ULANGAN 32:9 - Susula Malalaok Hehelu Palak Ma Hehelu Beuk

⁹ Tehu Yakob tititi-nonosin ia-la Manetualain heles da'di Ndia nuu Mesan.

ULANGAN 32:9 ပူးပေါင်းရင်းမြစ်များ

2 SEMUEL 14:16

Atam-ma dodoo nae, neukose au Ama Maneng namanene fo soi-tefa-na atam-ma neme hataholi fo, ana sanga enok sanga taonisa atam-ma, ma atam-ma anan-na. Ala tutu'u basa, fo ala usi heni ami neme dae fo Manetualain fen neu anan-nala ndia.

2 SEMUEL 20:19

Ami nusam Abel ia matuaina, kota esa nee-nee lino-linok, ma manalilinekak nai dae Israel ia. Tao le'e de, Tuan sanga enok fo tao makalulutuk-kana? Tuan nahiik tao nakalulutuk Manetualain daen-na do?”

1RAJA-RAJA 8:51

Sila nde been-na O ana mesam, fo O moos kalua leme Masir mai, fo mamanak sila nana tuni-ndenik.

1RAJA-RAJA 8:53

O, ou Manetualain O hele basa sila leme leoina lala'en-na dalek mai soaneu da'di O ana mesam so, sama leo hata fo O mafa'da neus tunga O atam Musa, lelek O hela-nole ami bei-ba'i kai mala kalua leme Masir mai.”

MAZMUR 106:40

Boema Manetualain nasan-na lua ponu-ponu soaneus, Ana malua seluk, Ndia nuu mesan-na.

MAZMUR 106:5

Ela leo bee-na, au ita O hataholi hehelem-mala tetu-teman, ma amahoko sama-sama o, O anam-mala. Ela leo bee-na, au daleng-nga namatua, ma amahoko-setelee, sama-sama o, hataholi fo ala da'di O nuum so.

MAZMUR 135:4

Ana hele Yakob ba'eneu Ndia, ma Ana tao hataholi Israel-la, da'di Ndia nuun.

MAZMUR 28:9

Soi-tefa-ma O anam-mala, ou Manetualain, ba'e-pala O hataholim-mala. Da'di sama leo manfoo esa ba'eneus, ma maneas losa dodoon-na.

MAZMUR 33:12

Maua-manalek ba'eneu leoina fo, ana manaku Manetualain da'di leo ndia Manetualain-na, maua-manalek ba'eneu hataholi fo Ana helen da'di Ndia nuun!

MAZMUR 74:2

Mafandendelek O anam fo, O heles neme makahulun eli mai, O soi-po'i leoina-kala, fo ela ala da'di O nuum. Mafandendelek Pupuku Sion fo, O taon da'di O mamana leleom-ma.

MAZMUR 78:71

neme mamanak fo, ana nakaboboi bi'ilopo ina-la mai, soaneu ana foo Israel, fo anan-nala.

KELUARAN 15:16

Ala bii-lamata'u lanseli, nai lelek lita matan Manetualain be'i-balakain. Lelek O anam-mala la'ok tunga ndia, tehu musu-a ta napalani kena-ka'i fas; Fe leoina fo O soi-po'i basak-kala lala tasi selik.

KELUARAN 34:9

Nafa'da nae, “Manetualain, metema te'e-te'e au andaa o O dalem-ma soona, au dokodoe, ela leo been-na Manetualain tunga moo ami. Memak leoina ndia langa batuk, tehu fe do'o do ampon neu ami tatao-nono'i mangalaum-ma, ma ami sala-singom, ma sipok-ma ami, da'dileo O ana mesam.”

YESAYA 19:25

Manetualain Fo Manakoasa, neukose ba'e-palas, ma nafa'da nae, “Au ba'e-pala emi, hai Masir fo, Au anang-nga, Asyur fo, Au lima tataang-nga, ma Israel, Au anang fo Au helek-ka.”

YESAYA 34:17

Manetualain nde ba'e nusak ndia neu sila, de esa-esak sipo-na baba'en-na. Neukose ala leo lai ndia, losa dodoon-na, ma dae ndia da'di sila pusakan neme bobongik leo bobongik neu.

YESAYA 43:21

Sila nde leoina fo, Au akadada'dik-kasa ba'eneu Au, fo ela, ala hapu tui-benga kokoa-kikiok ba'eneu Au.”

YEREMIA 10:16

Yakob etualain-na ta sama leo sosongo-tatangok ndia fa; Ndia manamakadada'dik basa hata lala'en-na. Na'den-na nde Manetualain Fo Manakoasa; Ndia nde hele Israel da'di Anan-nala.

YEREMIA 2:7

Au os leo, nusa maoe-maisik-ka neu fo la'a buna-boak, ma basa hata malole lala'en manai naa-la. Tehu ala losa ndia boema, ala tao langgenggeo Au daeng-nga, ma ala tao Au hata-hetong da'di hata esa fo nanamaluak.

YEREMIA 51:19

Yakob Aman Manetualain ta sama leo dodoki-dudulak sila-la; Ndia makadada'dik basa hata-hata nai daebafak. Na'den-na nde been-na Manetualain Fo Manakoasa; Ana hele Israel da'di anan-na.

MIKHA 2:5

Hu ndia de, metema losa fain fo fe falik nusak ndia leo Manetualain, anan-nala neu soona, neukose ta hapu hataholi esa boen neme emi mai, sipo baba'en-na fa.

ZAKHARIA 2:12

La'iesa seluk, neukose Yehuda da'di Manetualain nuu hehelin, nai daen fo malalao-malalafu ka, ma neukose Yerusalem da'di Ndia kotan, fo Ana sue-lai nan, ba'un-na seli.

EFESUS 1:18

Au dokodoe neu Manetualain, fo ela Ana soi emi dudu'a-aafi mala, fo ana mangale'do; fo ela emi malelak hata fo emi mamahenan neme Manetualain fo mana maloo emi a. Fo ela emi boeo bubuluk, baba'e-papala mana'a hiik ma mana sasikao-kao ka, fo Manetualain sadia basan ba'eneu hataholi kamahehele nala so;

ULANGAN 9:29

Tehu mafandendelek leona, Manetualain, te hataholi ia-la nde been-na, leoina fo O heles da'di O anam, de O moos leme Masir mai, nenik O be'i-balakaim, ma O koasa matuainam-ma.”

YOSUA 24:17

Manetualain fo ita Manetualain-na, nde soi-po'i ita bei-ba'i kain-nala, ma ita neme ata nai Masir. Ita tita basa, Manetualain tao manada'di beuk-kala so. Manetualain nasulu-nahapa ita tataas esa, nai ita leleo-lala'on-na dalek, tunga nusa dea-la.

SEMUEL SUSULAK-KA ESAN-NA 10:1

Basa boema, Semuel ho'i-na kete mina setun-na, de ana po'a mina ndia neu Saul langan lain, ma ana de'in, boema nafa'da nae, “Manetualain ndo ei basa o da'di manek neu Ndia anan Israel so. Neukose o paleta anan-nala, ma masulu-mahapas leme musun-nala mai. Ta'du-tanan nde ia, nae Manetualain hele basa o da'di manek neu anan-nala: