ULANGAN 5:14 - Susula Malalaok Hehelu Palak Ma Hehelu Beuk

¹⁴ tehu fai ka hitun-na da'di neu fai hahaeaok fo fai hehelik ba'eneu Au, fo emi Manetualaim-ma, fo fai hahaeaok. Nai faik ndia dalen-na, ta bole tao-no'i hata esa boen, nau emi, do emi anam-mala, emi atam-mala, emi bana-manum, do hataholi manamai nai emi nusam dale. Emi atam-mala muse hahaeaon-nala, sama leo emi boe.

ULANGAN 5:14 ပူးပေါင်းရင်းမြစ်များ

KEJADIAN 2:2

Neu fai ka hitun-na, boema Manetualain tao nakababasak tatao-nono'in ndia, boema Ana hahaeaon-na.

NEHEMIA 13:15

Nai tepo-lelek ndia, au ita ae nai fai Sabat-ta, hataholi de'ubee nai Yehuda, ala ka'bi angol. Hapu nggelok seluk bai soona, ala fua gandum, angol, angol boak, kaa boak ma bua-lo'a fe'ek nai keledein-nala lain, de lenis leo Yerusalem neu. Au kena-ka'is fo boso lase'o nai Yerusalem.

NEHEMIA 13:16

Hataholi Tirus manaleo nai Yerusalem de'ubee, leni i'ak ma bua-lo'a nase'o-banasa mata-matak-kala leo Yerusalem neu la'e fai Sabat, fo lase'o fe hataholi Yahudi-la.

NEHEMIA 13:21

Au afa'das ae, “Palsuma la'i esak-kana, emi mahani nai ndia losa fafaik. Masanene'dak, te metema emi tao leondiak la'i esa seluk soona, neukose au ho'i huhuku mabela!” Mulai neme ndia mai, metema fai Sabat soona, ala ta mai so'on.

NEHEMIA 5:5

Ade ami ta hataholi Yahudi fa do? Ade ami anam-mala ta sama no hataholi Yahudi fe'ek-kala anan-nala fa do? Leomae leondiak boe, no nakasetik ami po'ilotak ami anam-mala da'di ata. Nakalenak ami mase'o heni ami anafe'oanam-mala fo da'di ata. Ami ta mala so'on, nanahu ami ngga'de heni ami tinam-ma, ma ami osi angol-la so.”

KELUARAN 23:12

Nai mamasok esa dalen-na, emi bole maue-male'di faik nee dalen-na, tehu neu fai ka hitun-na, emi muse hahaeaom, fo ela emi bana-manum, emi atam-mala ma hataholi nusa dea fo manamaue-male'di fe emi-a, ala hapu hahaeaon-nala boe.

IMAMAT 23:3

Hapu faik 6 soaneu naue-nale'di, tehu fai ka hitun-na, fai Sabat, de fai hahaeaok, fo faik ndia nanahele hehelik ba'eneu Manetualain. Nai faik ndia, emi muse makabubua, fo sene-do'ok, ma ta bole maue-male'di fa.

MARKUS 2:27

Boema Yesus kokolak seluk nae, “Fai Saba ta nanataok soaneu hataholi daebafa ka, te ta soaneu fai Saba ta fa.

LUKAS 23:56

Basa boema ala fali de ala sadia bunga-henasina ma mina kaboominik fo ala pisi neu Yesus popola na. Nai fai Saba ta ala hahae ue-le'dis, fo tao tunga agama hoholo-lalanen.

ULANGAN 5:13

Nai faik nee dalen-na, emi maue-male'di, ma emi tao-no'i basa emi tatao-nono'im lala'en-na,

IBRANI 4:4

Nana la'eneu fai kahitu a, hapun nanasulak nai Susula Malalaok dale nae leo ia, “Nai fai kahitu a, Manetualain hahae ao na neme basa tatao-nono'in lala'ena mai.”