJADIAN 22:12

Manetualain kokolak tunga ata nusa so'dak ndia nae, “Boso tao mahe'di ni'iana ndia, do taon le'e esa boen. Besak ia, Au bubuluk, o fe ha'da-holomata, ma o tunga Au, nanahu, o nau fe o ana kisam-ma neu Au.”

1RAJA-RAJA 8:40

fo ela O ana mala tunga O tataas esa nai lelek ala leo nai nusak fo O fen neu ami bei ba'i kai mala.

AYUB 28:28

Manetualain nafa'da hataholi daebafak-ka nae, “Soaneu hapu manatee-enok-ka, emi muse fe ha'da-holomata neu Manetualain. Soaneu hapu dudu'a manadaik-ka, emi muse dook-ka meme tatao-nono'i mangalauk-ka mai.”

MAZMUR 111:10

Ba'eneu see fo, ana hii da'di manatee-tenok soona, muse ana fe ha'da-holomata neu Manetualain, Ana fe malelak-ka neu basa hataholi manatunga paletan-na. Kokoa-kikiok ba'eneu Manetualain, neme tepo lelek leo tepo lelek neu!

MAZMUR 128:1

Nakamee dodonge-dadamak. Maua-manalek ba'eneu hataholi kamahehelek-ka, ma hataholi fo, naso'da tunga Manetualain paletan-na.

MAZMUR 91:16

Neukose Au fen namahokok nenik teu manalu, ma Au soi-tefa-alan.”

KELUARAN 20:12

Fe ha'da-holomata neu emi amam ma emi inam, fo ela emi tetu-temak, ma teu manalu nai nusak fo Au fen neu emi-a.

KELUARAN 20:20

Musa nataa nae, “Boso bii-mamata'u. Manetualain mai fo ka'da so'ba-sudi emi, fo ela emi tunga mahelen, ma ta tao sala-singok fa.”

AMSAL 16:6

Hataholi manalilinekak neu Manetualain-na, neukose ana hapu do'o do ampon; ma hataholi kamahehelek-ka, neukose nadook aoinan-na neme tatao-nono'i mangalauk lala'en-na mai.

AMSAL 3:16

Manatee-tenok-ka, ana fe o teu naluk, su'i-betes ma ha'da-holomata.

AMSAL 9:11

Manatee-tenok-ka ana fe o teu fai manalu.

PENGKHOTBAH 12:13

Au tai-dodoo basa sila-la boema, au hapu dede'a keke'un-na nde ia. Bii-namata'u Manetualain, ma tunga la'iesak paletan lala'en-na, nana ka'da soaneu dede'ak ndia nde Manetualain nakadada'dik hataholi daebafak-ka.

YEREMIA 32:39

Neukose Au fe sila dudu'ak ka'da esa fo nde, fe ha'da-holomata neu Au neme dodoon losa dodoon-na; dede'ak ndia neukose neni malole ba'eneu sila aopaan-na, ma ba'eneu sila tititi-nonosin.

YESKIAL 20:19

Au nde Manetualain, fo emi Manetualain-na. Tunga Au hoholo-lalaneng, ma Au paletang-ngala.

LUKAS 12:5

Malole na Au atu'du fe emi, see ka nde emi muse emi bii-mamata'u nana. Bii-mamata'u leona neu Manetualain! Nana Ana ho'i basa ani haha'e ka soona, nanuu koasa boe, soaneu tapa emi leo tasi ha'ik dale neu. Te'e-te'e Ndia nde muse emi bii-mamata'u nana!

ULANGAN 10:20

Fe ha'da-holomata neu emi Manetualaim-ma, ma makaluku-makatele neu ka'da Ndia mesak-kana. Ela leo been-na, emi lilineka mahele neun, ma emi soo-supa menik ka'da Ndia na'den-na mesak-kana.

ULANGAN 11:9

Ma neukose, emi maso'da mala dook-ka, nai nusa kamasu'ik ma maoe-maisik fo, Manetualain helu basa, Ana fen leo emi bei-ba'i kaima-mala no tititi-nonosin-nala neu.

ULANGAN 13:4

Hataholi matak leondiak-ka, muse hukunisan, nanahu ana nau taon-na emi, matofa-matalak meme enok fo, emi Manetualaim-ma paletan neu emi. Hataholi ndia nde been-na, hataholi mangalauk, nanahu ana nadenu emi, lena-la'ban emi Manetualaim-ma fo, manasoi-po'i emi meme Masir mai, mamanak fo emi da'di ata. Da'di, muse tao nisa hataholi ndia, fo ela mopo tatao-nono'i mangalauk ndia. Tehu, ela leo been-na, emi tunga emi Manetualaim-ma, ma fe ha'da-hoholomata neun; tungan ma tao-no'i basa paletan-nala lala'en-na. Lilineka mahele, ma mamahele neun.

ULANGAN 15:5

sa'di emi mamanene matalolole emi Manetualaim-ma halan-na, ma tao-no'i nasa paleta fo faik ia, au anduku-alosak-kana neu emi.

ULANGAN 22:7

Emi bole ho'i-ma, manupui anak sila-la, tehu inan-na soona, nemen-na fo, ana laa, fo ela boso mate manupuiina, fo naso'da no tetu-temak.

ULANGAN 30:19

Besak ia, emi bole hele, maso'dak-ka, do mamates-sa, Manetualain baba'e-papalan, do sosoo-susupan. Au aloo lalai-a ma daebafak-ka, fo ala da'di sakasii neu emi nakeketum-ma. Hele maso'dak-ka leona.

ULANGAN 30:20

Sue-lai emi Manetualaim-ma, ma tungan leona, ma lilineka neun. Soona, emi ma emi tititi-nonosim, neukose laso'da ma teu naluk nai nusak fo, Manetualain helu basan neu emi bei-ba'i kaim Abraham, Isak ma Yakob.”

ULANGAN 4:10

la'eneu faik ndia, fo nai lelek emi mapadeik meme emi Manetualaim-ma matan neme Letek Sinai-a. Nai lelek ndia, nafa'da au nae, ‘Maloo makabubua leoina ndia. Nana Au ahiik lamanene hata fo Au sanga anduku-alosak-kana, fo ela lanoli tunga neu Au, nai sila fai maso'dan-na dalek, ma fo ela lanoli anan-nala fo ala tunga Au.’

ULANGAN 4:40

Tunga la'iesak hoholo-lalanek fo au fen neu emi nai faik ia, soona emi ma emi tititi-nonosim neukose maso'da no tetu-temak, ma emi maso'da makandoo nai emi Manetualaim-ma fe emi nusak-ka losa dodoon-na.”

ULANGAN 4:9

Taoafik ma mafandendelek matalolole, fo ela nai emi fai maso'dam-ma dalek, emi ta mafandele heni hata fo emi mita matam so. Tui emi upu-anam-mala,

ULANGAN 5:16

Fe ha'da-holomata neu emi amam ma emi inam, fo ela emi hapu tetu-temak ma teu manalun-nai emi Manetualaim-ma fe emi nusak-ka.

ULANGAN 5:33

Tao-no'i basa hata fo emi Manetualaim-ma paletan neu emi, fo ela emi so'dam-ma tetu-temak, fo emi hapu leo mahele nai nusak fo neukose emi leo nai dalek ndia.”

ULANGAN 6:1

“Emi Manetualaim-ma, nadenu au fo, au anoli emi basa hoholo-lalanek ia'la, fo ela emi tao-no'in nai nusak fo, ta dook-ka so'on te, emi leon ndia.

ULANGAN 6:24

Ita Manetualain, nadenu ita tao basa paleta sila-la, ma fe ha'da-holomata neun. Metema, ita tao tungan leondiak soona, neukose Ana nakaboboi ita leoinan tataas esa, fo ela ita taso'da no tetu-temak tahele.

ULANGAN 6:7

Manoli paleta sila-la neu emi anam-mala. Ela leo been-na, emi kokolak paleta sila-la, nai uma dale, ma nai emi nono hataholim-ma tala'da, nai lelek emi hahaeaom, ma nai lelek emi maue-male'di.

YOSUA 4:24

fo ela basa hataholi manai daebafak-ka bubuluk, Manetualain koasan-na ba'un-na seli. Ma no enok ndia boe, neukose emi fe ha'da-holomata neu emi Manetualaim-ma, losa dodoon-na.”

1 PETRUS 1:17

Emi maloo Manetualain ndia mae Amak, nai lelek fo emi hule-haladoi neun. Na, Manetualain ndia nde naketu-nala'di hataholi daebafa ka, nandaa no esa-esak tatao-nono'in, nana Manetualain ta metematak fa. Hu ndia de, nai lelek fo emi bei maso'da nai daebafak ia, ela leo bee na, emi mamatutua-mamadedema Manetualain, nai emi maso'da ma dalek.