ULANGAN 4:10 - Susula Malalaok Hehelu Palak Ma Hehelu Beuk

¹⁰ la'eneu faik ndia, fo nai lelek emi mapadeik meme emi Manetualaim-ma matan neme Letek Sinai-a. Nai lelek ndia, nafa'da au nae, ‘Maloo makabubua leoina ndia. Nana Au ahiik lamanene hata fo Au sanga anduku-alosak-kana, fo ela lanoli tunga neu Au, nai sila fai maso'dan-na dalek, ma fo ela lanoli anan-nala fo ala tunga Au.’

ULANGAN 4:10 ပူးပေါင်းရင်းမြစ်များ

KEJADIAN 18:19

Au hele basa ndia so, fo ela ana paleta anan-nala, fo ala tunga Au, ma ala tao hata fo malole, ma tunga ndoos ma matetuk-ka. Metema ala tao tunga ndia soona, neukose Au tao atetu Au hehelu-balataang neu Abraham-ma.”

MAZMUR 145:4

Neme bobongik leo bobongik neu, neukose ala koa-kio O tatao-nono'im, ma lala tui-benga O palanim-ma.

KELUARAN 19:1

Basa ndia boema, leoina Israel-la la'oela Rafidim, fo nai lelek ala la'o ela Masir nai hataholi Yahudi-la bula ka telun-na, fain esa, boema ala losa moo solokaek Sinai. Ala ofu leme Letek Sinai huun-na,

KELUARAN 19:11

Binesak te, sila muse laheheleaon basa so. Nai faik ndia, neukose Au kona leo Letek Sinai lain u, nai mamanak fo nai bee, basa hataholi-la bisa lita Au.

KELUARAN 19:16

Nai fai ka telun-na fafaik boema, mangguluk-ka no ta'tas-sa da'di. Ko'a makateina ana da'di nai letek lain, ma lamanene pupuuk-ka liin-na, tanen-na seli. Basa hataholi manai ofu dale-la ala bii, de ala dele beengge'be.

KELUARAN 20:18

Lelek hataholi Israel-la lamanene mangguluk-ka, ma pupuuk-ka liin-na, boema lita ndelas-sa ma letek-ka namasu boema, ala dele beengge'be, ma ala bii-lamata'u ma lapadeik lai dook-ka.

KELUARAN 20:20

Musa nataa nae, “Boso bii-mamata'u. Manetualain mai fo ka'da so'ba-sudi emi, fo ela emi tunga mahelen, ma ta tao sala-singok fa.”

PENGKHOTBAH 12:13

Au tai-dodoo basa sila-la boema, au hapu dede'a keke'un-na nde ia. Bii-namata'u Manetualain, ma tunga la'iesak paletan lala'en-na, nana ka'da soaneu dede'ak ndia nde Manetualain nakadada'dik hataholi daebafak-ka.

YESAYA 38:19

Ka'da hataholi maso'dak-ka, ana koa-kio O, sama leo au tao-no'in nai faik ia. Ina-amak tui anan-na O lilinekam ba'un-na seli, ou Manetualain.

LUKAS 1:50

Neme tititi-nonosik leo tititi-nonosik neu Manetualain tao dale susue na neu hataholi fo manabii neu na.

ULANGAN 11:19

Manoli paleta sila-la, neu emi anam-mala. Kokolak moos, nai lelek emi nai uma dale, do emi nai emi leleo-lala'om-ma dalek, do nai lelek emi nai ue-le'dis dale, do nai lelek emi hahaeaom-mala.

ULANGAN 12:1

“Emi muse tunga hoholo-lalanek ia-la, nai emi fai maso'dam-ma dalek, nai nusak fo, emi bei ba'i kaim Manetualain-na, fen neu emi-a.

ULANGAN 14:23

Nai emi Manetualaim-ma matan, nai mamanak fo Ana helen soaneu mamana nakaluku-nakatele, emi muse mi'a tunu-hotu ba'ek esa neme ba'eneu sanahuluh, fo nde gandum, angol, mina setun, boema emi sapiana, bi'ihiiana, bi'ilopoana fo, nanabongi makasososak-kala. Tao basa sila-la, fo ela emi hapu manoli fe ha'da-holomata neu emi Manetualaim-ma, losa dodo-na.

ULANGAN 17:19

Ana muse pe'da susulak ndia, nahele nai boboan-na, ma nai fai maso'dan-na dalek, ana muse lees susulak ndia, fo ela ana nanoli fe ha'da-holomata neu ndia Manetualain-na, ma ana tunga basa paleta lala'en fo, nanasulak nai susulak ndia dalek-ka.

ULANGAN 4:9

Taoafik ma mafandendelek matalolole, fo ela nai emi fai maso'dam-ma dalek, emi ta mafandele heni hata fo emi mita matam so. Tui emi upu-anam-mala,

ULANGAN 5:2

Ita Manetualain-na, tao hehelu-balataak esa neme Letek Sinai-a,

ULANGAN 5:29

So'ba metema sila lanuu dudu'a leondiak nahele! So'ba metema ala fe ha'da holomata tataas esa neu Au, ma ala tunga la'iesak Au paletang-ngala soona, sila ma sila tititi-nonosin laso'da no tetu-temak losa dodoon-na!

ULANGAN 6:2

Ela leo been-na, emi ma emi tititi-nonosim-mala, nai emi fai maso'dam-ma dalek, fe ha'da-holomata neu emi Manetualaim-ma, ma tunga basa au fe emi hoholo-lalanan-nala, fo ela emi hapu fai nalu-le'do loak nai nusak ndia.

ULANGAN 6:7

Manoli paleta sila-la neu emi anam-mala. Ela leo been-na, emi kokolak paleta sila-la, nai uma dale, ma nai emi nono hataholim-ma tala'da, nai lelek emi hahaeaom, ma nai lelek emi maue-male'di.

IBRANI 12:25

Hu ndia de, masanene'dak fo boso nalosak emi ta nau mamanene Ndia fo mana kokolak neu emi a. Sila fo ta nau lamanene Ndia fo mana maik leo daebafa ka mai, ma nanduku-nalosak halak maneme Manetualai na mai, ana ta bisa nalai fa. Mu'da hata no ita ia fo mana mamanene Ndia fo mana kokolak neme nusa so'da ka mai a. Metema ita ta nau tamanene fan soona, hapu nai bee ita bisa taladeak!

NINITAK 19:5

Boema au amaneme hala ka neme kandela manek ndia mai nae, “Emi muse koa-kio ita Manetualai na, emi basa-basa mala, ana ma matua, malalau-maoono ma manasene-do'o kana!”

SEMUEL SUSULAK-KA ESAN-NA 12:24

Fe ha'da-holomata neu Manetualain ma mamahele neun no lilinekak, ma no emi dale katematuam-ma. Mafandendelek tatao-nono'i matuaina fo Ana tao basan ba'eneu emi so.