ULANGAN 5:31 - Susula Malalaok Hehelu Palak Ma Hehelu Beuk

³¹ Tehu o, Musa, fali ma'im-ma fo leo moo Au meme ia; neukose Au fe Au hoholo-lalaneng ma Au paletang lala'en-na leo o neu. Manolis hoholo-lalanek ma paleta sila-la, fo ela ala tungan nai nusak fo Au fen neu sila.’

ULANGAN 5:31 ပူးပေါင်းရင်းမြစ်များ

2RAJA-RAJA 17:37

Tunga Au hoholo-lalaneng tataas esa, ma paleta-paleta fo Au sulak basan, soaneu emi so. Boso hule-haladoi neu lamatua fe'ek-kala,

KELUARAN 24:12

Basa boema, Manetualain nafa'da Musa nae, “Mai leo Au mai, nai letek lain. Nai ndia, neukose Au fe o batu dua, Au sulak basa Au hoholo-lalaneng-ngala nai dalek. Basa hoholo-lalanek sila-la, da'di nanolik ba'eneu leoina ndia.”

KELUARAN 24:18

Boema Musa kae nakandoo, losa ana masok leo ko'as ndia dalek neu. Musa leo neme ndia, lele'dok haahulu, le'odaek haahulu.

YESKIAL 20:11

Nai naa, Au fes Au paletang-ngala, ma Au anolis, Au hoholo-lalaneng fo, ala muse tungan, nana hataholi manatao tungan-na, neukose naso'da nahele.

MALEAKHI 4:4

Mafandendelek Au atang Musa nanolin-nala, mafandendelek hoholo-lalanek ma paleta-paleta fo Au fen neme Lete Sinai-a, soaneu basa hataholi Israel-la lala'en-na, tao tungan.

GALATIA 3:19

Metema leondiak soona, sosoak hata de, agama hoholo-lalanen nanafek mai? Natataa na nae, hoholo-lalanek ndia nanatamak, soaneu nafa'da hataholi daebafa ka la'olena na. Agama hoholo-lalanen ndia, nanapakek losa ka'da Abraham tititi-nonosin esa ana mai, fo nanaseseik nai Manetualain hala hehelun no Abraham ma, dalek. Agama hoholo-lalanen ndia, ata nusa so'da kala nde landuku-lalosa kana, fo hataholi esa da'di mana makalala'ok.

ULANGAN 11:1

“Sue-lai emi Manetualain-ma, ma tunga paletan lala'en-na, tataas esa.

ULANGAN 12:1

“Emi muse tunga hoholo-lalanek ia-la, nai emi fai maso'dam-ma dalek, nai nusak fo, emi bei ba'i kaim Manetualain-na, fen neu emi-a.

ULANGAN 3:18

Nai lelek ndia, au fes paleta nde ia: emi Manetualaim-ma fe emi dae manai Lee Yarden-na boboan dulu da'di emi mamana leleom-ma. Tehu emi solda'dum-mala, ala muse ho'u tafa-sisilo, fo ala lena lakahuluk leme leo Israel fe'e-fe'ek-kala leo selik leu.

ULANGAN 4:1

Boema Musa nafa'da leoina ndia nae, “Tunga basa hoholo-lalanek fo, au anolin neu emi, fo ela emi bole maso'da losa emi leo nai dae fo emi bei-ba'i kaim-mala Manetualain-na fen neu emi-a.

ULANGAN 4:45

Musa nakalala'ok paleta ndia ndek ala kalua leme Masir mai, de leme bafak manai Lee Yarden-na boboan dulu, fo nasasalematak no kota Bet-Peor-ra. Dae ndia nde been-na dae nangatuu palaak neme hataholi Amori-la manen-na na'de Sihon, fo nde makahulun-na ana paleta neme kota Hesybon-na. Musa no leoina Israel-la sengi manek ndia, nai lelek ala kalua leme Masir mai.

ULANGAN 4:5

Au anoli basa hoholo-lalanek sila-la neu emi, sama leo au Manetualaing-nga paletan neu au-a. Tunga basa sila-la nai nusak fo, neukose emi masok-kana, fo emi leon ndia.

ULANGAN 5:1

Musa naloo nakabubua basa leoina Israel-la lala'en-na, boema nafa'das nae, “Tolano-tolanoong-ngala lemin, Mamanene hoholo-lalanek fo au fen neu emi, nai faik ia. Manoli hoholo-lalanek sila-la, fo tungas no lilinekak.

ULANGAN 5:30

Besak ia muu leona, fo madenu leoina ndia fali ne'un leo sila esa-esak lalaa teman-na neu.

ULANGAN 6:1

“Emi Manetualaim-ma, nadenu au fo, au anoli emi basa hoholo-lalanek ia'la, fo ela emi tao-no'in nai nusak fo, ta dook-ka so'on te, emi leon ndia.