ULANGAN 4:21 - Susula Malalaok Hehelu Palak Ma Hehelu Beuk

²¹ Tehu emi Manetualaim-ma namanasa au, hu kande emi, de Ana soo nae, neukose au ta lena leo Lee Yarden-na selik u, fo masok dae maoe-maisik fo neukose, Ana fen neu emi ndia fa.

ULANGAN 4:21 ပူးပေါင်းရင်းမြစ်များ

BILANGAN 20:12

Tehu Manetualain fe Musa no Harun nasanene'dak nae, “Hu kande emi namahehelem neu Au-a, beita dai soaneu matu'du Au koasang fo malalao-malalafung-nga, nai leoina Israel-la matan-na, de neukose emi ta mauli-malangas losa ala masok leo nusak fo, Au helu fen neu sila fa.”

ULANGAN 1:37

Emi boeo, taom-ma Manetualain namanasa au, de nafa'da nae, ‘Musa, o boeo, neukose ta masok nusak ndia fa.

ULANGAN 12:9

nanahu emi beita masok leo, emi Manetualaim-ma, fe emi nusak-ka meu fa, mamanak fo emi hapu leo mahele, no nee-nee lina-linok.

ULANGAN 15:4

Emi Manetualaim-ma, neukose Ana fe emi baba'e-papalak, nai nusak fo emi Manetualaim-ma neu emi. Soona nai emi leoinam-ma dalek, neukose ta hapu hataholi nuu taa-hata taak fa,

ULANGAN 19:10

Tao-no'i basa paleta sila-la, fo ela emi boso masala-masingo, nanahu emi po'ilotak hataholi sala tak-ka, nanataonisak nai nusak fo, emi Manetualaim-ma fe neu emi ndia.”

ULANGAN 20:16

Tehu metema, kota sila-la, nai emi Manetualaim-ma fe emi nusak-ka dalek soona, emi muse taomisa la'iesak laun-nala.

ULANGAN 21:23

soona ta bole po'ilotak popolak ndia, lona-lona nahele neme dii ndia lain, le'odae katemak esa, te muse natoi-natonon nai faik ndia dalen-na boe. Popolak fo nanalonak nai dii ndia lain-na, neni Manetualain soo-supan fe nusak ndia. Da'di matoi-matono popolak ndia, fo ela emi boso tao manggenggeo, emi MANETUALAIM-ma fe emi nusak-ka.

ULANGAN 24:4

Nai dede'ak ia dalek, saotouk makasososak-ka, ana ta bole sao inak ndia so'on; ana muse mete inak ndia, da'di leo inak fo, na'den-na naggenggeo so. Tehu metema ka'da ana saon-nan boe, soona tatao-nono'ik ndia, nalupa leo nakamumulu-nakamamaek esa, soaneu emi Manetualaim-ma. Emi ta bole tao sala-singo mangalauk ndia, nai emi Manetualain fe emi nusak-ka fa.”

ULANGAN 26:1

“Metema, emi masok mala emi Manetualaim-ma, fe emi nusak-ka fo, emi leo nai dalek,

ULANGAN 3:26

Tehu Manetualain namanasa au, nanahu emi tatao-nono'im, nalosa Ana ta nau sipok au dokodoeng-nga fa. Manetualain nafa'da seluk au nae, ‘Dai so Musa, boso boe seseik dede'ak ndia bai!

ULANGAN 31:2

nae, “Besak ia, au teung natun esa duahulu so, de au ta auli-alanga abe'i emi so'on. Bai te, Manetualain nafa'da basa, nae au ta bole lena seli Lee Yarden-na fa.