ULANGAN 4:26 - Susula Malalaok Hehelu Palak Ma Hehelu Beuk

²⁶ Ela leo been-na, nai faik ia, lalai-a no daebafak-ka da'di sakasii, lae metema emi ta nau tunga au fa soona, neukose no lai-laik, mopok emi neme dae fo emi leon nai Lee Yarden-na selik eli.

ULANGAN 4:26 ပူးပေါင်းရင်းမြစ်များ

KEJADIAN 19:13

nana, neukose ami tao mamopo-mamate kota ia. Manetualain namanene basa kalaak mabelaina-la, la'eneu laun manai ia-la so, de nadenu basa ami, fo tao makalulutuk kota Sodom-ma.”

1RAJA-RAJA 9:7

soona neukose Au usiheni Au anang Israel neme nusak fo Au fe basan neu sila so. Neukose Au boeo la'oela uma ini fo Au aketu basan da'di mamana hule-haladoik neu Au. Neukose hataholi Israel-la nananakamumulu-nakamamaek ma nanahika-humek nai mamanak lala'en-na.

YESAYA 1:2

Hai lalai, mamanene leon hai daebafak-ka, taoafik leona! Manetualain nafa'da nae, “Au anang fo Au akabobois-sala, ala lena-la'ban Au paletang-nga so.

YESAYA 6:11

Boema au atane ae, “Manada'dik ia, ana da'di losa faihi'da Manetualain?” Boema nataa nae, “Losa kota-la da'di batu nananaunuk, fo ala da'di kota louk, hataholi ta leo uma-la so'on, ma dae-a da'di louk ma tokotik,

YEREMIA 16:13

Hu ndia de, neukose Au usi heni emi neme nusak ia mai fo Au tu'u emi leo nusak esa fo nai doon-na seli ba'eneu emi ma ba'eneu emi manamaten-nala. Nai na, lele'do le'dodaem neukose emi hule-haladoi neu lamatua daebafak fe'ek, de neukose Au ta sue-lai emi fa.’ ”

YEREMIA 2:12

Hu ndia de, hai lalai, makabale leona! Nggenge ma dele leona!

YEREMIA 22:29

Hei au nusang-ngo nei, mamanene hat fo Manetualain nafa'dak-ka,

YEREMIA 32:24

Hataholi Babel-la ala tao papala nanadamak musu feo kota soaneu latona-la, de besak ia latee-latati so. Natee-natatik-ka, la'a-ndoes-sa, ma he'di laus matuaina, neukose taon-na kota ia tu'da lo sila neu. O mita matan boe, basa hata fo O mafa'dak-kala ala da'di mata nitak.

YEREMIA 44:22

Manetualainta nakatataak so'on Ana mete emi tunu-hotu tutunu-hohotukneu lamatua daebafak fe'ek-kala. Emi tatao-nono'im ndia mangalauk-ka ma sosoa-ndandaan ta. Emi masala-masingo basa neu Manetualain so, ma ta nau tunga neu paletan-nala fa. Hundia de besak ia emi nusa namom nakalulutuk so, de nalosa tapu leon fa, ma na'den-na nanapakek da'di leo soo-supak. Hataholi fo litan lame'da langgenggengo ao.”

YEREMIA 6:19

Taoafik leon, hai daebafak-konei! Au anang-ngala, ta nau sipok Au nanoling-nga, ma ala ta nau tunga Au fa. Au fe soe-a la'es, fo da'di leo sila dale tutu'un-na, buna-boan.

YESKIAL 33:28

Neukose Au tao nusak ndia, da'di moo solokaek fo, nee-nee lino-lino, boema neukose mopok sila koao-ndaeaon, hu kande sila be'i-balakain-na. Basa letek manai Israel-la, neukose nee-nee lino-lino, nalosa hataholi ta napalani la'ok tunga ndia fa.

IMAMAT 18:28

fo ela Ana boso huku emi, ma Ana usi heni emi neme dae ndia mai, sama leo hataholi fo ta lalelak Manetualain-na, ala leo lai naa, te emi beita mai fa.

MIKHA 1:2

Mamanene leon, hai leoina-la lemin! Taoafik leon, hai laun manai daebafak-ka lala'en-na lemin! Manetualain Fo Mademaina mai, da'dileo sakasii, fo la'ban emi basa-basam-mala! Mamanenen Ana kokolak neme Uma malalao-malalafun-na nai nusa so'dak-ka.

MIKHA 6:2

Hai letek-kala, hai daebafak-ka buin-nala lemin, mamanene Manetualain kalaan-na. Nanuu dede'ak no Anan Israel, de neukose Ana kalaak-kasa.

LUKAS 21:24

Hapu nggelok neukose nanataonisak ninik tafaina, hapu nggelok neukose lon da'dileo hataholi nanahukuk leo hataholi nusa-namon. Hataholi fo ta nalelak Manetualai na, neukose ala heheta-aa'i Yerusalem losa basa faik fo Manetualain naketu basan soaneu sila.”

ULANGAN 11:17

Metema, emi la'olena paleta sila-la soona, neukose Manetualain namanasa emi. Neukose Ana ta fe emi u'dan fa; fo emi daem-ma namatuu, nalosa mate emi bubu'u-palusam-mala. Soona, ta dooanak so'on te, emi mate nai dae maoe-maisik fo, Manetualain fen neu emi ndia.

ULANGAN 28:20

Metema, emi tao tatao-nono'i mangalauk, ma emi ta sipok Manetualain fa soona, neukose Ana fe soe, napokak, ma toto'a-tataak-ka, nai basa hata lala'en fo, emi tao-no'ik-ka dalek, nalosa ka'da nai fai nggenggeloanak esa mesak-kana, Ana tao namate-namopo la'iesak emi.

ULANGAN 28:22

Neukose, Manetualain huku emi nenik he'di madaik-ka, petaaok-ka ma sumaik-ka. Neukose, Ana fe dae-a namatuu, ma Ana fe ani mato'bik-ka mai, nalosa emi dae-oem buna-boan nalutus. Soe sila-la, ala tuni-ndeni lahele emi, losa mate-mopo emi.

ULANGAN 28:45

Basa soe sila-la lala'en-na, neukose ala mai lakandoo fo, ala tuni-ndeni-la emi, losa mate-mopo emi; nanahu emi ta tunga emi Manetualaim-ma, ma emi ta tao tunga hoholo-lalanek fo, Ana fen neu emi-a fa.

ULANGAN 28:61

Manetualain boeo, neukose Ana fe, he'di-laus mata-matak-kala, ma he'di-laus fo, ta nanasulak nai Manetualain susula hoholo-lalanen-na dalek fa. Soona, neukose Ana tao namate-namopo emi.

ULANGAN 29:28

Manetualain nasa-melun fo'a nanseli, de nai nasa-melu matuainan ndia dalek, Ana usiheni leoina Israel-la neme sila nusan-na mai, de Ana tapas leo nusa dea neu, boema ala leo leme ndia.’

ULANGAN 31:28

Besak ia, madenu basa mauli-malangan leoinak-kala, ma basa malanga solda'du matuaina-la, fo lakabubua mai au matang ia, fo ela au afa'das dede'ak-kala nde ia. Au aloo lalai-a no daebafak-ka, da'di leo sakasii soaneu sila.

ULANGAN 32:1

“Hai, lalai, mamanene leona, te au hii kokolak; hai daebafak-ka, pasak di'idoom-ma leona!

ULANGAN 7:4

fo ela hataholi sila, boso tao-la emi anam-mala dook-ka leme Manetualain mai, fo ala sene-do'ok neu lamatua daebafak fe'ek. Nana, neukose Manetualain namanasa, fo no lai-laik, Ana tao namate-namopo emi.

ULANGAN 8:19

Boso mafandele heni, emi Manetualaim-ma, ma boso fali deak leo lamatua daebafak fe'ek-kala meu, boema emi sene-do'ok ma mahele neun. Faik ia, au fe emi nasanene'dak, ae metema emi mafandele henin, fo emi taon soona, tao leo bee-o, Manetualain tao namate-namopo emi.

ULANGAN 8:20

Metema, emi ta lilineka neu emi Manetualaim-ma fa soona, neukose Ana tao namate-namopo emi boe, da'di leo Ana tao namate-namopo leoina fe'ek-kala neme emi matam-ma.”

YOSUA 23:16

Metema, emi la'olena Manetualain fo emi Manetualaim-ma, hehelu-balataan, fo Ana paleta basan neu emi, fo daenga emi tao tungan, tehu emi meu makaluku-makatele neu lamatua fe'ek-kala, boema sene-do'ok neu lamatuak sila-la, soona neukose Manetualain namanasa, fo Ana huku emi. Ka'da nai fai nggenggelok esa mesak-kana, neukose mopok emi basa-basam-mala neme nusak malole fo Manetualain fen neu emi ia.”