ULANGAN 4:25 - Susula Malalaok Hehelu Palak Ma Hehelu Beuk

²⁵ Boeo mahani te, metema emi leo dook-ka nai nusak ndia, ma emi maupu-maanak soona, boso tao sala-singok, nanahu emi tao dodoki-dudulak nai lupak matak leo beek-ka boe. Tatao-nono'ik ndia nde been-na, tatao-nono'i mangalauk esa, nai emi Manetualain-ma mata memeten-na, de neukose namanasa.

ULANGAN 4:25 ပူးပေါင်းရင်းမြစ်များ

2RAJA-RAJA 21:2

Manasye nasala-nasingo neu Manetualain, nanahu ana tunga ha'da-tatao mangalauk-ka, neme leoina fo Manetualain usihenis leme Kanaan mai, nai lelek, hataholi Israel-la masok nusak ndia.

MAZMUR 78:58

Ala tao lakahehe'dik Manetualain dalen-na, nenik mamana sosongo-tatangok, ma ala tao-la dalen-na susa nenik sila dodoki-dudulan.

KELUARAN 20:4

Boso doki-dulak soaneu o aoinam-ma, dodoki-dudulak fo nalupa leo beek boe, nai lalai, nai daebafak-ka, do nai oe dale nai daebafak-ka buin-na.

KELUARAN 32:7

Boema Manetualain nafa'da Musa nae, “Kona lai-lai, nana o leoinam fo o hela-noles kalua leme Masir mai-a, ala tao tatao-nono'i mangalauk so.

YESKIAL 8:10

Tutik-ka, au u leo dalek u de au mete. Boema au ita bana manalo'do-laek mata-matak-kala, bana fe'e-fe'ek fo nanamaluak-kala, ma leoina Israel-la sosongon-tatangon-nala, nanadokik nai papala-la.

HOSEA 9:17

Manetualain fo au alalau-aoonon ndia, neukose Ana ta sipok anan-nala fa, nanahu ala ta lamanene fan. Neukose laleu-lalaak lai leoina-la tala'da.

HOSEA 9:9

Emi tatao-nono'im, mangalaun-na seli, sama leo hataholi manai Gibea-la tao hain so. Neukose Manetualain nafandele emi sala-singom, ma neukose Ana huku emi, nanahu emi sala-singom-mala.

1 KORINTUS 10:22

Do fafa'kama ita nau tao ta Lamatua ka nape'da dalek do? Ade ita balakai na ba'u lenaheni Lamatua ka do?

ULANGAN 16:22

ma boso lutu, lutu batu sosongo-tatangok fo sene-do'ok neun, nanahu emi Manetualaim-ma ta hii tatao-nono'ik ndia fa.

ULANGAN 27:15

Hataholi Lewi-la, ala kokolak lae, ‘Nanasoo-supak ba'eneu hataholi fo, ana tao dodoki-dudulak neme batu, ai, do liti-a mai, fo ana sene-do'ok neun, no nafufunik; Manetualain ta hii sosongo-tatangok fa!’ Basa laun Israel-la lala'en-na lataa lae: ‘Tete'ek-ka!’ (Amin)

ULANGAN 28:45

Basa soe sila-la lala'en-na, neukose ala mai lakandoo fo, ala tuni-ndeni-la emi, losa mate-mopo emi; nanahu emi ta tunga emi Manetualaim-ma, ma emi ta tao tunga hoholo-lalanek fo, Ana fen neu emi-a fa.

ULANGAN 28:61

Manetualain boeo, neukose Ana fe, he'di-laus mata-matak-kala, ma he'di-laus fo, ta nanasulak nai Manetualain susula hoholo-lalanen-na dalek fa. Soona, neukose Ana tao namate-namopo emi.

ULANGAN 30:18

tao leo bee-o, neukose emi nanatao namate-namopok, ma emi teum-ma keke'uk-ka nai nusak fo, ta dook-ka so'on te, emi mangatuu-ma ndia. Mafandendelek! Te dede'ak ia Au afa'da neu emi nai faik dalen-na so.

ULANGAN 30:19

Besak ia, emi bole hele, maso'dak-ka, do mamates-sa, Manetualain baba'e-papalan, do sosoo-susupan. Au aloo lalai-a ma daebafak-ka, fo ala da'di sakasii neu emi nakeketum-ma. Hele maso'dak-ka leona.

ULANGAN 31:29

Au bubuluk, ae mate au soona, neukose hataholi sila-la da'di hataholi mangalauk, ma ala ta sipok hata fo, au anolin neu sila fa. Ma neu makabuin-na te, susa-soe-a tuni-ndeni nalas, nanahu ala tao-la Manetualain namanasa, nanahu ala la'olena hata fo, Ana ka'in-na.”

ULANGAN 32:5

Tehu emi nde been-na, leoina fo, ta manalilinekak fa, de ta nandaa da'di Ndia anan-nala so'on, leoina fo, henuk no masapepeko-masandandalik ma sala-singok-ka.

ULANGAN 4:16

Da'di, manea leona, fo ela boso nalosak emi masala-masingo, nanahu emi tao dodoki-dudulak fo emi sene-do'ok neun. Dodoki-dudulak ndia lupan-na su'di leo beek boe, sama leo touk do inak,

ULANGAN 4:23

Mafandendelek matalolole! Fo boso mafandele heni emi Manetualaim-ma tao hehelu-balataak no emi-a. Tunga paletan-na; fo boso doki-dulak dodoki-dudulak nai lupak matak leo beek ndia boe, fo sene-do'ok neun,

YOSUA 23:16

Metema, emi la'olena Manetualain fo emi Manetualaim-ma, hehelu-balataan, fo Ana paleta basan neu emi, fo daenga emi tao tungan, tehu emi meu makaluku-makatele neu lamatua fe'ek-kala, boema sene-do'ok neu lamatuak sila-la, soona neukose Manetualain namanasa, fo Ana huku emi. Ka'da nai fai nggenggelok esa mesak-kana, neukose mopok emi basa-basam-mala neme nusak malole fo Manetualain fen neu emi ia.”