ULANGAN 5:23 - Susula Malalaok Hehelu Palak Ma Hehelu Beuk

²³ “Lelek fo letek ndia lala'en-na ana pila, ma emi mamanene halak-ka neme makahatuk dale mai boema, basa mane leo-la, ma basa lasi nggolok-kala, ala mai leo au mai.

ULANGAN 5:23 ပူးပေါင်းရင်းမြစ်များ

ULANGAN 18:16

Nai faik fo, emi makabubua meme Letek Sinai-a, emi dokodoe fo ela, emi boso boe mamanene emi Manetualaim-ma, Ana kokolak, ma emi boso boe, mitan nai ha'i manapila lo'aloak-ka dalek, nana emi bii mate emi.

ULANGAN 5:22

Nai lelek emi makabuba meme letek lain-na, Manetualain fe emi paleta-la nde sila. Nai lelek Ana kokolak no hala-na nanggunggulu neme ha'i dale, ma koas makate dale mai-a, Ana fe paleta-la nde ndia, te ta paleta fe'ek fa. Boema, Ana sulak-kana neu batu lei dua lain, de Ana fen leo au mai.”

ULANGAN 5:24

Lafa'da lae, ‘Manetualain fo ita Manetualain-na natu'du basa matua-mademan, ma mandela-masa'an, nai lelek ami mamanenen Ana kokolak neme ha'i dale mai. Faik ia dalen-na, ami mita matam mae Manetualain kokolak no hataholi daebafak-ka, tehu ta mate hataholi ndia fa.

ULANGAN 9:15

Boema lepos asadea, de au ko'o eni batu hehelu-balataa ka duak sila-la nenik au limang duas, boema au kona eme letek fo, manapila lo'a-lo'ak ndia lain mai.