ULANGAN 4:36 - Susula Malalaok Hehelu Palak Ma Hehelu Beuk

³⁶ Ana fe emi mamanene halan-na neme lalai mai, soaneu nanoli emi; Natu'du basa ha'i matuainan-na neu emi nai daebafak ia so, de ana kokolak no emi neme ha'i ndia dalek mai.

ULANGAN 4:36 ပူးပေါင်းရင်းမြစ်များ

NEHEMIA 9:13

O kona meme lalai mai, leo Lete Sinai lain, boema O kokolak moo O ana mesam-ma. O fes hoholo-lalanek, nakanenetek ma paleta fo ndoos ma matetuk ma masosoa-ndandaak.

KELUARAN 19:18

Ha'imasuk-ka potin-na la'iesak letek ndia, nanahu Manetualain kona nai letek lain, nai ha'i dale. Ha'imasuk ndia masu-masu, sama leo ha'imasuk-ka namasu neme la'o dale mai, de letek ndia nanggengo matuaina nanseli.

KELUARAN 19:19

Pupuuk-ka liin-na boetai napane'ek. Musa kokolak, ma Manetualain nataa nenik mangguluk-ka.

KELUARAN 24:16

Manetualain ndela-sa'an kona nai letek ndia lain, de hataholi Israel-la litan sama leo ha'i-a pila nai letek-ka poin-na. Faik nee dalen-na, ko'as-sa poti-na letek ndia, de neu fai ka hitun-na boema, Manetualain naloo Musa neme ko'as ndia dalek mai.

ULANGAN 4:12

Basa boema, Manetualain kokolak no emi, neme ha'i dale mai, de emi mamanene halan-na, tehu emi ta mita mata-panan leo beek fa.

ULANGAN 4:15

“Mafandendelek matalolole! Te nai lelek Manetualain kokolak no emi neme ha'i dale mai, fo neme Letek Sinai-a, emi ta mita hata esa boen.

ULANGAN 4:33

Hapu leoina fo naso'da nahele, nai lelek namanene lamatua daebafak esa, ana kokolak nos neme ha'i dale mai, sama leo emi la'o-la'dik-ka so do beik?

ULANGAN 8:5

Mafandendelek mae emi Manetualaim-ma, nanoli emi, sama leo amak esa, nanoli anan-nala.

IBRANI 12:18

Tolano-tolanoo kala ta masasale matak mo hata esa, sama leo leoina Israe la makahulu na lasasale matak lo nana. Ala lasasale matak lo hata esa, fo bisa nafaloen, fo nde Lete Sinai no ha'i mana pila lo'a-lo'a na; ala lasasale matak lo makahatu ka, makahatu nggeoina ma ani sangu a;

IBRANI 12:25

Hu ndia de, masanene'dak fo boso nalosak emi ta nau mamanene Ndia fo mana kokolak neu emi a. Sila fo ta nau lamanene Ndia fo mana maik leo daebafa ka mai, ma nanduku-nalosak halak maneme Manetualai na mai, ana ta bisa nalai fa. Mu'da hata no ita ia fo mana mamanene Ndia fo mana kokolak neme nusa so'da ka mai a. Metema ita ta nau tamanene fan soona, hapu nai bee ita bisa taladeak!