ULANGAN 6:14 - Susula Malalaok Hehelu Palak Ma Hehelu Beuk

¹⁴ Boso sene-do'ok neu lamatua fe'ek, fo leoina manaleo nai emi titia-tataim-mala, ala sene-do'ok-ka.

ULANGAN 6:14 ပူးပေါင်းရင်းမြစ်များ

YEREMIA 25:6

Nabi sila-la kena-ka'i emi boso sene-do'ok ma hule-haladoi neu lamatua daebafak fe'ek-kala. Ala kena-ka'i emi boso sene-do'ok neu sosongok-tatangok fo emi taom-mala sila, nana dede'ak sila-la tao-la Manetualain namanasa. Metema emi tao tunga Manetualain paletan sila soona, Ana ta huku emi fa.

1 YOHANIS 5:21

Ana ngala lemin! Madook ao ina mala neme sosongo-tatango kala mai.

ULANGAN 8:19

Boso mafandele heni, emi Manetualaim-ma, ma boso fali deak leo lamatua daebafak fe'ek-kala meu, boema emi sene-do'ok ma mahele neun. Faik ia, au fe emi nasanene'dak, ae metema emi mafandele henin, fo emi taon soona, tao leo bee-o, Manetualain tao namate-namopo emi.

ULANGAN 11:28

Tehu neukose, emi nanasoo-supak, metema emi ta tunga emi Manetualaim-ma paletan-nala fa, tehu emi lepos masafali fo, emi sene-do'ok neu lamatua daebafak fe'ek, fo beita la'iesa boen, emi sene-do'ok neu fas.

KELUARAN 20:3

Boso sene-do'ok neu lamatua fe'ek. Te sene-do'ok ka'da neu Au.

MAZMUR 44:20

Tehu O la'oela ami, nai makiu-makahatuk dale; ami be'i-balakaim ta, nai bana makaa-makisuk-kala tala'da.

YEREMIA 7:6

Boso boe tuni-ndeni hataholi nusa dea, ni'iana kisa-anamaak ma faluina-la. Boso taomisa hataholi sala taak-ka, nai nusak ia. Boso sene-do'ok neu lamatua daebafak fe'ek-kala, nana dede'ak ndia, neukose tao namopo-namate emi.

YEREMIA 35:15

Au adenu laiesak Au atang-ngala ma basa nabi-la neu emi tatas es, fo ala nasiat emi soaneu tao mahii emi ha'da-tataom-mala, ma bosobai tao mangalauk ba'in. Ala fe emi nasanene'dak fo boso sene-do'ok neu lamatua daebafak fe'ek ma boso makaluku-makatele neu sila, fo ela emi leo mahele nai nusak ia, fo Au fe basan neu emi bei ba'ikai manamatem-mala. Tehu emi ta nau tao afik ma ta nau mamanene neu Au fa.

ULANGAN 5:7

Boso sene-do'ok neu lamatua daebafa fe'ek-kala. Sene-do'ok neu ka'da Au mesang-nga.

YOSUA 23:7

No enok ndia, neukose emi ta sese'do-babalik moo leoina fo ala bei leo lai emi tala'da fa. Neukose, emi ta seseik sila lamatua daebafan-nala na'den-na, do soo-supa menik na'dek ndia fa. Boeo emi ta hule-haladoi do sene-do'ok neu lamatua daebafak sila fa.

2RAJA-RAJA 17:35

Manetualain tao basa hehelu-balataak no hataholi Israel-la, nde ia nae, “Boso hule-haladoi neu lamatua fe'ek-kala; boso sene-do'ok neus, do malalau-maoonos, do fe tutunu-hohotuk neus.