ULANGAN 4:31 - Susula Malalaok Hehelu Palak Ma Hehelu Beuk

³¹ Emi Manetualaim-ma nde been-na, Manetualain fo dale susue-lalain ba'un-na seli. Ana ta nau la'oela emi, do Ana tao namopo-namate emi, do nafandele heni hehelu-balataak fo Ana taon no emi bei-ba'i kaim-mala fa.

ULANGAN 4:31 ပူးပေါင်းရင်းမြစ်များ

1 TAWARIKH 28:20

Basa boema Dauk nafa'da seluk anamanen Salomo nae, “O muse mamahele ma mapalani. Mulai ho'u tatao-nono'ik ndia leona, ma boso bii neu hata esa boen. Manetualain fo au sene-do'ok-ka, neukose tulu-fali o. Neukose Ana ta la'oela o fa. Neukose nai o boboam-ma losa basa tatao-nono'ik ndia lala'en-na.

2TAWARIKH 30:9

Metema emi mamahele falik neu Manetualain soona, soona hataholi manafoo leni emi tolanoo ka'a-fa'dim-mala da'dileo hataholi nanafook-kala, neukose lanuu dale kasian fo ala fes loak fali ma'is. Emi Manetualaim-ma nde bee na Manetualain fo dale malole, ma nanuu dale kasian; de neukose Ana sipok emi metema emi fali ma'im.”

NEHEMIA 1:5

“Ou Manetualain Manetualain fo manakoasa nai nusa so'dak-ka. O, Manetualain fo Matuaina, de ami mai leo O matam no bibii-namata'uk. O lilineka mahele, ma O ho'u mahele O hehelu-balataam neu hataholi fo manasue-lai neu O, ma manatunga O paletam-ma.

NEHEMIA 9:31

Tehu, hu kande O susue-lalai matuainam-ma, de O ta la'o ela do tao makalulutuk-kasa fa. Memak, O nde Manetualain fo nakasasaman ta; O susue-lalaim ba'un-na seli, henuk no dale kasian!

MAZMUR 103:8

Nana Manetualain manasue-laik, Ana ta haelai namanasa, ma susue-lalain sasi kao-kao.

MAZMUR 105:8

Ana nafandele hehelu-balataan tataas esa, hehelu-balataan, nananakalala'ok losa dodoon-na.

MAZMUR 111:4

Manetualain ndia, manasue ma manalai, Ana tao tatao-nono'ik fo, dodoo doak-kana, fo ela ita tafandendelek tahelen.

MAZMUR 111:5

Ana fe hataholi kamahehelek-ka, nana'a-nininuk ma nafandele tataas esa, neu hehelu-balataan.

MAZMUR 111:9

Ana soi-po'i anan-nala, de Ana tao hehelu-balataak manaketu-basa tak nos. Ndia nde Manetualain fo malalao-malalafuk, ma makadelek!

MAZMUR 116:5

Manetualain ndia, manasue-manalai, ma ndoos ma matetuk; ita Manetualain, henuk no dale kasian.

MAZMUR 86:15

Tehu O, ou Amak, Manetualain fo manasue-manalai, ta haelai namanasa, henuk no susue-lalaik, ma manalilinekak.

MAZMUR 86:5

Ou Manetualain, O malole ma O nau fe do'o do ampon, hataholi manahule-haladoi neu O-a, O sue-lai mahelen nenik susue-lalaik fo, ana sasi kao-kao.

KELUARAN 6:8

Musa nanduku-nalosak basa Manetualain hala hehelun ndia neu leoina Israel-la, tehu ala ta taoafik neu Musa fa, nanahu tuni-ndenik fo ta nanuu susue-lalaik ndia, taon-nalas ketu namahehenan-nala so.

YEREMIA 14:21

Mafandele neu O hala hehelum-ma te O boso makadadaek ami; Ma O boso ka'i O hala-hehelum neu ami-a. O boso makadadaek Yerusalem fo O kandela manem-ma mamanan.

YEREMIA 30:11

Neukose Au mai, fo neukose Au soi-po'i emi. Leoina-leoina, fo mamanak Au tao tapasasala emik-ka, basas neukose Au tao amopo-amates, tehu Au ta tao emi tao leondiak fa. Tete'ek-ka neukose emi ta maladeak neme huhukuk-ka mai fa, tehu Au huhukung neu emi-a nde been-na ndos matetuk, ma nanda no nakeketun-na. Au, Manetualain, nde manakokolak-ka.”

IMAMAT 26:42

neukose Au afandele Au hehelu-balataang no Yakob, Isak ma Abraham. Neukose, Au tao abebeu Au hehelu-balataang, fo Au fe dae ndia neu Au leoinang-nga.

IMAMAT 26:44

Tehu, leomae sila bei lai musu nusan-na boeo, neukose Au ta la'oela fas, do Au tao amopo-amates makandondook fa. Nana metema Au tao amopo-amates soona, ndia sosoa-ndandaan nae Au tao ketu Au hehelu-balatang no sila, te se'kona Au ia Manetualain, fo sila Manetualain-na.

IMAMAT 26:45

Neukose, Au tao abebeu hehelu-balataak fo Au taon no sila bei-ba'i kain-nala, nai lelek Au atu'du Au koasang-nga neu basa leoina lala'en-na, nenik Au o Au anang-ngala kalua leme Masir mai, fo ela Au fo Manetualain, dadi sila Manetualain.”

YUNUS 4:2

Boema, ana hule-haladoi nae, “Ou Manetualain, ade makahulun-na au beita la'o eme au umang mai fa, au afa'da basa ae, tao leo bee o, neukose O tao leoiak hetu? Hu ndia de, au alai tutik leo Spanyol u! Au bubuluk basa, O Manetualain fo manasue ma manalai, ta haelai mamanasa, dale mangana'uk, ma O maheheleaom tataas esa, fo O dodoo masafali O dale tutu'um la'eneu huhukuk-ka.

MIKHA 7:18

Ta hapu Manetualain sama leo O fa, ou Manetualain, fo manafe do'o do ampon neu bei ela O hataholim nanahelek-kala, sala-singon. O ta mamanasas losa dodoon-na fa; nasafalin-na, O mamahoko matu'du O susue-lalaim fo too-lanen ta ndia.

BILANGAN 14:18

‘Au, fo Manetualain, ta haelai amanasa fa. Au atu'du Au susue-lalaing, ma Au lilinekang no ana sasi kao-kao. Au fe do'o do ampon neu hataholi masala-masingok-ka, ma manala'ban Au-a. Leomae leondiak boe, neukose Au balas ina-amak salan-na neu upu-anan-nala, losa bobongi ka telu ma ka haa.’

LUKAS 1:72

Soaneu natu'du dale malole na neu ita bei ba'ikai nala, de neukose Ana tao natetu hehelu-balataa malalaon ndia.

ULANGAN 31:6

Ela leo been-na, emi matetea-nahehele emi dalem-ma, ma mapalani! Boso biis, nana emi Manetualaim-ma nde, neukose tulu-fali emi. Neukose, Ana ta tao ba'ihana emi dalem-ma, ma Ana ta la'oela emi fa.”

ULANGAN 31:8

O manahela-nolem ma manatulu-falim nde Manetualain. Neukose, Ana ta tao ba'ihana o dalem-ma, ma Ana ta la'oela o fa. Hu ndia de, boso bii-mamata'u, ma dalem-ma boso ba'ihana.”

IBRANI 13:5

Boso fe doi ka koasa emi so'da ma, tehu ela leo bee na emi mamahoko neu hata fo emi manuu ka. Nana Manetualain nafa'da basa nae, “Neukose Au ta po'ilotak emi do la'oela emi fa.”

YOSUA 1:5

Ta hapu hataholi esa boen, neukose bisa sengi o fa Yosua, nai o fai maso'dam-ma dalek. Nana neukose Au nai o boboam-ma tataas esa, sama leo makahulun-na, Au nai Musa boboan-na. Neukose, Au ta la'oela o fa.