ULANGAN 4:29 - Susula Malalaok Hehelu Palak Ma Hehelu Beuk

²⁹ Boema, neukose emi sanga emi Manetualaim-ma, fo metema emi sangan no emi dale katematuam-ma soona, neukose emi hapun.

ULANGAN 4:29 ပူးပေါင်းရင်းမြစ်များ

2TAWARIKH 15:12

Ala tao hehelu-balataak neu Manetualain lae no dale katematuak ma sila aopaa samanen, neukose laso'da tunga Amak, fo sila bei-ba'i kain-nala Manetualain-na.

2TAWARIKH 15:15

Basa laun Yehuda lala'en-na lamahoko-setelee nanahu ala soo-supa no dale katematuak. Ala lamahoko makaluku-makatele neu Manetualain, ma Manetualain boeo nau sipok-kasa. Ana fes so'da-molek nai sila nusan-na.

2TAWARIKH 15:2

nalosa neu natongon-no Manek Asa, de nafa'da nae, “Hai, Manek Asa, ma basa Yehuda ma Benyamin laun-nala lemin! Mamanene! Te Manetualain deka no emi metema emi deka moon. Metema emi moke Manetualain natutu'dun-na soona, neukose Ana fen mai. Tehu metema emi ta taoafik neu fan soona, Ndia boeo neukose Ana ta taoafik neu emi boen.

2TAWARIKH 15:4

Tehu lelek fo lai toto'a-sosotak-ka dalek, besak-ka loke tutulu-fafalik neu Amak, fo Israel Manetualain-na. Ala loke natutu'dun-na, de Ana fen mai.

2TAWARIKH 31:21

Nusa-na tetu-temak nanahu ana tao basa hata lala'en-na soaneu Manetualain Uman-na do soaneu tao tunga Manetualain hoholo-lalanen, nakalala'ok-kana no dale katematuak ma no susue-lalaik neu Aman Manetualain.

NEHEMIA 1:9

Tehu metema ami fali seluk leo O mai, ma ami tunga O paletam-ma soona ami fo manatapasasalak ia-la, neukose O tao makabubua seluk ami, leomae ami nai daebafak-ka pe'dan-nala boe. Boema neukose O moo falik ami leo mamanak fo O hele basan soaneu da'di mamana huhule-haladoik neu O.

NEHEMIA 9:27

boema O fes leo musun-na fo no dale susue-lalai tak, ala koasas ma tuni-ndenis. Tehu nai susa fo ana tuni-nalas-sa, laloo bebou neu O loke tutulu-fafalik. O mamanene neme nusa so'dak-ka mai; O fe natataak no susue-lalai henuk. O haitua mauli-malangan ma palani ta'ti batu, fo soi-po'is leme musu nok-ka mai.

MAZMUR 119:10

Au sanga enok no dale katematuak, fo au alelak O, boso po'ilotak au singo eme O paletam-ma mai.

MAZMUR 119:145

Au aloo bou-bou neu O, no dale katematuak; mataa au leona! Ou Manetualain, nana au nau tunga O paletam-ma.

MAZMUR 119:2

Maua-manalek ba'eneu hataholi fo, ana tunga paletan-nala, ma no dale katematuak, ana sanga enok, fo nalelak Manetualain.

MAZMUR 119:58

Au dokodoe O dale kasiam-ma, no dale katematuak, sue-lai au, nandaa no O hehelum-ma.

YEREMIA 3:10

Yehuda fo ta mana lilinekak ndia, ana tao basa sila-la boema, ana fali ma'in leo Au mai, tehu ta no dale katema tuan-na, nanahu dalen-na ta ndoos fa. Au, fo Manetualain nde manakokolak-ka.”

YEREMIA 51:50

Manetualain kokolak neu hataholi Israel fo manai Babel nae, “Emi kalua neme kanisak-ka mai so! Besak ia meu leo! Boso mahani! Leomae emi dook-ka neme uma, mafandele neu Au, emi Manetualain, ma neu Yerusalem.

YESKIAL 6:9

nai naa, ala laso'da nai mamana tu'u-tapak dalek. Boema, neukose ala lafandele neu Au, boema ala bubuluk, lae Au huku sila, ma Au akamumulu-akamamaek sila, nana sila dalen-nala, ta lilineka loo Au fa. Ala la'oela Au, de ala hele sosongo-tatangok-ka nggati Au so. Boema, neukose ala malua seluk aoinan-nala, nanahu basa tatao-nono'i mangalaun lala'en-na, ma tatao-nono'i ta kandaan-nala fa.

YOEL 2:12

Manetualain nafa'da nae, “Tehu besak ia, fali leo Au mai leon no dale katematuak, boema oka aom-ma, kii ma makaleleu.

AMOS 5:4

Manetualain nafa'da hataholi Israel-la nae, “Fali leo Au mai leona, soona neukose emi maso'da.

ULANGAN 10:12

“Besak ia tolano-tolanoong-ngala lemin, taoafik neu hata fo, emi Manetualaim-ma noken neme emi mai fo nde: Fe ha'da-holomata neu emi Manetualaim-ma, ma tao-no'i basa paletan-nala lala'en-na. Sue-lain ma makaluku-makatele neun, neni basa emi ao paa samanem lala'en-na.

ULANGAN 11:13

Da'di, tunga la'iesak paleta fo faik ia, au anduku-alaosak-kana neu emi; sue-lai emi Manetualaim-ma, ma makaluku-makatele neun, nenik basa emi ao paa samanem lala'en-na.

ULANGAN 26:16

“Faik ia, emi Manetualaim-ma paleta emi, fo tao basa paleta sila-la lala'en-na; tao basa paleta sila-la, no dalek-katematuak ma no basa emi aopaa samanem lala'en-na.

ULANGAN 30:10

Tehu, emi muse tunga emi Manetualaim-ma, ma tunga basa hoholo-lalanen fo, nanasulak nai susulak ia dalek, fo Manetualain susula Hoholo-lalanen-na. Emi muse fali leo Manetualain mai, no emi dalek-katematuam-ma.

ULANGAN 6:5

Sue-lai emi Manetualaim-ma no emi dalek-katematuam-ma: Matu'du emi susue-lalaim ndia, nai emi heo-hilum-ma dalek, ma nai emi tatao-nono'i ma dalek.

YOSUA 22:5

Ma manea leona, fo ela emi tunga Musa fe emi hoholo-lalanek-kala, fo nde: Sue-lai emi Manetualaim-ma, tunga hihii-nanaun, tunga paletan-nala, lilineka neun, ma hule-haladoi neun no emi dale katema tuam-ma, ma no basa emi aopaa-samanem lala'en-na.”

SEMUEL SUSULAK-KA ESAN-NA 7:3

Boema, Semuel nafa'da hataholi Israel-lala nae, “Metema, emi sanga fali leo Manetualain meu, fo sene-do'ok-kana no dalek-katematuak soona, emi muse tu'u-tapa heni basa nusa dea-la lamatua daebafan-na, ma lamatua daebafak inak Asytoret-ta dodoki-dudulan. Fe la'iesak emi aoinam-ma neu Manetualain ma ka'da sene-do'ok neun soona, neukose Ana soi-po'i emi neme hataholi Filistin-nala mai.”