ULANGAN 30:7 - Susula Malalaok Hehelu Palak Ma Hehelu Beuk

⁷ Neukose Ana fe basa sosoo-susupak sila-la, leo emi musu-musum fo, ta lahiik ma manatuni-ndeni emi-a.

ULANGAN 30:7 ပူးပေါင်းရင်းမြစ်များ

KELUARAN 23:22

Metema emi tungan, ma emi tao basa hata fo Au paletan neu emi soona, neukose Au atee-atati la'ban la'i esak emi musum-mala.

YESAYA 10:12

Tehu Manetualain nafa'da nae, “Metema hata fo Au sanga taon nai Pupukuk Sion-na ma nai Yerusalem ndia basan soona, neukose Au huku manek Asyur-ra, nanahu manakoao-ndaeaon-na ma namatutua-namadedema aoinan-na.”

YEREMIA 25:29

Neukose Au tao makasososa nakalulutuk ndia nai Au kotang-nga. Boso nalosak sila laedaenga neukose ata hapu huhukuk fa. Ta bole nae ta sila nanahuhuk nanahu neukose Au uni natee-natatik neu basa leoina daebafak ia poin. Au, Manetualain Fo Manakoasa nde manakokolak-ka.

YEREMIA 30:16

Tehu besak ia basa manako'do emi-a, neukose nanako'dok, ma basa o musumom-mala neukose nanafoo nenik lo mamana tu'u-tapak-ka neu. Neukose Au tuni-ndeni manatuni-ndenik-ka, neukose Au amanako manamamanako emi-a.

YESKIAL 25:12

Manetualain Fo Mademaina, nafa'da nae, “Leoina Edom-ma, ana tao sala matuaina, nanahu ana tao Yehuda no ta pake ha'da hataholik fa, da'di leo tatao-nono'ik fo, ana balas nape'da dalen-na neu Yehuda.

YESKIAL 25:15

Manetualain Fo Mademaina, nafa'da nae, “Hataholi Filistin-nala, balas sila nape'da dalen-na neu sila musu matuainan-na nenik ala tao lamate-lamopos.

YESKIAL 25:3

Madenu leoina ndia, fo namanene hata fo Au, Manetualain Fo Mademaina, nafa'das: ‘Emi mamahoko, mete Au Umang-nga nanatao nanggenggeok, ma dae Israel-la nanatao nalutuk, boema leoina Yahudi-a, nanafook leo mamana tu'u-tapak neu.

YESKIAL 25:6

Manetualain Fo Mademaina, nafa'da nae, “Emi totoko lima, boema emi foti-longe. Emi makadadaek dae Israel-la.

YESKIAL 25:8

Manetualain Fo Mademaina, nafa'da nae, “Moab nafa'da nae Yehuda ndia, sama leo leoina fe'ek-kala boe.

AMOS 1:11

Manetualain nafa'da nae, “Laun Edom-mala lasala-lasingo tataas esa so, hu ndia de, tao leo bee-o, neukose Au hukus. Leu latee-lata'ti no dale susue-lalai tak loo hataholi Israel fo sila tolanoon-nala. Lamanasa lakandoo ma lape'da dalek lahele.

AMOS 1:13

Manetualain nafa'da nae, “Leoina Amon-nala lasala-lasingo tataas esa so, hu ndia de, tao leo bee-o, neukose Au hukus. Lelek latee-lata'ti fo ala tao lamaloa sila nusan-na, ala saika'di inak-kailus manai Gilead-tala tein-nala.

AMOS 1:3

Manetualain nafa'da nae, “Laun Damsyik-kala lasala-lasingo tataas esa so, hu ndia de, tao leo bee-o, neukose Au hukus. Ala tao hataholi Gilead-tala no dale susue-lalai tak,

AMOS 1:6

Manetualain nafa'da nae, “Nusa Gasa laun-nala lasala-lasingo tataas esa, hu ndia de, tao leo bee-o, neukose Au hukus. Ala foo leni leoina esa lala'en-na, de lase'os da'di leo ata neu hataholi Edom-mala.

AMOS 1:9

Manetualain nafa'da nae, “Laun Tirus-sala lasala-lasingo tataas esa so, hu ndia de, tao leo be o, neukose Au hukus. Ala foo leni leoina esa lala'en-na leo mamana tu'u-tapak neu, de ala fes leo Edom neu. Ala la'olena hehelu-balataa tia-laik-ka so.

OBAJA 1:10

“O tao balakaik neu o tolanoom-mala, fo Yakob tititi-nonosin-nala so. Hu ndia de neukose mopo-mate o, ma hataholi nakamu-nakadau o losa dodoon-na.

ZAKHARIA 12:3

Tehu neu faik bee, fo faik ndia losa soona, neukose Au tao-a Yerusalem, sama leo batu mabelaina; fo su'di leoina bee boe, ana so'u so'ban, soona ana hapu soe. Basa leoina manai daebafak-ka, lakabubua, fo leu sapu-la Yerusalem.

BILANGAN 24:14

Boema Bileam nafa'da Balak nae, “Besak ia, au sanga fali leo au leoinang u. Tehu au beita la'o fa te, malole lenak au afa'da Tuan, la'eneu hata fo, nai fai makabuin, leoina Israel-la taon soaneu Tuan leoinan.”

BILANGAN 24:9

Leoina ndia, sama leo singa mane, ma singa ina, fo ana laek, ma nangape'uk. See kande napalani tao nafo'an-nana? Sa'di leo been-na, hataholi manafe o baba'e-papalak-ka, nanaba'e-palak, ma hataholi manasupa-soo o-a, nanasupa-sook.”

ULANGAN 30:8

Neukose emi tunga Manetualain seluk, ma emi makalala'ok basa paletan fo, au fen neu emi nai faik ia.

ULANGAN 7:15

Neukose, Manetualain nasulu-nahapa emi, neme he'di-laus lala'en-na mai, ma nadook emi neme basa soe lala'en fo, emi mita matam neme Masir, tehu Ana fe soe sila-la, ala tuni-ndeni-la, emi musum-mala.