ULANGAN 32:4 - Susula Malalaok Hehelu Palak Ma Hehelu Beuk

⁴ Emi manamasala'em-ma nde, Manetualain fo palani tatibatu, ue-le'din matetu-mandaak, ma basa enon-na ndoos ma matetuk. Emi Manetualaim-ma manalilinekak, ma ta masapepeko-masandandalik fa, Ana tao hata fo malole ma la'en.

ULANGAN 32:4 ပူးပေါင်းရင်းမြစ်များ

KEJADIAN 1:31

Manetualain nita, Ana taon-na basa hata lala'en-na ndia boema, namahoko nanseli. Le'odaek-ka seli, boema fafaik-ka da'di. Fo ndia nde fai ka 6-na.

KEJADIAN 18:25

Boso taomisa hataholi sala taak sila-la, sama-sama loo hataholi masalak-kala. Bosok Manetualain! Nana, metema Manetualain taon soona, tao leo bee-o, neukose hataholi sala taak-kala, nanahukuk sama-sama loo hataholi masalak-kala. Hapu nai bee, manakee-manafula lalai ma daebafak-ka, ho'i nakeketuk fo ta ndoos ma matetuk fa!”

2 SEMUEL 22:47

Manetualain maso'dak! Kokoa-kikiok neu au manamasala'eng-nga! Mamatutua-mamadedema Manetualain fo au manasoi-manatefang-nga, matua-mademan!

2 SEMUEL 23:3

Yakob Manetualain-na, Ana kokolak basa so; manamasulu-mahapa Israel-la, nafa'da au nae, “Manek fo manapaleta laun-na no ndoos ma matetuk fo mananauli-nalanga no tunga neu Manetualain,

2TAWARIKH 19:7

Emi muse bii-mamata'u neu Manetualain, ma tao hata esa no besa-besa, nana ita Manetualain namanasa hataholi manatao peko-pakik-ka, boso mete matak do sipo hataholi fo ana solo o dalem-ma nenik doik.”

NEHEMIA 9:8

O bubuluk ana lilineka neu O, ma ana tunga paleta. Boema O tao hehelu-balataa matea-mahelek mon. Dae Kana'an, Het ma Amori, dae Feris, Yebus ma Girgasi, O sanga fen basa sila-la; da'dileo tititi-nonosin lala'en-na, mamana leleon-na. Basa boema, O tao matetu hehelu-balataak ndia ba'eneun, nana O ndoos ma matetuk, ma lilineka.

AYUB 34:10

Hai hataholi manatee-tenok-kala lemin, mamanene leona! Te masa bole, Manetualain Fo Manakoasa ana tao salak?

AYUB 35:14

Ayub, nakalenak bai, metema o mafa'da, mae o ta mita fan, ma o mae o dede'am-ma, nai matan-na so, de o mahani talu-talu mon!

AYUB 36:23

See kande, bisa natu'du fen enok, do napalani kalaak-kana nae, Ana tao salak?

AYUB 8:3

Beita la'i esa fo, Manetualain tao peko-pakik, ndoos ma matetuk-ka fa; beita la'i esa fo napadedeik natetetu ndoos-sa, fo ta da'di fa.

MAZMUR 100:5

Nana Manetualain malole; susue-lalain losa dodoon-na, ma lilinekan, neme bobongik leo bobongik neu.

MAZMUR 138:8

Neukose, O tao matetu, O hehelum neu au-a; boso hahae tao hata esa, ba'eneu O anam-mala.

MAZMUR 145:17

Manetualain ndoos ma matetuk nai tatao-nono'in-na dalek, ma henuk no susue-lalaik nai tatao-nono'in lala'ena dalek.

MAZMUR 146:6

Ndia nde nakadada'dik lalai no daebafak-ka, ma tasi no oe-isin lala'ena,; Ana lilineka losa dodoon-na.

MAZMUR 18:2

Au sue-lai O, ou Manetualain, O de been-na au be'i-balakaing!

MAZMUR 18:46

Sila palanin-nala, mopon so; ala dele beengge'be de ala kalua leme sila kota musun-na mai.

MAZMUR 19:7

Ana la'ok ndolo lalai-a, neme pe'dak leo pe'dak neu; basa hata lala'ena, ala hapu le'do haan-na.

MAZMUR 31:5

Soi-po'i au neme hihi'ik fo, nanalonak ba'eneu au, nana, O nde au mamana nasulu-nahapang-nga.

MAZMUR 33:4

Basa Manetualain dede'a-kokolan hapu nananamahelek; Ana lilineka nai basa tatao-nono'in-na dalek.

MAZMUR 78:35

Ala lafandele, lae sila masulu-mahapan nde Manetualain, ma lae sila manasoi-manatefan nde Manetualain Fo Mademaina.

MAZMUR 9:16

Nggileo-bobongik fo, ta lalelak O-a fa, ala tu'da leo bolok fo sila kaliaon-na dalek leu; sila hihi'in-nala, nala seluk-kasa.

MAZMUR 90:16

Matu'du O tatao-nono'im neu ami fo atam-mala, ma O koasam fo neni namahoko-seteleek fe ami tititi-nonosim.

MAZMUR 92:15

ai fo bei naboa nai tepo lelek namalasi, doon-na momo'dok nahele.

MAZMUR 97:2

Ko'as-sa ma makahatuk-ka okofeo lalan; paletan-na napadeik nai ndoos ma matetuk-ka, ma hoholo-lalanek-ka lain.

MAZMUR 98:3

Ana nafandele neu susue-lalain, ma lilinekan neu Israel fo, anan-nala. Basa leoina manai daebafak-ka lala'ena, lita basa ita Manetualain-na, sesengin-na so.

MAZMUR 99:4

Manek fo mabe'i-balakaik, fo manasue-lai hoholo-lalanek; O mapadedeik matetu ndoos-sa so; O makalala'ok hoholo-lalanek, ma ndoos ma matetuk-ka nai Israel.

KELUARAN 34:6

Basa boema Manetualain la'ok leo Musa uluk neu, de nafa'da nae, “Au Manetualain, nde been-na Manetualain fo dalen-na henuk no dale malole ma susue-lalaik. Au susue-lalaing sasi kao-kao, Au manalilinekak ma ta haelai namanasa fa.

PENGKHOTBAH 3:14

Au bubuluk Manetualain lima tataan lala'en-na, neukose lahele losa dodoon-na. Hataholi daebafak-ka ta hapu popo-tama fan, do tao kulang-ngana fa. Ma Manetualain ho'i nakeketu leondiak, fo ela ita bii-tamata'u neun.

YESAYA 17:10

Israel, o mafandele heni Manetualain fo manasoi-tefa, ma manamasulu-mahapa o, sama leo lete batu matea-mahelek-ka so. Nasafalin-na, o sele o osi angol-mala soaneu lamatua daebafak-kala.

YESAYA 25:1

Manetualain, O nde au Manetualaing-nga, au amatutua-amadedema O, ma au koa-kio O na'dem-ma nana O tatao-nono'im, dodoo doak-kana nanseli; O tutu'u basan, neme makahulun-na mai so, ma O tao matetun no lilinekak.

YESAYA 26:4

Mamahele neu Manetualain tataas esa leon, nana Manetualain nasulu-nahapa ita tataas esa.

YESAYA 28:16

Hu ndia de, Manetualain Fo Mademainan-nafa'da nae leo ia, “Neukose, Au tao uma latek fo, matea ma mahelek nai Sion; batu bu'uk kabelik esa, fo nanasulak nai batu ndia nae, ‘See fo namahehelena matea-mahelek soona, neukose ana ta nau kala fa.’

YESAYA 30:18

Leomae leondiak boe, Manetualain nahani talu-talu no fain-na, soaneu natu'du susue-lalain neu emi. Ana naheheleaon, soaneu sue-lai emi. Nana, Manetualain nde been-na, Manetualain fo manatao hata fo, nandaa. Maua-manalek ba'eneu hataholi fo, namahena neun.

YESAYA 32:2

Sila esa-esak, sama leo ani-sangu mamana nasulu-nahapan. Sila sama leo lee fo, ana faa nai moo solokaek-ka, sama leo batu matuaina manai dae tuuk-ka, mamana susulun-na.

YEREMIA 10:10

Tehu O, Manetualain, Manetualain fo matetuk-ka, Manetualain fo manafe so'dak-ka, Manek fo manaketu basa tak. Metema O mamanasa soona, daebafak-ka nanggengo, metema O nasam-ma lua soona leoina-la ta lakatatak fa. (

YEREMIA 9:24

Se nau namatutua-namadema aon-na la'eneu hata esa, soona muse dalen-na namatua nae ana nalelak ma bubuluk Au; nae ana bubuluk Au manasue-laik losa dodoon-na ma Au tao atetu huhukuk-ka ma ndoos ma matetuk-ka nai daebafak. Basa sila-la tao namahoko Au daleng-nga. Au, Manetualain, fo manakokolak-ka.”

DANIAL 4:34

Lelek basa teu ka hituk sila-la boema, au anganalo leo lalai u, boema au dudu'a-aafing fali ma'in. Boema au koa-kio Manetualain Fo Mademaina. Au so'u amadedeman ma au koa-kio Ndia fo maso'dak neme doon losa dodo-na ndia ae, “Neukose Manetualain da'di manek losa dodoon-na. Ana koasa neme doon losa dodo-na.

DANIAL 4:37

Da'di besak ia, au fo Nebukadnezar, koa-kio ma au tao amadedema Mane Nusa so'dak-ka. Basa tatao-nono'in lala'en-na ndoos ma matetuk, ma nakadadaek hataholi manakoao-ndaeaok-ka.

HABAKUK 1:12

Manetualain, O nde been-na Manetualain neme makahulun eli mai. O nde been-na au Manetualaing fo malalao-malalafuk, ma manaketu basa tak. Manetualain fo au Manetualaing ma au manamasulu-mahapang; O hele leoina Babel ndia, de O fen be'i-balakaik fo ana huku ami.

HABAKUK 1:13

Tehu, tao le'e de O makatatakak, mete hataholi manatao mangalauk fo dale susue-lalai tak sila-la? Ade O ta malalao-malalafuk manseli, soaneu mete tatao-nono'i magalauk fa hetu? Ade O ta malua mete ta ndoos ma matetuk-ka fa hetu? Da'di, tao le'e de, O ka'da denge-denge, nai lelek hataholi malenalanga-masa'basok-kala tao lakalulutuk hataholi kamahehelek-kala?

ZEFANYA 3:5

Tehu Manetualain bei nai kota ndia. Ana tao hata ndoos-sa tataas esa, ma Ana beita tao hata masalak fa. Tunga-tunga fafain-na, tao leo bee-o, Ana fe ndoos ma matetuk-ka neu anan-nala. Tehu hataholi fo ta nalelak eno ndoos ma matetuk manai kota ndia fa, ana tao nahele tatao-nono'i mangalauk-ka, no ta nalelak bibii-mamaek fa.

MATEOS 5:48

Emi Amam ma nai nusa so'da ka boeo, Ana sue-lai basa hataholi lala'ena no matetu-mandaak. Hu ndia de emi boeo muse tao leondiak.”

YOHANIS 1:14

Dede'a-kokola ka, Ana da'di hataholi daebafak, de Ana leo nai ita tala'da, boema ita tita matua-mademan so. Matua-mademan ndia, Ana sipo kana da'dileo Ama ka Ana kisa na. Tunga Anan ndia, de ita tita Manetualain, ma susue-lalain neu ita.

YOHANIS 1:17

Ita sipo Manetualain Hoholo-lalanen tunga Musa. Tehu lafa'da Manetualain susue-lalain, ma liinekan, tunga Yesus Kristus.

YOHANIS 14:6

Boema Yesus nae, “Au nde enok soaneu emi malelak Manetualain, fo emi hapu maso'da. Hataholi esa boen, ana ta hapu neu leo Ama ka neu fa, metema ta no Au fa.

YOHANIS 5:22

Ama ka ta naketu-nala'di hataholi esa boen. Nanahu Ana fe basa Ana na koasa, fo naketu-nala'di so.

ROMA 1:32

Ala bubuluk basa, metema tunga Manetualain hoholo-lalanen soona, hataholi manatao tunga nana, muse hukunisan. Leomae leondia boe, ala tao lakandoo; lena-lenak bai, lakatutuluk hataholi la fo ala tao tatao-nono'i mangalauk.

ROMA 2:2

Ita bubuluk basa, metema Manetualain naketu hataholi manatao tatao-nono'i matak leo sila kala, huhuku nala soona, Manetualain nakeketun ndia la'en.

ROMA 2:5

Tehu emi langa batu ma emi ta nau oebeu dale mala fa. Hu ndia de, emi nde tao mambela seluk emi huhuku ma nai Fai Mate'e ka, metema Manetualain natu'du nasa-melun fo naketu-nala'di tunga matetu na.

ROMA 3:5

Tehu metema Manetualain mandoon ndia boetai nananitak, hu ka nde ita tatao-nono'i masala na soona, ade ita bei sanga tae le'e bai? Metema Manetualain huku ita soona, ita tafa'da tae, Manetualain ta naketu tunga ndo na fa hetu do? Tunga hataholi daebafa ka soona, natatanek ia, memak nandaa.

1 KORINTUS 10:4

ma linu nininu salanik matak esa. Basa-basas linu neme lete batu salanik fo sama-sama no sala; lete batu ndia nde Kristus mesa kana.

ULANGAN 10:18

Ana nasala'e faluina anamaak-kala haak-ka, fo ela taos tunga ndoos ma matetuk. Ana sue-lai hataholi nusa dea fo, manaleo sama-sama loo ita leoinan-nala, ma Ana fes nana'a-nininuk ma papake-ngganggaok.

ULANGAN 32:15

Manetualain anan-nala da'di kamasu'i-makabetek, tehu ala hii lena-la'ban paleta laao bebonu, ma lakabete nana'ak. Boema ala la'oela Manetualain fo Manamakadada'dik sila ma ala ta sipok Manasoi-manatefa palani tatibatu-na fa.

ULANGAN 32:18

Ala lafandeleheni sila Manasoi-tefan fo, palani tatibatu, lafandeleheni sila Manetualain fo, manafe maso'dak-ka.

ULANGAN 7:9

Mafandendelek mae ka'da emi Manetualaim-ma mesa-mesak-kana nde Manetualain-na, ma Ndia nde Manetualain fo manalilinekak. Manetualain tao natetu hehelu-balataan, ma natu'du nahele susue-lalain neu hataholi fo, manasue-lain neun-na, ma manatunga paletan-nala, losa bobongik lifun esa.

YAKOBIS 1:17

Basa fe fee malole ma bua palsen matetu-mandaa ka, ana mai neme nusa so'da ka mai. Fo Manetualain mana Makadada'dik basa hata masalaak manai lalai a, nde nakona nana. Ndia nde Manetualain fo, Ana ta da'di nasafafali, ma ta nini makiu-makahatuk faa ana boen.

YAKOBIS 4:12

Te se'kona ka'da hataholi esa mesa kana, nde nanuu haak, fe hoholo-lalanek sila la neu hataholi daebafa ka, ma naketu-nala'di hataholi daebafa ka. Hataholi ndia nde, Manetualain fo nanuu koasa fe so'dak, ma hukunisa hataholi daebafa ka. Da'di, emi ia see, de nalosa emi nau fe salak neu emi nonoo hataholi ma?

1 PETRUS 2:6

Nanahu nai Susula Malalaok dale nanasulak nae leo ia, “Au hele basa batu kabelik esa so, de Au pe'dan nai Sion, da'dileo batu makasososak; fo see namahelen soona, dale na ta ba'ihana fa.”

SEMUEL SUSULAK-KA ESAN-NA 2:2

Ta hapu malalao-malalafuk sama leo Manetualain fa! Ka'da Ndia nde hapu fe nasulu-nahapak.