ULANGAN 4:1 - Susula Malalaok Hehelu Palak Ma Hehelu Beuk

¹ Boema Musa nafa'da leoina ndia nae, “Tunga basa hoholo-lalanek fo, au anolin neu emi, fo ela emi bole maso'da losa emi leo nai dae fo emi bei-ba'i kaim-mala Manetualain-na fen neu emi-a.

ULANGAN 4:1 ပူးပေါင်းရင်းမြစ်များ

MAZMUR 105:45

fo ela anan sila-la, tunga hoholo-lalanen, ma tunga paletan-nala. Koa-kio Manetualain leona!

MAZMUR 119:4

O fe ami, O hoholo-lalanem, ou Manetualain, fo ela ami makalala'ok-kana, no lilinekak.

KELUARAN 18:20

O muse manolis Manetualain paletan-nala, ma mafa'da mangalele'dos, so'da malole-a eno-dalan, ma hata fo ala muse taon.

YEREMIA 11:6

Boema Manetualain nafa'da neu au nae, “Muu leo kota-kota manai Yehuda, ma enok-enok manai Yerusalem-ma. Mafa'da Au hala-hehelung nde ia neu hataholi-hataholi manai naa-la. Madenus fo ala taoafik ma ala lamahele au hehelu-hoholong eno-dalan.

YESKIAL 11:20

Boema, neukose ala tunga Au nakaneneteng-ngala, ma ala tunga basa Au paletang lala'en-na, no dale katematuan-nala. Neukose ala da'di Au anang, ma Au da'di sila Manetualain.

YESKIAL 20:11

Nai naa, Au fes Au paletang-ngala, ma Au anolis, Au hoholo-lalaneng fo, ala muse tungan, nana hataholi manatao tungan-na, neukose naso'da nahele.

YESKIAL 20:21

Tehu, bobongi makabuik sila-la boeo, ala la'ban Au. Ala la'olena Au hoholo-lalaneng, ma ala ta taoafik neu Au paletang-ngala fa, fo metema hataholi-a, ana tao tungan soona, naso'da nahele. Ala tao langgenggeo fai Sabat-ta. Hu ndia de, Au sadia basa, sanga kalua Au nasa-melung soaneus nai moo solokaek, fo Au taoisa la'iesak-kasa.

YESKIAL 36:27

Neukose Au akona, Au Duladaleng-nga leo emi dalem dale neu, ma Au anea emi, fo ela emi maso'da tunga Au hoholo-lalaneng, boema emi tunga basa Au paletang-ngala.

YESKIAL 37:24

Neukose ala da'di esa nai manek esa paletan-na dae, sama leo Mane Dauk-ka, fo ana paleta losa dodoon-na. Neukose, ala tunga Au hoholo-lalaneng no lilinekak. Sila, boema sila tititi-nonosin-nala, neukose ala leo dae ndia, dae fo Au fen neu Yakob, ma sila bei-ba'i kain-nala leon losa dodoon-na.

IMAMAT 18:5

Tunga Au fe emi nakanenetek ma hoholo-lalanek-kala. Metema, emi tao leondiak soona, emi maso'da. Au nde Manetualain-na.”

IMAMAT 19:19

Tunga Au paletang-ngala. Boso makasasaok bana dua, ta matak esa fa. Boso sele-nggali bini-ngges matak dua neu dae duduik esa. Boso pake bua papakek fo nanatenuk neme abas matak dua mai.

IMAMAT 19:37

Tunga la'iesak Au hoholo-lalaneng, ma Au paletang lala'en-na. Au nde Manetualain.”

IMAMAT 20:8

Tunga Au hoholo-lalaneng-ngala, nanahu Au nde Manetualain, fo manahele hehelik emi soaneu Au.”

IMAMAT 22:31

Manetualain nafa'da nae, “Tunga Au paletang-ngala; Au nde Manetualain.

MATEOS 28:20

Boema manolis, fo ala tao tunga basa hata fo Au paleta basan neu emi a. Ma mafandendelek te, neukose Au o ahele emi losa fai mate'e ka.”

LUKAS 1:6

Saotouk saoinak ia la so'da nala nandaa no Manetualain dale na. Duas tunga basa paleta ma Manetualain hoholo-lalanen no dale katematuak.

YOHANIS 15:14

Metema emi tao hata fo Au paletan soaneu emi soona, Au tolanoong emi.

ROMA 10:5

Musa sulak nae, hataholi a malole falik no Manetualain tunga agama hoholo-lalanen soona, neukose hataholi ndia naso'da nanahu ana tao tunga agama hoholo-lalanen ndia.

ULANGAN 1:3

Nai hataholi Yahudi-la bula ka 11-na, fain esa nai teuk haahulu dalen, fo nai lelek leoina ndia la'oela Masir boema, Musa nanduku-nalosak basa hata fo Manetualain paletan soaneus.

ULANGAN 1:8

Au, fo Manetualain helu basa, Au fe dae ndia neu emi bei-ba'i kaim Abraham, Isak ma Yakob no basa sila tititi-nonosin-nala. Da'di, meu fo mangatuu-ma, dae ndia leona.’ ”

ULANGAN 11:1

“Sue-lai emi Manetualain-ma, ma tunga paletan lala'en-na, tataas esa.

ULANGAN 11:32

emi muse tunga basa hoholo-lalanek fo, faik ia au anduku-alosak-kana neu emi.”

ULANGAN 13:1

Metema, nabi esa do hataholi manamakandandak me'is esa, nafa'da emi ta'du-tana beuk do manada'di beuk,

ULANGAN 16:20

Emi muse tao ndoos ma matetuk tataas esa, fo ela emi hapu leo mahele, ma maso'da no tetu-temak, nai emi Manetualaim-ma fe emi nusak-ka.

ULANGAN 30:16

Faik ia, au paleta emi, fo sue-lai emi Manetualaim-ma, ma tungan, boema tao-no i basa hoholo-lalanen ma paletan lala'en-na, fo ela emi maso'da no tetu-temak, ma emi da'di leoina matuaina. Neukose, emi Manetualaim-ma fe emi baba'e-papalak nai nusak fo, ta dook-ka so'on te, emi mangatuu-man ndia.

ULANGAN 30:19

Besak ia, emi bole hele, maso'dak-ka, do mamates-sa, Manetualain baba'e-papalan, do sosoo-susupan. Au aloo lalai-a ma daebafak-ka, fo ala da'di sakasii neu emi nakeketum-ma. Hele maso'dak-ka leona.

ULANGAN 30:20

Sue-lai emi Manetualaim-ma, ma tungan leona, ma lilineka neun. Soona, emi ma emi tititi-nonosim, neukose laso'da ma teu naluk nai nusak fo, Manetualain helu basan neu emi bei-ba'i kaim Abraham, Isak ma Yakob.”

ULANGAN 4:40

Tunga la'iesak hoholo-lalanek fo au fen neu emi nai faik ia, soona emi ma emi tititi-nonosim neukose maso'da no tetu-temak, ma emi maso'da makandoo nai emi Manetualaim-ma fe emi nusak-ka losa dodoon-na.”

ULANGAN 4:45

Musa nakalala'ok paleta ndia ndek ala kalua leme Masir mai, de leme bafak manai Lee Yarden-na boboan dulu, fo nasasalematak no kota Bet-Peor-ra. Dae ndia nde been-na dae nangatuu palaak neme hataholi Amori-la manen-na na'de Sihon, fo nde makahulun-na ana paleta neme kota Hesybon-na. Musa no leoina Israel-la sengi manek ndia, nai lelek ala kalua leme Masir mai.

ULANGAN 4:8

Ma leoina matuaina beek kande, nanuu hoholo-lalanek fo ndoos ma matetuk nanseli, sama leo hoholo-lalanek fo au anolin neu emi nai faik ia?

ULANGAN 5:1

Musa naloo nakabubua basa leoina Israel-la lala'en-na, boema nafa'das nae, “Tolano-tolanoong-ngala lemin, Mamanene hoholo-lalanek fo au fen neu emi, nai faik ia. Manoli hoholo-lalanek sila-la, fo tungas no lilinekak.

ULANGAN 5:33

Tao-no'i basa hata fo emi Manetualaim-ma paletan neu emi, fo ela emi so'dam-ma tetu-temak, fo emi hapu leo mahele nai nusak fo neukose emi leo nai dalek ndia.”

ULANGAN 6:1

“Emi Manetualaim-ma, nadenu au fo, au anoli emi basa hoholo-lalanek ia'la, fo ela emi tao-no'in nai nusak fo, ta dook-ka so'on te, emi leon ndia.

ULANGAN 6:24

Ita Manetualain, nadenu ita tao basa paleta sila-la, ma fe ha'da-holomata neun. Metema, ita tao tungan leondiak soona, neukose Ana nakaboboi ita leoinan tataas esa, fo ela ita taso'da no tetu-temak tahele.

ULANGAN 7:11

Da'di, tunga basa hoholo-lalanek fo faik ia, au anduku-alosak-kana neu emi.”

ULANGAN 8:1

“Basa hoholo-lalanek fo au fen neu emi, nai faik ia, emi muse tao-no'in no dalek-katematuak, fo ela emi maso'da mahele, ma emi boetai mamade'uk-ka, ma emi leo nai dae fo, Manetualain helu basan neu emi bei-ba'i kaim-mala.

ULANGAN 8:11

“Manea matalolole, fo boso nalosak emi mafandele heni, emi Manetualaim-ma; ho'u la'iesak hoholo-lalanen fo au fen neu emi, nai faik ia dalen-na.

ULANGAN 9:1

“Tolano-tolanoong-ngala lemin, mamanene te! Faik ia, emi lena Lee Yarden-na, fo meu mangatuu-ma leoina fo ba'u lena em ma balakain-na lena heni emi ndia, daen-na. Sila kotan-nala matuaina mesa-mesan, ma papala nanadaman-nala mademaina-la losa lalai.

YOSUA 3:9

Boema, Yosua naloo hataholi Israel-la, de nafa'das nae, “Mai fo mamanene hata fo emi Manetualaim-ma, paletan neu emi-a.