ULANGAN 6:18 - Susula Malalaok Hehelu Palak Ma Hehelu Beuk

¹⁸ Tao hata fo, tunga Manetualain mata memeten-na, malole ma ndos ma matetuk, soona neukose emi hapu tetu-temak. Dae maoe-maisi fo, Manetualain helu basan neu emi bei-ba'i kaim-mala, neukose ana da'di emi pusakam,

ULANGAN 6:18 ပူးပေါင်းရင်းမြစ်များ

MAZMUR 19:11

Manetualain hoholo-lalanen, belin-na lena heni lilopilas isik-ka makeen-na lena heni fanioe isik-ka.

KELUARAN 15:26

Manetualain nae, “Tunga Au no te'e-te'ek, ma tao hata fo Au meten malole; tunga la'iesak Au paletang-ngala. Metema emi tao tungan leondiak soona, neukose Au ta huku emi nenik he'di-laus fo Au fen neu hataholi Masir-ra. Au nde Manetualain, fo manatao nalea-nahai emi-a.”

YESAYA 3:10

Manetualain nafa'da nae, “Mafa'da hataholi manatunga Au-a, mae neukose sila laua-lanale ma laso'da. Neukose sila hapu la'a-pake lita, sila sosota-mamangun buna-boan.

YESAYA 38:3

“Manetualain, mafandendelek te, au ia, alalau-aoono basa O no lilinekak ma no dale ndoos so. Au sanga enok tataas esa, fo tunga O hihii-nanaum.” Boema, Hizkia kii no dale he'dik.

YESKIAL 18:19

Tehu, fafa'kama hapu hataholi natane nae, tao le'e de, ni'iana ndia ta lu'a-lepa fali aman, sala-singon-nala fa. Natataa-na nae, hu kande, ni'iana ndia malole, ma ana tao tunga ndoon-na. Ana tunga Au hoholo-lalaneng, ma ana taon no dale katematuan-na, de naso'da nahele.

YESKIAL 18:21

Metema, hataholi mangalauk esa, ana ta tao sala-singok so'on, fo ana mulai tunga Au hoholo-lalaneng, boema ana tao tatao-nono'i malole ma tatao-nono'i ndoos soona, neukose ta mate fan.

YESKIAL 18:27

Tehu metema, hataholi manatao tatao-nono'i mangalauk-ka, ana ta tao sala-singok so'on, te ana mulai tao tatao-nono'i ndoos ma malole soona, neukose samanen-na naso'da.

YESKIAL 18:5

Metema hataholi esa nde been-na, hataholi ndoos, ana tao tunga matetun-na, ma dalen-na ndoos.

YESKIAL 33:14

Bole da'di, Au fe basa hataholi masala-masingok-ka nasanene'dak, ae neukose maten. Tehu metema, ana hahae tao sala-singok, fo ana mulai tao tatao-nono'i malole ma ndoos sama leo, ana fe falik hataholi bua nggangga'den-na, do namanako-na bua-lo'as-sala, boema ana tunga hoholo-lalanek fo maneni maso'dak-ka, soona neukose ta mate fan.

YESKIAL 33:16

Neukose Au ta afandele, ana tao sala-singok-kala so'on, de neukose naso'da, hu kande ana tao hata fo ndoos ma malole.

YESKIAL 33:19

Metema hataholi manatao tatao-nono'i mangalauk-ka, ana hahae tao sala-singok, fo ana mulai tao tatao-nono'i malole ma ndoos soona, neukose naso'da, hu kande tatao-nono'in ndia.

HOSEA 14:9

Hataholi Israel-la neukose tu'u-tapa heni dodoki-dudula sosongon-na, Au akabobois ma Au sipok huhule-haladoin-nala. Sama leo ai fo doon-na makadotok tataas esa, Neukose Au asulu-ahapas. Au nde ai huuk neme sila baba'e-papalan lala'en-na. Au, Manetualain nde manakokolak-ka.”

YOHANIS 8:29

Boema Ndia fo manamadenu Au a, no nahele Au. Ana ta po'ilotak Au mesa nga fa, nanahu Au tatao-nono'ing nandaa no dale na tataas esa.”

ROMA 12:2

Boso tunga daebafak ia, ha'da-tataon. Neme na fo Manetualain tao na emi ha'da paliin da'di beuk, fo ela emi tukatei-saledale. No enok ndia, besa ka emi malelak matalolole Manetualain hihii-nanaun, fo nde, bee ka nde malole ma bee ka nde nandaa no dale na ma matetu-mandaa ka.

ULANGAN 12:25

Metema, emi tunga paleta sila-la soona, neukose Manetualain namahoko, de emi moo emi tititi-nonosim-mala, neukose maso'da no tetu-temak.

ULANGAN 12:28

Metema emi taoafik matalolole neu basa hata lala'en fo, au paletan neu emi, soona emi tao tatao-nono'i malole fo nandaa no emi Manetualaim-ma dalen-na, nalosa emi moo emi tititi-nonosim-mala, so'da-molek ma tetu-temak, losa dodoon-na.”

ULANGAN 13:18

sa'di emi tunga basa paletan fo, au anduku-alosak-kana neu emi, nai faik ia dalen-na, ma tao tunga basa hihii-nanaun lala'en-na.”

ULANGAN 4:40

Tunga la'iesak hoholo-lalanek fo au fen neu emi nai faik ia, soona emi ma emi tititi-nonosim neukose maso'da no tetu-temak, ma emi maso'da makandoo nai emi Manetualaim-ma fe emi nusak-ka losa dodoon-na.”

ULANGAN 5:29

So'ba metema sila lanuu dudu'a leondiak nahele! So'ba metema ala fe ha'da holomata tataas esa neu Au, ma ala tunga la'iesak Au paletang-ngala soona, sila ma sila tititi-nonosin laso'da no tetu-temak losa dodoon-na!

ULANGAN 5:33

Tao-no'i basa hata fo emi Manetualaim-ma paletan neu emi, fo ela emi so'dam-ma tetu-temak, fo emi hapu leo mahele nai nusak fo neukose emi leo nai dalek ndia.”

ULANGAN 6:10

“Emi Manetualaim-ma, naheluk no emi bei-ba'i kaim Abraham, Isak ma Yakob, nae neukose, Ana fe nusak ndia leo emi neu. Kota-kota-nala matuaina, ma tetu-temak mesa-mesan, tehu emi ta nde mapadedeik kota sila-la fa.

ULANGAN 6:19

ma neukose emi usiheni emi musum-mala, sama leo Manetualain hala hehelun-na.

ULANGAN 8:11

“Manea matalolole, fo boso nalosak emi mafandele heni, emi Manetualaim-ma; ho'u la'iesak hoholo-lalanen fo au fen neu emi, nai faik ia dalen-na.