ULANGAN 32:5 - Susula Malalaok Hehelu Palak Ma Hehelu Beuk

⁵ Tehu emi nde been-na, leoina fo, ta manalilinekak fa, de ta nandaa da'di Ndia anan-nala so'on, leoina fo, henuk no masapepeko-masandandalik ma sala-singok-ka.

ULANGAN 32:5 ပူးပေါင်းရင်းမြစ်များ

KEJADIAN 6:12

Manetualain mete daebafak ndia, de nita ka'da tatao-nono'i mangalauk-ka mesak-kana, nana basa hataholi daebafak-ka maso'dan-nala mangalauk-ka.

MAZMUR 78:8

fo ela sila boso sama leo sila bei-ba'i kain-nala fo ala hii lalena langa-lasa'ba soo, ma manamalelesik; bobongik fo namahehelen-na, ta matea-mahelek, ma ta lilineka leu Manetualain fa.

KELUARAN 32:7

Boema Manetualain nafa'da Musa nae, “Kona lai-lai, nana o leoinam fo o hela-noles kalua leme Masir mai-a, ala tao tatao-nono'i mangalauk so.

AMSAL 8:8

Au hala-kokolang-ngala basas ndoos ma matetuk, ta hapu esa boen fo puputa-papaik do sala fa.

YESAYA 1:4

Soe ba'eneu emi, leoina fo masala-masingok-kala, hataholi fo dale aafi tak-kala, ma manatao tatao-nono'i mangalauk-kala lemin! Emi kosik de emi tu'da, hu kande emi sala-singom-mala. Emi tipa heni Manetualain so, ma emi masadea Manetualain fo Malalao-malalafuk nanseli, fo emi muse sene-do'ok-ka.

YESAYA 63:8

Manetualain nafa'da nae, “Te'e-te'e, sila nde been-na, Au anang, anak fo, ala ta tao-la Au daleng-nga ba'ihana fa.” Boema, Ana da'di sila Manasoi-manatefan,

HOSEA 9:9

Emi tatao-nono'im, mangalaun-na seli, sama leo hataholi manai Gibea-la tao hain so. Neukose Manetualain nafandele emi sala-singom, ma neukose Ana huku emi, nanahu emi sala-singom-mala.

ZEFANYA 3:7

Au dodoo ae, ‘Tao leo bee-o, besak ia, Au anang-ngala fe ha'da-holomata neu Au, ma ala taoafik neu Au hala nabengang lala'en-na. Tao leo bee-o, lafandele, Au fes nanolik-kala.’ Te se'kona ala boetai tao tatao-nono'i mangalauk seluk, lena heni makahulun-na.

BILANGAN 23:21

Ta tita tatao-nono'i mangalauk nai Yakob fa; Ta tita toto'a-tataak nai Israel fa. Manetualain, fo sila Manetualain-na sama-sama nos.

MATEOS 16:4

“Hataholi lelek besak ia la mangalau naseli, ma malena langa-masa'ba soo kala. Emi moke Au tao manda'di beuk, tehu neukose, Au ta tao fe emi manda'di beuk esa boen, ta'da fe'e mana da'di beuk Nabi Yunu sa.” Yesus kokolak basa nae leondia boema ana la'oelas leona.

MATEOS 17:17

Boema Yesus naen nae, “Emi ia anseli! Tete'e ka, nanoli doak emi ia, ma emi ta mamahele fa. Au muse leo-apalasa o emi losa fai hi'da, ma Au ta haelai amanasa soaneu emi? Mo ni'i ana ndia, leo ia mai!”

MATEOS 3:7

Hataholi Farisi la ma hataholi Saduki la boeo makadotoknan mai fo loke Yohanis salanis. Tehu Yohanis mete nitas ala mai boema nafa'das nae, “Hei, hataholi mangalau kala lemin! See ka nde nafa'da emi nae, emi ta hapu malai meme Manetualain huhuku mana mai na fa?

LUKAS 9:41

Boema Yesus nataa nae, “Te'e-te'e emi hataholi langa batuk ma kamahehele tak! Losa faihi'da, Au muse leo o emi ma Au ta haelai amanasa neu emi? Mo o anam ndia leo ia mai!”

YOHANIS 8:41

Emi tao-no'i hata fo emi amam tao-no'i ka.” Tehu lataa Yesus lae, “Ana kanaek ta ami fa. Ami Amam ka'da esa, fo nde Manetualain mesa kana.”

HATAHOLI 2:40

Petrus nafa'da mangalele'do fes nae leondia. Petrus kokolak nos dede'ak ba'u ka, fo tao ka nde ladook aoina nala leme hataholi mangalauk fo neukose Manetualain huku kala.

HATAHOLI 7:51

Tolanoo kala langa batu manseli, ma tea na seli soaneu emi tunga Manetualain! Emi di'idoo mala pake nanseli neu Manetualain dede'a-kokolan! Emi mo emi bei ba'ikai mala matak esa! Emi la'ban Manetualain Dula Dale na tataas esa!

2 KORINTUS 11:3

Tehu au bibii ka'da, emi dudu'a-aafim nanadudungu-papauk soaneu ta lilineka seluk neu Kristus sama na leo Hawa, fo makahulu na boeo nanadudungu-papauk neme menge a malela talimo'di na mai.

ULANGAN 31:29

Au bubuluk, ae mate au soona, neukose hataholi sila-la da'di hataholi mangalauk, ma ala ta sipok hata fo, au anolin neu sila fa. Ma neu makabuin-na te, susa-soe-a tuni-ndeni nalas, nanahu ala tao-la Manetualain namanasa, nanahu ala la'olena hata fo, Ana ka'in-na.”

ULANGAN 32:20

Nafa'da nae, ‘Au ta tulu-fali sila so'on; nemen-na fo Au mete su'dik-kasa, neu mate'en-na, ala tao leo beek. Nana leoina sila-la, lalangabatu, ma ala ta lilineka makandondook fa

ULANGAN 4:16

Da'di, manea leona, fo ela boso nalosak emi masala-masingo, nanahu emi tao dodoki-dudulak fo emi sene-do'ok neun. Dodoki-dudulak ndia lupan-na su'di leo beek boe, sama leo touk do inak,

ULANGAN 4:25

Boeo mahani te, metema emi leo dook-ka nai nusak ndia, ma emi maupu-maanak soona, boso tao sala-singok, nanahu emi tao dodoki-dudulak nai lupak matak leo beek-ka boe. Tatao-nono'ik ndia nde been-na, tatao-nono'i mangalauk esa, nai emi Manetualain-ma mata memeten-na, de neukose namanasa.

ULANGAN 9:24

Nai lelek neme au alelak emi-a, emi lena-la'ban Manetualain tataas esa.

FILIPI 2:15

No enok ndia, emi matu'du mae, emi nde bee na Manetualai nanan, fo sala-singo ta kala, ma emi maso'da tunga ndo na ma emi ndoos nai hataholi mangalauk fo masala-masingo kala tala'da. Ma nai lelek fo emi manduku-malosak halak mana fe so'da ka neu hataholi sila la, ela leo bee na emi mangale'do nai sila tala'da, fo nangale'do na daebafa ka. Metema emi maso'da leondiak soona, neukose au hapu ne'ek soaneu au amatutua-amadedema emi nai lelek fo Yesus Kristus fafali ma'i na. Fo ndia da'di buti nae, au sota-mate te ta louk fa, ma au hapu au tutunga-sasangang buna-boan.

HAKIM-HAKIM 2:19

Tehu metema, mate mauli-malangan sila soona, leoina sila ha'da-tataon, mangalauk lena seluk neme bobongi makahuluk-ka mai. Lakaluku-lakatele neu lamatua fe'ek-kala, ma ala sene-do'ok lamatua fe'ek sila-la. Ala fali leo sila ha'da-tatao mangalaun-nala neu, ma ala ta nau lasafali ha'da-tataon-nala fa.