ULANGAN 30:8 - Susula Malalaok Hehelu Palak Ma Hehelu Beuk

⁸ Neukose emi tunga Manetualain seluk, ma emi makalala'ok basa paletan fo, au fen neu emi nai faik ia.

ULANGAN 30:8 ပူးပေါင်းရင်းမြစ်များ

AMSAL 16:1

Hataholi daebafak-ka, bole tutu'u enok, tehu Manetualain nde fe nakeketuk-ka.

YEREMIA 31:33

Hehelu-balatak beuk-ka nde ia fo neukose Au taon neu hataholi Israel-la: Neukose Au tao Au hoholo-lalaneng nai sila dale bobongoanan-nala dalek ma Au sulak-kana neu sila dalen-nala. Neukose Au da'di sila Manetualain-na, ma neukose sila da'di Au anang-ngala.

YEREMIA 36:3

Fafa'kama hataholi Yehuda-la neukose ala tao hahae mangalauk, metema ala lamanene la'eneu basa susa-soe fo neukose Au tuni-ndeni neu sila. Soona neukose Au fe do'o do ampong neu sila salan-nala, ma mangalaun-nala.”

YESKIAL 36:27

Neukose Au akona, Au Duladaleng-nga leo emi dalem dale neu, ma Au anea emi, fo ela emi maso'da tunga Au hoholo-lalaneng, boema emi tunga basa Au paletang-ngala.

YESKIAL 37:24

Neukose ala da'di esa nai manek esa paletan-na dae, sama leo Mane Dauk-ka, fo ana paleta losa dodoon-na. Neukose, ala tunga Au hoholo-lalaneng no lilinekak. Sila, boema sila tititi-nonosin-nala, neukose ala leo dae ndia, dae fo Au fen neu Yakob, ma sila bei-ba'i kain-nala leon losa dodoon-na.

EFESUS 2:16

No Kristus mamaten nai ai nggangek lai na de, Ana tao nakabubua leoina ka duak sila la da'di esa, ma Ana fes ala mole-dame lo Manetualain, boema musu ndia mopo kana.

ULANGAN 30:2

Metema emi ma emi tititi-nonosim-mala, nau feli leo emi Manetualain-ma mai, ma emi tunga basa paletan fo, au fen neu emi, nai faik ia no emi dalek-katematuam-ma,

ULANGAN 30:7

Neukose Ana fe basa sosoo-susupak sila-la, leo emi musu-musum fo, ta lahiik ma manatuni-ndeni emi-a.

ULANGAN 30:9

Neukose emi Manetualaim-ma, fe emi tutunga-sasangam lala'en-na, neni buna-boak fe emi; neukose emi anam makadotok, ma emi bana-manum makadotok; ma emi tinam-mala, buna-boan sasi kao-kao. Manetualain namahoko, de Ana fe emi maso'da no tetu-temak, sama leo Ana namahoko, de Ana fe tetu-temak neu emi bei-ba'i kaim-mala boe.

FILIPI 2:13

nana Manetualain nde tao-no'i dede'ak sila la, nai emi ao inam dale, soaneu emi nau ma emi tao mabe'i Manetualain hihii nanaun.