ULANGAN 4:24 - Susula Malalaok Hehelu Palak Ma Hehelu Beuk

²⁴ nana emi Manetualain-ma sama leo ha'i manana'a naputuk-ka. Ana ta nau emi makasasamak-kana no hata esa boen.

ULANGAN 4:24 ပူးပေါင်းရင်းမြစ်များ

2RAJA-RAJA 24:20

Manetualain namanasa nanseli no laun Yerusalem-mala, ma hataholi Yehuda-la, de nalosa, Ana ta taoafik-kasa so'on.

MAZMUR 21:9

Neukose Ana foo la'iesak musun-nala, ma Ana ho'u-na basa hataholi fo lakamuu-lakadau neu.

MAZMUR 78:58

Ala tao lakahehe'dik Manetualain dalen-na, nenik mamana sosongo-tatangok, ma ala tao-la dalen-na susa nenik sila dodoki-dudulan.

KELUARAN 15:7

No O matua-mademam fo matuainam-ma O tao mamopo-mamate basa hataholi fo manala'ban O-a. O nasa-melum lua ponu-ponu sama leo ha'i-a, de ana hotu henis sama leo ha'deaik-ka.

KELUARAN 20:5

Boso sene-do'ok neu dodoki-dudulak matak leondiak-ka, nanahu Au nde emi Manetualain, de Au ta nau makasasamak-kana no hata esa boen. Hataholi fo nakamuu-nakadau Au-a, Au hukun losa tititi-nonosi ka telu ma ka 4.

KELUARAN 33:3

Emi la'ok masale leo dae kamasu'i-makabetek ma maisi-mamina meu. Tehu Au ta tunga emi fa, fo ela Au boso tao amopo-amate emi nai eno tala'dak, nana emi nde been-na leoina langa batuk.”

KELUARAN 34:14

Boso sene-do'ok neu lamatua fe'ek, nana Au Manetualain, nde been-na Manetualain fo ta nau nakasasamak-kana no su'di beek-ka fa.

YESAYA 10:17

Manetualain fo Malalao-malalafuk, fo Israel Masa'an-na, neukose Ana da'di sama leo ha'i pilak-ka, fo na'a heni basa hata lala'en-na ka'da nai faik esa dalen-na, nakalenak basa la'iesak makatema dila-nggauk-kala.

YESAYA 30:27

Manetualain koasan-na, ma matua-mademan, neukose nananitak neme dook-ka mai. Ha'i-a, ma ha'imasuk-ka, natu'du nasa-melun. Ana kokolak nos, de hala-kokolan nana'a sama leo ha'i-a.

YESAYA 30:33

Ana sadia basa mamanak soaneu hotu mane Asyur-ra, neme makahulun eli mai so. Mamanak ndia, madema ma maloa, ma henuk no ai ha'i. Neukose Manetualain tao napila ha'i-a, nenik Ana fuu ani hahaen-na neu, sama leo lee belerang-nga.

YESAYA 33:14

Hataholi masala-masingok manai Sion-na, ala dele bengge'be no bibii-namatauk-ka. Lafa'da lae, “Manetualain nakeketun-na, sama leo ha'i pilak-ka, losa dodoon-na. Ade fafa'kama, hapu hataholi nakatatakak nai ha'i fo, manatao namate-namopok ndia dalek do ta?”

YESAYA 42:8

Au nde Manetualain, fo Au na'deng-nga nde ndia; Au ta fe Au matua-mademang, neu su'di see boen; Au ta fe Au na'de nananita-nalelang-nga, neu dodoki-dudulak fa.

AMOS 5:6

Fali leo Manetualain Manakoasa mai leona, soona neukose emi maso'da. Metema emi ta fali fa soona, neukose Ana mai sama leo ha'i masalolo'dek-ka, fo ana hotu heni basa hataholi Israel-la. Ta hapu hataholi esa boen nai Betel bisa taonisa ha'i ndia fa.

NAHUM 1:2

Manetualain ta nau hataholi nakasusu'dik no fan, hataholi manala'ban-nana, tao leo bee-o ana hapu huhukuk No nasa-meluk nanseli, Ana balas nape'da dalen-na neus.

NAHUM 1:6

Metema Manetualain namanasa soona, see kande bisa nakatatakak? Ta hapu esa boen, bisa natapo'i neme nasa-melun mai fa. Ana kalua nasa-melun manapilak-ka soona, batu nakalulutuk fo ana da'di daesopuk nai matan-na.

ZEFANYA 1:18

Nai fai bibii-namata'u matuaina ndia, neukose Manetualain natu'du nasa-melun, soona ala ta hapu ho'i-la la'iesak lilopila-lilofulan-nala fa. Neukose Manetualain ha'i nasa-melun hotu naputu la'iesak daebafak-ka lala'en-na. No kaiboboianak, neukose Ana ho'i-na basa mahahaek manai daebafak ia lala'en-na.

ZEFANYA 3:8

Tehu manea besa-besa! Mahani ka'da fain-na losa, Au fo'a apadeik da'di leo manakalaak. Nana, Au aketu basa, soaneu aloo akabubua leoina-la, ma nusa-nusak-kala, fo Au po'a Au nasa melung neus. Neukose, Au ha'i nasa melung-nga, na'a heni basa daebafak-ka lala'en-na.

BILANGAN 25:11

“Eleazar anan Pinehas, fo Imam Harun-na upun-na, no napalanik, nasala'e Au na'deng-nga, nai hataholi Israel-la tala'da heon, nalosa Au nasang-nga tenak, de Au ta da'di tao amopo-amate leoina ndia so'on.

1 KORINTUS 10:22

Do fafa'kama ita nau tao ta Lamatua ka nape'da dalek do? Ade ita balakai na ba'u lenaheni Lamatua ka do?

ULANGAN 29:20

Neukose, Manetualain ta fe do'o do ampon, neu hataholi leondiak-ka fa. Nasafalin-na, neukose Manetualainnasa-melun fo, manalua ponu-ponun-na, la'e hataholi ndia, ma basa susa-soe fo, nanasulak nai susulak ia dalek-ka, neukose ana tuni-ndeni-nala, losa Manetualain tao namate-namopon.

ULANGAN 32:16

Ala sene-do'ok neu sosono-tatangok, nalosa Manetualain nape'da dale nasak-kasa fa, Nasa-melun fo'a, nanahu tatao-nono'i mangalauk ndia.

ULANGAN 5:9

Boso sene-do'ok neu dodoki-dudulak matak leondiak-ka, nanahu Au fo emi Manetualaim-ma, ta nau nakasasamak-kana o hata esa boen. Hataholi fo nape'da dale nasak neu Au, neukose Au hukun losa bobongi ka telu ma ka haa.

ULANGAN 6:15

Metema emi sene-do'ok neu lamatua fe'ek-kala, soona neukose emi hapu emi Manetualaim-ma nasa-melun, ma Ana tao namate-namopo la'iesak emi, nana emi Manetualaim-ma fo, manai emi tala'da heom-ma, Ana ta nau makasasamak-kana no hata esa boen.

ULANGAN 9:3

Tehu besak ia, neukose emi mita matam, tao leo beek de, emi Manetualaim-ma, Ana la'ok nai emi uluk, sama leo ha'i manatao maputuk-ka. Neukose, Ana sengi hataholi sila-la, nai emi matam, nalosa no lai-laik, emi bisa usihenis ma emi tao mamate-mamopos, sama leo Manetualain helu basak-ka so.

IBRANI 12:29

Nana ita Manetualain ndia, sama leo ha'i fo manahotu naputu ka.